Euskadiko ETEntzako Eusko Jaurlaritzaren 2024 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Euskadiko ETEntzako Eusko Jaurlaritzaren 2024 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Berrikuntzaren Erosketa Publikoa (BEP) izeneko tresnak berrikuntza sustatzen du eta merkatu berrien garapena bultzatzen du eskaritik abiatuta eta kontratazio publikoaren bidez, I+G+B-rako laguntzak osatzera datozen zenbait ezaugarrirekin.
Berrikuntzaren Erosketa Publikoa (BEP) izeneko tresnak berrikuntza sustatzen du eta merkatu berrien garapena bultzatzen du eskaritik abiatuta eta kontratazio publikoaren bidez, I+G+B-rako laguntzak osatzera datozen zenbait ezaugarrirekin.
Ez da laguntza edo dirulaguntza bat, bere helburua da enpresa berritzaileek balizko bezero gisa ikus dezatela administrazio publikoa.
Hala, tresna indartsu bat da, berrikuntzaren euskal sistemako erakundeen hazkundea sustatuko duena, inpaktua eta balioa sortuz Ekonomi Garapen, Jasangarritasun eta Ingurumen Sailaren menpeko erakundeen proiektu estrategikoetan.
Zentzu horretan, argi izan behar da Berrikuntzaren Erosketa Publikoa ez dela kontratu-mota berri bat, eta ez duela esan nahi ezta ere kontratazio-prozesuan tresna teknologikoak erabiltzea edo existitzen diren produktu berritzaileak erostea.
Helburua da merkatuan ez dauden eta sektore publikoaren erronkei erantzungo dieten konponbideak eskaintzea
Enpresa berritzaileek aukera izango dute sektore publikoan detektatutako premientzako konponbideak merkaturatzeko.
Erakunde publikoek proposatutako erronketan parte hartuz.
Tokiko merkatu publikoa baliatuz lehen bezero edo erreferentzia bezala.
CONSULTA PRELIMINAR AL MERCADO. La acción de Compra Pública de Innovación DIRAMIL tiene como objetivo acelerar el desarrollo de Dispositivos Rápidos de detección y cuantificación de Microorganismos en Leche cruda que puedan ser utilizadas en la propia explotación.
MERKATUARI BURUZKO AURRETIAZKO KONTSULTA. GREEN PARK Berrikuntza Publikoaren Erosketa ekintzaren helburua da lurraldearen eta baliabideen erabilera arrazionala eta iraunkorra sustatzeko neurriak ezartzea, eta, aldi berean, Parkeetako espazio eta zerbitzu guztietarako mugikortasun eta irisgarritasun unibertsala sustatzea.
MERKATUAREN AURRETIKO KONTSULTA.EKPboat Berrikuntzaren Erosketa Publikoaren ekintzaren helburua da aisialdiko- eta/edo lanbide-erabileretarako luzera txikiko ontzien ingurumen arloko fabrikazio- eta operazio-teknologia jasangarrien garapena bizkortzea.
MERKATUAREN AURRETIAZKO KONTSULTA. Garbiland Berrikuntzaren Erosketa Publikoaren ekintzaren helburua da lurraren deskontaminazioa, teknologia berritzaileen eta jasangarrien bidez, “in situ” edo “on site” egikarituta.
TurboWave Berrikuntzaren Erosketa Publikoko ekintzaren helburua da oro har olatu-energiaren sektoreko beharrizanetara eta zehazki Mutrikuko lantegiko eskakizun tekniko espezifikoetara egokitzen diren aire-turbinen teknologien garapena azkartzea.
Euren erronka eta aurrerapen teknologikoak partekatu nahi dituzten edo premiak detektatu eta horientzako erantzun berritzaileak eskain ditzaketen enpresa berritzaileentzat.
Eusko Jaurlaritzako Ekonomi Garapen, Jasangarritasun eta Ingurumen Saileko sozietateen erronkentzat. Energiaren Euskal Erakundea (EEE), Sprilur, IHOBE, eta Basque Trade&Investment bezalako erakunde publikoak hasiak dira jadanik euren erronkak prestatzen.
Eskaera argi bat balego, enpresa berritzaileek inbertsioak egingo lituzkete produktu berritzaileak eskaintzeko, eta erosleak ezagutuko balitu bere erronkentzat dauzkan alternatiba egoki eta ekonomikoak, erosi egingo lituzke
Gure asmoa da Eusko Jaurlaritzako Ekonomi Garapen eta Lehiakortasun Sailari atxikitako erakunde publikoek abiaraz ditzatela BEP lizitazioak, produktuak edo zerbitzuak eskuratu ditzaten, konponbide berritzaile, eraginkor eta jasangarrien bidez.
Energiaren Euskal Erakundea (EEE), Sprilur, IHOBE eta Basque Trade&Investment bezalako erakunde publikoak hasiak dira jadanik euren erronkak prestatzen.
I+G+B-a bultzatzeko tresnak kudeatzen daukagun esperientziak eta Berrikuntzaren Euskal Sistemaz dugun ezagutzak posible egiten digute batera bultzatzea eskaintza eta eskaera. Eta, hartara, gure hondar alea jartzea zerbitzu publikoak eraldatu eta hobetzeko eta, ondorioz, herritarren bizi-kalitatea handitzeko.
BEP, RIS3 EUSKADI-Euskadiko berrikuntzaren marko estrategikoarekin lerrokatutako tresna.
Erosketa Publiko batean operatzaile ekonomikoek merkatuan ongi errotutako konponbideak aurkezten dizkiote Administrazioari, beraz, ez dago konponbide horren inguruko inolako ikerketa edo garapenik.
Aldiz, BEPa lagungarri da Administrazio Publikoak erosketa adimendunak egin ditzan, bere emaitzak, konponbideak eta/edo zerbitzuak hobetuz I+G+B-ren onuren bidez, eta, aldi berean, enpresa-sarearen berrikuntza sustatzen du entzute eta kontsulta aktiboaren bidez (erreaktiboaren ordez).
Berrikuntzaren Erosketa Publikoa ez da kontratuak esleitzeko edo lizitatzeko modu berri bat. Bere xedeak bihurtzen du Berrikuntzako Erosketa Publikoa kontratazio publikoko tresna garrantzitsu: hau da, sektore pribatuaren jarduera berritzaileari laguntzea organismo publiko baten beharrak asetzeko. Hortaz, sektore publikoko eskaerak gidatzen du jarduera berritzailea, eta ez dauka sektore pribatuak garatutako produktu edo zerbitzu berrietara egokitu beharrik, baizik eta alderantziz.
Erosketa Publiko Aurrekomertziala (EPA): etorkizuneko produktu edo zerbitzu berri edo nabarmen hobetu bat lortzera bideratutako I+G-ko zerbitzuak erostea. Kontratazioaren helburu nagusia dira ikerketa- eta garapen-zerbitzuak prozesu batean, zeinetan posible den merkatuan ez dauden konponbideen arrisku teknologikoak iragaztea konponbide horietako bat erosi aurretik. Horrelako kontratuek estaldura ematen dute ingurune erreal handi zein txiki batean baliozkotutako prototipoak lortu arteko epean.
Teknologia Berritzailearen Erosketa Publikoa (TBEP): ondasun, zerbitzu edo obra bat erostea, kontratatzeko unean merkatutik oso hurbil dagoena, eta, beraz, edo bolumen mugatuan ekoitzi da, produktu komertzialaren aurre-ekoizpen bezala, edo baliozkotutako prototipo gisa ekoitzi da. Horrelako kontratuetan ohikoa da konponbidea diseinatzeko edo kontratazio-organoaren beharretara egokitzeko fase bat igaro behar izatea, baina ez da kontratatzen I+G-ko zerbitzurik. Horrelako erosketen helburua da ondasun, zerbitzu edo obraren ekoizpen masiborako behar diren lanak egitea (adibidez: produkzioa eskalatzea, produktua edo zerbitzua garatzea, harik eta merkaturatzeko edo industrializatzeko prest dagoen arte), halako moldez non kontratazio-organoa izango baita konponbide berritzailearen lehen bezeroa eta bolumen komertzialki esanguratsu batean ezarriko duena.
Berrikuntzaren Erosketa Publiko Erregularra (BEPE). Gure ustez, erosketa hau ez litzateke izango identifikatutako erronken xede, bere helburua delako erosketa egiten den unean merkatuan dagoen ondasun, zerbitzu edo obra bat erostea. Hortaz, ez dauka garapen faserik, baina konponbideak berrikuntza bat dakar merkatuan dauden beste konponbide batzuekiko. Horrelako erosketak SPKL 9/2017 Lege berrian jasotako beste edozein kontratu arrunt bezala (hornikuntzak, zerbitzuak, obrak, etab.) garatzen dira, baina egitura desberdina da: berrikuntzarekin erlazionatutako alderdiak lehenesten dira, pisu handiagoa emanez esleipen-irizpideetan, eta zabalik uzten dira erosketaren xedearen zehaztapenak, lizitatzaileak bere konponbide berritzailea aurkeztu dezan. Funtsean, egiten dena da berrikuntza sustatzeko politika publikoa ezarri kontratazio arrunten bidez.
Kontuan izan behar da Erosketa Publiko Aurrekomertzialeko kontratuak ez direla sartzen Sektore Publikoko Kontratuen Legean, eta, beraz, botere esleitzaileak libreki konfiguratu dezakeela esleipen-prozedura, espreski errespetatuz, besteak beste, ikerketa, garapen eta berrikuntzako Estatuko laguntzen esparrua.
TBEP eta BEPE kontratuek, aldiz, Sektore Publikoko Kontratuen Legea bete behar dute, hortaz, Sektore Publikoko Kontratuen Legeko 131. artikuluan eta hurrengoetan ezarritako lizitazio-prozeduraren hautaketa-arauak aplikatu behar zaizkie. 131. artikuluko prozedura orokorrez gain, zenbait kasutan aukera dago beste prozedura batzuk erabiltzeko.
Berrikuntzari dagokionez, garrantzitsuak dira ondoko hauek:
