Gastu eta inbertsio hautagarrien fakturen kopia, banakatuta ageriko direlarik aholkularitza edo/eta ingeniaritzako gastuak eta hardware eta software kostuak. – Finantza-erakundearen ordainagirien kopia. – Egindako lanak egiaztatzeko memoria teknikoa. Erakunde hornitzaileak egingo du behin proiektua gauzatu ondoren. – Finantza-erakundearen egiaztagiriaren fotokopia, kontu korrontearen titulartasuna onuradunaren izenean dagoela frogatzeko eta zenbakia zein den zehazteko (IBAN).

Justifikazio-memorian puntu hauek jorratu behar dira:

a) Enpresaren jarduera eta egungo egoera.

b) Covid-19ak enpresaren arlo desberdinetan sortu dituen arazoak (bere jarduera ekonomikoan izan duen inpaktua).

c) Osasun-krisiak eragindako egoerari aurre egiteko egin diren edo egin ahal izango diren ekintza posibleak (alderdi operatiboa eta finantzarioa landuz).

d) Finantza-posizio garbiaren egoera.

e) Finantza-hartzekodunen zerrenda, eta horietako bakoitzaren zorraren posizioa.

f) Kanpoko adituen laguntza eskatzeko beharra eta arrazonamendua.

g) Dirulaguntza honen xede den zerbitzuarekin lortu nahi diren helburuen azalpena.

Laguntzak onartutako aurrekontuaren % 50erainokoak izan daitezke, eta dirulaguntza gehienez 45.000 eurokoa izango da enpresako.

Ez, deialdi honetan ezin da eskatu luzapenik.

Ez. Kasu horretan, hauxe aurkeztu beharko du laguntzaren eskatzaileak: leasing-a formalizatuta eta erosteko konpromisoa, bi alderdiek (banku-erakundeak eta enpresak) sinatua.

Proiektuaren hasierari dagokionez, laguntza-programa honen oinarriak argitaratu aurretik, laguntza emateko ebazpena eman aurretik egindako gastuak hautagarritzat joko dira, betiere 2022ko urtarrilaren 1a baino geroagokoak badira; kasu horretan, 18 hilabeteko epea hautagarritzat jotzen den lehen gastua sortzen den egunetik aurrera zenbatuko da.

Ez. Enpresa eta urte bakoitzeko proiektu bakarra lagundu ahal izango da.

Onuradun izan daitezke ezaugarri hauek dituzten Enpresa Txiki eta Ertainak (ETEak): erauzketa-industriakoak izatea edo eraldatzaileak, produkzio arlokoak edo produktu-prozesu industrialari lotutako zerbitzuetakoak, bai eta jarduera nagusitzat izatea BCSC-ren (Zibersegurtasuneko Euskal Zentroaren) zibersegurtasun-katalogoan erregistratutako enpresa industrialen IT/OT (Information Technology / Operational Technology) inguruneak zibererasoetatik babesteko sistemen konbergentzia eta integrazioa, baldin oinarri teknologikoa edo/eta berritzailea badute.

ETEek produkzio-zentro bat edo gehiago izan behar dituzte Euskal Autonomi Erkidegoan, zeintzuetan kokatuko baitira laguntza jaso dezaketen inbertsioak, eta gutxienez hiru urtez mantendu beharko dituzte.

Enpresa eskatzaileak eskaera bat bete behar du, non jasoko diren:

1. Eskatzaileak egingo dituen inbertsioen memoria xehea, zeinak bere baitan hartuko baititu plan industriala, plan ekonomiko-finantzarioa, laneko plana eta planak burutzeko epeak. Era berean, atxikita izan beharko ditu Oinarri Teknologiko edo Berritzaileko enpresa dela ziurtatzen duten agiriak.
2. Enpresako plantillari buruzko informazio-agiria, lanbide-kategoriaren eta sexuaren arabera banakatuta, eta deialdi hau argitaratu aurreko azken ekitaldiaren itxierari dagokiona.
3. Gizarte Segurantzak emandako “Alta egoeran dauden langileen batez besteko plantilla” txostena edo, eskatzailea kooperatiba bat bada, mutualisten batez bestekoaren ziurtagiria; bai txostena eta bai ziurtagiria deialdi hau argitaratu aurreko 3 urteei dagokiena.
4. Sozietateen gaineko Zergaren azken bi aitorpenak edo, hala badagokio, Pertsona Fisikoen Errentaren gaineko Zergarenak, edo Merkataritza Erregistroan azken bi ekitaldietan aurkeztutako urteko kontuak eta agiri gehigarriak.
5. Eratze-eskritura (enpresa eratu berria denean bakarrik), Identifikazio Fiskaleko Txartela, eta eskatzailearen ahalordea, salbu eta agiri horiek Ekonomi Garapen, Jasangarritasun eta Ingurumen Sailaren esku badaude eta ez bada ezer aldatu. Kasu horretan, eskaeran bertan adieraziko da zein egun eta bulego eta/edo sailetan aurkeztu ziren.
6. Eskatzailea ETE bat dela frogatzen duten agiriak (Europar Batasuneko araudian jasotako ETE kalifikazioaren arabera), hau da: enpresaren eta, hala badagokio, harekin elkartu edo lotutako gainerako enpresen urteko enplegu-datuak, negozio-bolumena eta balantze orokorra. Enpresa-taldearen datu orokorrak ere aurkeztu behar dira, barne hartuz talde osoaren antolamendu-eskema bat, partaidetzak eta enplegu-datuak, ustiapen-zifra eta balantzea, denak ere laguntza eskatu aurreko bi ekitaldietakoak.
7. Ekonomi Jardueren gaineko Zergan alta hartuta dagoela adierazten duen dokumentua.
8. Erantzukizunezko adierazpena -datu-faltsutzerik gertatuz gero, indarreko zehapen-araubidea aplikatuko zaio, bai administrazio arlokoa eta bai penala- alderdi hauek egiazkoak direla ziurtatzen duena:
   • Enpresa eskatzaileak betetzen dituela laguntzen deialdia egiteko Agindu honen artikuluetan eskatzen diren baldintza guztiak.
   • Aitortu dituela beste erakunde publiko edo pribatu batzuei proiektu berarentzat eskatu dizkien eta/edo haietatik jaso dituen laguntzak.
   • Eskaera egiteko unean, enpresa eskatzaileak ez duela dirulaguntza edo laguntza publikoak jasotzea eragozten dion administrazio-zehapenik edo zehapen penalik, eta ez duela aipatutakook eskuratzeko ezgaitzen duen legezko galarazpenik.
   • Enpresa eskatzailea ez dagoela Euskal Autonomi Erkidegoko Administrazio Orokorrak eta haren menpeko erakunde autonomoek emandako izaera bereko laguntzen edo dirulaguntzen esparruan hasitako ezein itzultze- edo zigor-prozeduraren eraginpean.
   • Egunean dagoela itzuli beharreko dirulaguntzen ordainketan.
   • Ez dagoela laguntzak berreskuratzeko agindu baten menpe, Batzordeak aurretiaz erabaki badu laguntza bat legez kanpokoa eta barne merkatuarekin bateraezina dela, eta ez dagoela krisi-egoeran, krisi-egoeran dauden eta finantza arlokoak ez diren enpresen salbamendurako eta berregituraketarako Estatuko laguntzei buruzko Europar Batasunaren jarraibideen arabera (EO, C 249, 2014-07-31).
   • Erregularizatuta daukala Ogasunarekiko eta Gizarte Segurantzarekiko egoera.
   • Betetzen dituela Dirulaguntzei buruzko 38/2003 Lege Orokorreko 13. artikuluan eskatzen diren baldintzak.

Bai, EBko barne-merkatuko beste laguntzekin bateragarriak dira.

Eskaerak 2022ko martxoaren 24ra arte bidali ahal dira (behin-behinekoa)

Zure enpresak argi eta garbi bereizitako proiektu adina laguntza-eskaera aurkez ditzake laguntza-programaren deialdiaren epean. Hala ere, argi eta garbi desberdinak diren proiektuetara mugatu behar da, bai helburuagatik, bai jorratzen duten gaiagatik.

Ez. Araudia argia da puntu honetan. Proiektuan parte hartu duten enpresa adituek emandako fakturen ordainketa bankuko dokumentazioaren bidez egiaztatu behar da. Agiri horretan, gutxienez, honako informazio hau jasoko da argi eta garbi: ordainketa egiten duen erakundea, zein erakunderi ordaintzen zaion, ordainketaren data, ordainketaren zenbatekoa eta, oso garrantzitsua, ordaintzen diren fakturaren edo fakturen zenbakia. Ordainketa-bidalketa enpresak berak sortutako informazioa da, eta ez du modu frogagarrian egiaztatzen fakturak ordaindu direnik.

Eusko Jaurlaritzako Ekonomi Garapen, Jasangarritasun eta Ingurumen Sailak lideratzen du SPRI garapen agentziaren bitartez, BRTArekin eta Euskadiko BICekin lankidetzan.

Bai, baldin elkarteak industri arloko jarduera ekonomiko bat egiten badu edo produktu-prozesu industrialarekin lotutako zerbitzuren bat eskaintzen badu modu erregularrean.

Industria digitala programako proiektuaren exekuzio-memoriak informazio hau jaso behar du: – Konpondutako arazoa/premia. Lortutako helburuak. – Aurkeztutako proiektuarekiko desbideratzeak eta haien justifikazioa. – Eginiko ingeniaritza edo/eta aholkularitzako lanak eta proiektuan sortutako dokumentuak. – Aholkularitza-zerbitzuaren barruan eginiko lanen deskargu zehatza, bertan adieraziz eskaini zaion ordu kopurua (aholkulariaren/teknikariaren izena, data, zeregina, eskainitako denbora…). – Diru-laguntzaren xede den proiektuarekin lotutako hardware eta software arloko inbertsioen azalpena eta frogak (pantaila atzemateak, argazkiak…). Azaldu erlazioa eta zergatik diren beharrezkoak. – Fakturatutako zenbatekoak banakatuta, orobat adieraziz aholkularitza edo/eta ingeniaritzako kostuak, sistemaren lizentziak eta mantenimendua eta hardwarea (hala badagokio).

Laguntza jaso dezaketen gastuak 2022ko urtarrilaren 1etik aurrera sortu edo fakturatu beharko dira, proiektua gauzatzeko epean, hau da, 9 hilabeteko epean, proiektua hasten den egunetik zenbatzen hasita.

Sakondu laguntza eskatzeko, dokumentu hauek aurkeztu behar dira:

a) Eskaera telematikoa, behar bezala beteta eta erakunde eskatzailearen behar besteko ahala duen legezko ordezkariak sinatuta. Eskaera horretan erakundeari nahiz proiektuari buruzko datuak jasoko dira, eta horiek izango dira berau egoki baloratzeko oinarria.

b) Proiektua baloratzeko galdetegi normalizatua, Nazioartekotzearen Euskal Partzuergoaren zuzentarauen arabera definituta (ikusi Sakondu laguntza programaren oinarrietako 5. eranskina).

c) Enpresako eskriturak edota ordezkaritza ahalordea.

d) Emandako kontu korrontearen titulartasunaren ziurtagiria.

e) Zerga betebeharrak eta Gizarte Segurantzarekikoak bete direla egiaztatzen duen ziurtagiria, baldin eta ez bazaio baimenik eman erakunde-emaileari egiaztapen hori zuzenean lortzeko.

f) ETEa dela egiaztatzeko erantzukizunpeko adierazpena, Batzordearen 2003ko maiatzaren 6ko 2003/361/EE Gomendioan (2003-05-20ko L 124, 0036 – 0041 or.) adierazitakoaren arabera.

g) Nazioartekotzeko Euskal Agentziaren (BaqueTrade & Investment) kanpo-sareko bulegoaren bitartez erantzun ezin diren zerbitzuak (5. artikuluko B atalean jasotakoak) jasotzen dituzten eskaerek inguruabar horren berri eman beharko dute erantzukizunpeko adierazpen baten bidez.

h) Aurreko bi zerga ekitaldietan eta indarrean dagoen zerga ekitaldian jasotako minimis laguntzak, Batzordearen minimis laguntzei buruzko 1407/2013 (EB) Araudiaren menpe daudenak.

i) Laguntza bat eskatzen bada ezarpenak egiteko eta exijitzen bada ezarpena 2022. urtean egitea, eskatzaileak ezarpena deialdiaren urtean egin dela egiaztatzen duen dokumentazioa aurkeztu beharko du.

Era berean, enpresaren nazioartekotze-proiektuaren balorazioa egoki egiteko, eskatzaileak ziurtagiri hauek aurkeztu behar ditu: ingurumen-jasangarritasun, genero berdintasun, euskararen sustapen eta erantzukizun sozial korporatiboko ziurtagiriak, eta baita ere lankidetza-modalitatea edo elkarte edo/eta kluster bateko kide izatea egiaztatzen duen ziurtagiria.

Dirulaguntza bi zatitan ordaintzen da, honela:

Dirulaguntzaren % 25 emandako laguntza onartu ostean edo, hala badagokio, Zabaldu laguntzen programaren oinarrietako 15. artikuluan zehaztutako hamabost eguneko epea igaro ostean.

Gainerako % 75aren likidazioa, dirulaguntzaren xede diren ekintzak burutzean egindako gastuak justifikatu ostean.