30.000 €-raino eta 18 hilabeteko laguntza zure enpresa-ideia BIC batean umotzen laguntzeko
Eskatu hemen

Ekintzaile 2021

Enpresa edo pertsona ekintzaileentzako laguntzak, BICen bidez babestutako proiektuen umotze eta martxan jartze faseetarako.

Ekintzaile laguntza-programak finantza-laguntza eman nahi die pertsona fisikoek edo enpresek gidatzen dituzten eta BIC baten tutoretzapean dauden enpresa-proiektu berritzaile eta/edo oinarri teknologikoko proiektu berriei, ahal dela, industria-arloko proiektuei eta/edo lotutako zerbitzuetakoei, ideia heltzeko eta enpresa abian jartzeko faseetarako.

Industriako enpresa-jarduera berritzaileak sortzea funtsezkoa da Euskadiren etorkizuneko hazkunderako. Euskadin identifikatu diren ekintzailetzako erronketako bat da ideia eta ekimen berrien masa kritikoa handitzea eta kalitatea hobetzea, proiektu bakoitzaren premia espezifikoen arabera.

Ekintzailetza eta barnekintzailetza babesten ditugu, zure premien araberako laguntza integral eta malgua eskainiz BICen bidez, horrela aukera izango duzu zure proiektua martxan jartzeko, haziarazteko eta merkatuan arrakastaz errotzeko. Horrez gain, erraztasunak emango dizkizugu zure proiektuarentzako hasierako eta batez ere epe luzeko finantzaketa eskuratzeko. Potentziala duten proiektuen bila gabiltza –zurea bezalakoak-, eta laguntza emango dizugu jaiotzen, abiatzen, hazten eta errotzen laguntzeko. Gainera, merkaturako bidea irekiko dizugu, zeure lehen bezeroak lor ditzazun.

BICak tresna dinamizatzaileak dira enpresa-proiektu berriak produkzio-sarean sartzeko, eta helburutzat dute zure proiektuaren etorkizunari arrakasta-berme onenekin aurre egitea, berrikuntzarekin eta lehiakortasunarekin hartutako konpromisoaren bitartez.

Programa honek laguntza ematen die enpresa berriei aurrera egin dezaten euren bideragarritasun-azterketa, martxan jartze eta umotze prozesu osoan, aholkularitza eta azpiegiturak eskainiz bertan kokatzeko. Gainera, finantzaketa eskuratzen lagunduko dizu, lehen fasean garatutako enpresa-plana martxan jartzeko behar duzun inbertsioa gauzatu ahal izateko.

Epeak

Hasiera data: 2021-03-31
Amaiera data:
2021-12-10, 23:59retan

Laguntza-programa honek lagundu egiten die ideiaren umotze-fasean, eta baita ere martxan jartzeko behar duten finantzaketa eskuratzen.

1. ILDOA
UMOTZEA

Itzuli beharrik gabeko dirulaguntza emango dizugu BIC baten laguntzarekin, ideia umotzeko eta Enpresa-plana egiteko prozesu osoan, ideia hori martxan jarri arte.

2. ILDOA
MARTXAN JARTZEA

Finantzaketa abantailatsua eskuratzea Enpresa-plana gauzatzeko behar diren inbertsioentzat. Ibilgetu materialean eginiko inbertsioak finantzatuko dira, lursailak eta eraikinak izan ezik, eta baita ere ibilgetu ukiezineko inbertsioak. Hitzarmena Luzaro-rekin.

// Ezkaintzen dizu

EKINTZAILEk eskaintzen dizu

Zure negozio‑ideia umotzea, Enpresa‑plan bat eginaz

Finantzaketa abantailatsua eskuratzeko aukera Luzaro‑ren bitartez

Azpiegiturak zure enpresa proiektuaren jarduerak koka ditzazun

// Lagandu egiten dizu

EKINTZAILEk lagunduko dizu

  • Zure Enpresa-plana zehazten BIC baten laguntzarekin. 1. Ildoa
  • Enpresa arloko prestakuntza hobetzen edo aholkulari bat kontratatzen. 1. Ildoa
  • Prospekzio-azterketak prestatzen eta azoketara bidaiatzen. 1. Ildoa
  • Maketak eta prototipoak egiten. 1. Ildoa
  • Lokalaren berritzea eta egokitzapenak. 2. Ildoa
  • Makina eta ekipamenduen erosketa. 2. Ildoa
  • Lizentziak eta jabetza industriala edo intelektuala. 2. Ildoa
2. ildoko inbertsioak aktibo finkoko elementu berrietarako izango dira.

Ezagutu xehetasunez programa hau

ARAUDIA ETA BESTE KONTZIDERAZIO ERABILGARRI BATZUK
// Norentzat

Laguntza hau jaso dezakezu

Ekintzaile izan nahi duzu Euskadin eta Enpresa-plan bat behar duzu?

Zure Enpresa-plana martxan jarri nahi duzu baina ez duzu aurkitzen finantzaketarik?

Industriako edo industria-zerbitzuen arloko proiektu berritzaile bat duzu?

Ordua da zure negozio-ideia martxan jartzeko

Gure BIC zentroek lagunduko dizute ideia umotzeko eta martxan jartzeko behar duzun finantzaketa lortzen. Bakarrik eskatzen dizugu izan dadila industriarako eta bere zerbitzuetarako proiektu berritzaile bat, 3 urteko epean gutxienez 3 enplegu sortuko dituena.

Euskadiko BICek Ekintzaile Programan parte hartzen dute. Zentro horiek laguntza ematen diote ekintzaileari enpresa berriak umotu eta martxan jartzeko prozesu osoan, aholkularitza emanez eta azpiegiturak eskainiz euren jarduerak kokatzeko.

// Eskatu hemen

Lortu orain zure enpresa-ideiarako laguntzak

EKINTZAILE programako dirulaguntzak eskuratzeko, bete zure eskaera.

Informazio hau baliagarri izan liteke. Finantzaketa errazago eskuratzera bideratutako laguntzak (2. ildoa) aurrerago sartuko dira indarrean, SPRIk, Luzarok eta Euskal Autonomi Erkidegoko Administrazioak sinatutako lankidetza-hitzarmena formalizatzen denean.

ESKATU HEMEN

Zalantzaren bat duzu?

Euskal enpresarentzako arreta zerbitzua

TELEFONO ZENBAKIA 900 929 393

GALDETU HEMEN