1. Berrikuntza maila: Proiektua enpresarentzat berria den, haren inpaktu potentziala eta arrakastaz ezartzeko aukera baloratzen dira. Irizpide honen gehieneko pisu espezifikoa % 25ekoa da.
2. Proiektuaren emaitzak eta inpaktua: Soluzio berritzaileak garatzearen bidez proiektuak enpresa nola indartzen duen ebaluatzen da. Inpaktuaren aurreikuspenak ere garrantzitsuak dira; gehienez % 30ek pisu espezifikoa dute.
3. Metodologia egokia: Proiektuaren plangintza helburua lortzeko egokia den aztertzen da, zereginen kudeaketa, iraupena, entregagaiak eta kronograma barne. Irizpide honen gehieneko pisu espezifikoa % 15ekoa da.
4. Giza baliabideen egokitzapena: Lantaldeak proiektua aurrera eramateko duen gaitasuna eta haren osaera hartzen dira kontuan, baina funtzioen esleipen egokia ere. Irizpide honen gehieneko pisu espezifikoa % 15ekoa da.
5. Egituraren argitasuna eta aurrekontuaren banakapena: Aurreikusitako aurrekontuaren eta proiektuaren helburuen arteko koherentzia ebaluatzen da, eta funtsak arrazoituta daudela ziurtatzen da. Irizpide honen gehieneko pisu espezifikoa % 10ekoa da.
6. Ingurumenean duen eragina: Proiektuak trantsizio energetiko-klimatikoei egiten dien ekarpena aztertzen da. Irizpide honen gehieneko pisu espezifikoa % 5ekoa da.

• Zerbitzuen hornitzailearen faktura, alta-kuota adierazita.
• Finantza-erakundeak igorritako ordainketa-ziurtagiriak.
• Jarduerak finantzatzeko orduan dirulaguntzaz gain beste funts batzuk erabili badira: funts horien zenbatekoaren, jatorriaren eta aplikazioaren ziurtagiria.
• Finantza-erakundearen egiaztagiriaren fotokopia, kontu korrontearen titulartasuna onuradunaren izenean dagoela frogatzeko eta zenbakia zein den zehazteko (IBAN).

• Erantzukizunpeko adierazpena, oinarrietan ezarritako ereduaren arabera.
• Aurreko hiru urteetan jasotako minimis laguntzen zerrenda.
• Legezko ordezkariaren notario-ahalordea.
• Erakunde onuradunaren IFZ.
• Bankuko kontu korrontearen titulartasun-ziurtagiria.
• Aukeratutako telekomunikazio-operadorearen eskaintza ekonomikoa.
• Hainbat hornitzaileren eskaintzak, Dirulaguntzei buruzko Lege Orokorreko 30.3. artikuluaren arabera.
• Negozio-plana, enpresa eskaera aurkeztu aurreko 12 hilabeteetan eratu baldin bada.

• Programaren helburu eta gaien araberako proiektuaren egokitzapen maila (gehienez 15 puntu).
• Proiektuaren argitasuna eta sormena (gehienez 10 puntu).
• Parte-hartzaileak; kasu horretan, lehentasuna izango du eragile sustatzaileen arteko eta ekintzailetzaren euskal ekosisteman parte hartzen ez duten eragileen arteko aniztasunak (gehienez 15 puntu).
• Proiektuaren eta garatu beharreko jardueren bideragarritasun teknikoa, ekonomikoa eta legala (gehienez 25 puntu).
• Espero den inpaktua, xede-publikoa kontuan hartuta. Kasu horretan, gainera, ekosisteman neur daitezkeen inpaktuak nabarmendu beharko dira honako hauekin lotutako datuei dagokienez: ekonomia, enplegua eta gizartea (gehienez 20 puntu).
• Bazterkeria-arriskuan dauden kolektiboetan eragiteko eta emakumeen eta gazteen enplegua hobetzeko ahalmena (gehienez 15 puntu)

Behin proiektua amaituta, enpresak espedientearen “likidazio-eskabidea” egin beharko du, eta aholkulariak egindako eta alde biek sinatutako “amaiera-txostena” erantsi beharko du, honako webgune honetan: https://app7.spri.net/hazinnova/. Amaiera-txosten hori proiektua amaitzean enpresa aholkulariak egin eta enpresari bidaltzen diona da, eta enpresak “3. Dokumentazio osagarria” puntuan erantsi beharko du.

Behin atal guztien likidazioa osatuta, erakunde eskatzailearen lege-ordezkariak likidazioa sinatu beharko du bere ziurtagiri digitalarekin, eta likidazioa bidaliko du.

Hazinnova prozesu osoan zehar, erronka identifikatu eta proiektua egiten denetik likidaziora arten, enpresak laguntza izango du beti.

Alde batetik, hasiera-hasieratik Hazinnovako eragilea izango du. Eragile horren eginkizuna da enpresari entzutea, erronka identifikatzen laguntzea, proiektuari forma ematea eta eskabidea eta likidazioa egiten laguntzea.

Alde batetik, behin eskabidea gauzatuta, enpresa aholkulari bateko aditua ere egongo da, eta horrek, enpresarekin batera, zure proiektuaren garapena egingo du. Aditu horrek laguntza emango dio enpresari memoria eta lankidetza-hitzarmena egiten, behar diren bilerak egingo ditu eta erakundeari amaiera-txostena emango dio.

Hazinnova proiektua amaitzean, enpresak txosten osoa jasoko du aholkulariaren partetik, non egin behar diren jarduketen zerrenda emango den, negozio-produktu edo -prozesuetan berrikuntzak ezartzea errazte aldera. Era berean, aholkulariak zenbait jarduketa txiki ezarriko ditu prozesuan zehar, enpresari lehenengo urratsak egiten laguntzeko. Gainera, aholkulariak programa berean edo bestelako laguntza-programa eta -zerbitzuetan garatzeko berrikuntzarako beste proiektuak ere identifikatu eta proposatu ahalko ditu.

Enpresak programan parte hartu izana justifikatzeko egiaztagiria jasoko du. Horretaz gain, aholkulariak enpresari proposatu ahalko dio jardunbide egokien kasua egitea, enpresa berritzaile gisa nabarmentzen laguntzeko.

Aholkulariak gehienez 50 orduko arduraldia izango du. Arduraldi horren barnean egongo da lan-bilerak egin, datuak bildu, txostenak egin eta jarduketan zehatzak martxan jartzea.

Bai. Enpresak, arrazoiren batengatik eskatutako proiektua egin ezin badu, eskabidea egin duen lege-ordezkariak mezu elektronikoa bidali beharko du info@spri.eus helbide elektronikora, gaian esleitutako espediente-zenbakia adieraziz (HZI-2024-zk.) eta uko egitea eskatzeko agiri formala atxikiz. Agiri horrek lege-ordezkariaren sinadura izan beharko du.

Enpresak gehienez 2 proiektu eskatu ahalko ditu Hazinnova programaren deialdian.

Bi proiektu horiek gai-arlo ezberdinetakoak izan daitezke (hala nola, ekoizpena eta merkatu berriak), edo gai-arlo berekoak, baldin eta proiektuak ezberdinak badira, eta ez bi fasetan banatutako proiektu bakarra.

Bai. Hazinnova programak aurretik Hazinnovan eta/edo beste lurralde-programa batzuetan (adibidez, toki- edo foru-esparruetan), autonomia-erkidegoetan (adibidez, Innobideak, Hazitek, etab.) eta estatuan onuradun izan diren ETE-en eskabideak onartzen ditu.

Zure enpresa hautagarria bada, eskabidean erantzukizunpeko adierazpen bat sinatu beharko duzu zure JEZ jarduera-sektore hautagarrietako batean kokatzen dela justifikatzeko, eta SPRIri baimena eman beharko diozu dagokion egiaztagiria zuzenean lortzeko.

Zure enpresa hautagarri gisa aitortuta ez badago, baina benetan jarduera hautagarriren bat egiten badu, dagokion foru-ogasunak emandako jarduera ekonomikoen dokumentu historikoa aurkeztu ahal izango duzu SPRIren Enpresen Arreta Zerbitzuan, non Jarduera Ekonomikoen gaineko Zergaren (EJZ) dagokion epigrafean alta emateak gutxienez 6 hilabeteko antzinatasuna islatzen duen. Horretarako, inprimaki hau bete eta zure kasua aztertuko dugu.

Enpresa bateko bazkide bat langilea ere denean, enpresak ordaindutako autonomo-kuotaren ordainagiriaren bidez ziurtatu behar da. Bertan, izen soziala ordaintzaile/titular gisa agertuko da argi eta garbi.

Guztira, enpresak gutxienez 5 langilera iritsi behar du, autonomoen ordainagiri horiek eta langileak batuta, Langileen Zerrenda Nominalaren (RNT) arabera.

Zure enpresa hautagarria bada, eskabidean erantzukizunpeko adierazpen bat sinatu beharko duzu langile-kopurua 5 baino gehiago dela justifikatzeko, eta SPRIri baimena eman beharko diozu dagokion egiaztagiria zuzenean lortzeko.

Zure enpresa hautagarri gisa aitortuta ez badago, baina benetan 5 langile baino gehiago baditu, SPRIren Enpresen Arreta Zerbitzuari Langileen Zerrenda Nominala (RNT) dokumentua aurkeztu ahal izango diozu inprimaki hau bete ostean, eta zure kasua aztertuko dugu.

Zure kokapenaren eta jarduera-eremuaren arabera asoziatuta dituzun lurralde-, sektore- eta enpresa-eragileak jakin ditzakezu, hautagarritasun-egiaztatzailean sartuz eta zure IFK edo sozietatearen izena adieraziz. Eragile bakoitzean “klik” eginez, lagun zaitzakeen pertsonaren harremanetarako datuak ezagutu ahal izango dituzu.

Eragile bakar bat aukeratu beharko duzu egiaztatzailean proposatutakoen artean. Eragile horrek aholkuak emango dizkizu eta egin nahi dituzun proiektuak kudeatzen lagunduko dizu. Enpresek ezin dute edozein eragile aukeratu programari atxikita ez badago.

Zalantzarik baduzu edo ez badakizu zein eragile aukeratu, inprimaki hau bete dezakezu eta zurekin harremanetan jarriko gara.

Zure enpresak 5 langile baino gehiago baditu, Euskadin badago eta programaren xede diren industria- eta zerbitzu-sektoreetako batean aritzen bada, sartu hautagarritasun-egiaztatzailean, adierazi zure IFK edo izen soziala, eta egiaztatu ahal izango duzu zure enpresak parte har dezakeen, eskabidea egiten zein eragilek lagun diezazukeen jakiteaz gain.

Bete galdetegi hau zure beharra adieraziz. BDIH nodoko aholkulari bat arduratuko da zure eragile adituarekin harremanetan jartzeaz.

BDIH Konexio programaren oinarrien 2. eranskinean dagoen zerrenda osoa kontsulta dezakezu.

“Berrikuntza digitaleko zentroak” dira eta ez dute irabazi-asmorik. Enpresei, bereziki ETE-ei, eta sektore publikoari laguntzen diete eraldaketa digitala gauzatzen. DIHaren nukleoan ikerketaren eta teknologiaren arloko erakunde bat edo unibertsitate-laborategi bat egon ohi da; horrek, zenbait bazkiderekin batera, honako zerbitzu hauek eskaintzen ditu, besteak beste: teknologia digital, software eta hardware berriekin esperimentazioa, berrikuntza digitalei etekinik handiena ateratzeko gaitasunak eta entrenamenduak.

Hemen kontsulta dezakezu aktiboen zerrenda: https://bdih.spri.eus/aktiboak/