BIND

Industria adimenduneko berrikuntza irekiko programa startup eta enpresentzat: Euskadiko Venture Client

BIND plataforman, startup disruptiboak eta industrian erreferentzia diren enpresak konektatzen ditugu, berrikuntza irekiko proiektuak garatzeko. BINDekin startupek erreferentziako bezeroak lortzen dituzte. Horiei esker, Euskadiko industriaren ekosisteman haien soluzioak balioztatu ditzakete, eta enpresek bizkortu egiten dituzte berrikuntza, eraldaketa digitala eta eraginkortasuna.

Interesatzen zaizu?

Jar zaitez harremanetan hurrengo deialdiei buruz informazio gehiago jasotzeko. 

Zer da?

BINDen enpresa eta startup berritzaileei hazten laguntzen diegu, elkarrekin lankidetzan

BIND plataforma berrikuntza irekiko konexiorako eta aholkularitzarako gunea da, mundu osoko startupen eta egoitza Euskadin duten eta nazioartean erreferentzia diren enpresen artean berrikuntzan lankidetzan aritzeko. Helburua da Euskadiko industria-sarearen prozesuen eraldaketa, jasangarritasuna eta lehiakortasuna sustatzea.

“10 edizio arrakastatsu, bizkortutako 275 startup, 100 Venture Client enpresa eta 400 proiektu baino gehiagorekin”

Berrikuntza irekiko 10 edizio zenbakitan

0

startup parte-hartzaile

0

proiektu garatuta

0

enpresa lider industrian

+ 0 M€

fakturazioa, guztira

0%

dira 2. kontratua sinatzen duten startupak

Norentzat da?

Startup disruptiboentzat

Etorkizuneko industrian iraultza eragiteko gai den soluzioa garatu baduzu eta erreferentziazko industria eta berrikuntza ekosistemetako batean hazi nahi baduzu, hauxe da zure espazioa.

Mundu osoko startup teknologikoak bilatzen ditugu, beren proiektuak garatzeko eta Euskadiko enpresen berrikuntza bizkortzeko

Informazio gehiago

Enpresentzat

Startupen bidez irekitako berrikuntza bide arina eta arrakastatsua da industria-berrikuntzan. Zure enpresaren digitalizazioa, zure prozesuen efizientzia eta jasangarritasuna eta merkatuko lehiakortasuna hobetu nahi badituzu, hauxe da teknologia abangoardistenak ezagutzeko eta ezartzeko, zure ekosistemaren arrakasta kasuak ezagutzeko eta adituen aholkularitza jasotzeko programa, zure negoziorako soluzio egokienak aurkitzeko.

Informazio gehiago

Startup bat bazara,
aukera izango duzu:

Industria adimenduneko berrikuntza ekosistemarekin lotura izan dezakezu: egoitza Euskadin duten erreferentziazko konpainietarako sarbidea izango duzu, eta berrikuntza irekiko ekosistemarekin networking jardueretan parte hartuko duzu.

Zure lehen bezeroak lortu ahal izango dituzu: zure teknologia berritzaileak balioztatu ahal izango dituzu sektoreko enpresa onenen eskutik, eta merkatuan duten bideragarritasuna probatu Venture Client ereduaren bidez. Parte-hartzaile guztiek kontratu bat edo gehiago lortzen dute.

Adituen aholkularitza izatea: enpresen azelerazioan espezializatutako 40 mentore baino gehiago, industria adimenduneko, berrikuntzako eta ekintzailetzako teknologia berrietarako merkatu estrategiak.

Sarbidea inbertitzaileetara, finantzaketa-iturrietara, laguntza ekonomikoetara eta lan-espaziora BICetan, Euskadiko Enpresa eta Berrikuntza Zentroetan

Balioztatzeko eta hazkunde bizkortua lortzeko aukera paregabea: kontzeptu-proben (PoC) eta merkatuko balioztatzearen bidez, zure teknologiaren ahalmena erakutsi ahal izango duzu 100 Venture Client enpresako sarera sarbidea duzun bitartean. Gainera, azelerazio-programa izango duzu laguntza estrategikoarekin, inpaktu handiko mentoretzarekin eta zure negozioa indartzeko espezializatutako tailerrekin. Benetako proiektu pilotuekin, inbertitzaileekiko konexioarekin eta industrian murgiltzearekin, zure teknologiaren jabetza galdu gabe eta kostuak bere gain hartu gabe, hori da zure startupak eskalatzen jarraitzeko behar duen bultzada.

Konektatu BINDekin hemen

Enpresa berritzaile bat bazara,
aukera izango duzu:

Berrikuntza irekira eta Venture Clientingera konektatuta egon zaitezke: dinamika eta ekitaldi gidatuekin, sektorearen arrakasta kasuak ezagutuko dituzu, zure enpresarentzat balioa dutenak, eta esperientziak partekatu eta ezagutza kontrastatu ahal izango duzu.

Startupen analisia lortuko duzu: baliozkotutako teknologia disruptiboak aurkitzeko eta zure prozesuen lehiakortasuna, efizientzia eta jasangarritasuna handitzeko lan egiteko startupak ezagutzeko plataforma batera sarbidea.

Teknologia onenak kontrata ditzakezu: BINDeko taldeak behar dituzun teknologiak identifikatzen eta zure negoziorako interes handiena duten startupak kontratatzen lagunduko dizu, Venture Client lankidetza baten bidez.

Zure lehiakortasuna hobetu dezakezu: zure enpresan soluzio aitzindariak txertatuz, startup berritzaileek garatuak, zure prozesuak modu arin eta pertsonalizatuan ezartzeko.

Prestakuntza eta gaikuntza eskuratu ahal izango dituzu: zure enpresari berrikuntza irekiko estrategian laguntzeko diseinatutako tailerrekin, startupekin batera egindako lanaren arrakasta ziurtatzeko.

Konektatu BIND plataformarekin hemen

icon down svg
Erabilera kasuak

11. edizioko kasuak

Gaur egun, BINDeko 100 enpresa partner baino gehiago startupekin lan egiteko lehentasunezko erabilera kasuak identifikatzeko prozesuan daude.

Aurreko edizioetan adierazitako kasuetako batzuk honako hauek izan dira:

  • Prozesu industrialen digitalizazioa eta trazabilitatea.
  • Automatizazioa eta robotika ingurune industrialetarako.
  • Informazioaren kudeaketa eta segurtasuna eta araudia betetzea.
  • Mantentze prediktiboa eta kalitate industrialaren kontrola
  • Hornidura-katearen optimizazio logistikoa eta kudeaketa adimenduna
  • Mugikortasun konektatua eta elektrifikatua
  • Ingurumen-inpaktuaren neurketa, murrizketa eta konpentsazioa
  • Efizientzia energetikoa eta kontsumoaren kudeaketa adimenduna
  • Energia berriztagarria sortzea eta biltegiratzea
  • Ekonomia zirkularra eta hondakinen eta baliabideen kudeaketa jasangarria

Hurrengo erabilera-kasuak ezagutu nahi badituzu, jarri gurekin harremanetan.

Plataformari buruz

Honela funtzionatzen du:

BIND programa izen bereko plataformaren parte da, eta startupak merkatura sartzea errazten du, egoitza Euskadin duen EAEko industriaren sektoreko erreferentziazko bezeroen bidez. Teknologia berriekin proiektu disruptiboak garatzea da helburua, enpresen lehiakortasuna hobetzeko.

 

Programaren faseak

1_

Startupentzako deialdia

Uztaila - Iraila

Deialdia irekitzea, mundu osoko startupek hautagaitzak bidal ditzaten eta bezero industrialekin lan egiteko soluzio teknologiko disruptiboak aurkez ditzaten

2_

Partaideen aukeraketa

Iraila - Martxoa

BINDeko koordinazio-taldeak aurrez hautatutako startupek beren soluzioak aurkezten dizkiete enpresei pitch jardunaldi batzuen bidez. Hurrengo fasera jarraitzen dutenak finalistak izango dira, eta azarotik martxora bitartean gutxienez enpresa partnerrarekin kontratua sinatzeko aukera izango dute. Aldi horretan, B2B jardunaldi presentziala emango da, prozesua dinamizatzeko asmoz.

3_

Proiektuen garapena hasi eta murgilketa-lana egiteko programa

Apirila - Uztaila

Kontratu bat edo gehiago lortu dituzten startupek doako zerbitzuak eskaintzen dituzte 3 hilabetez, besteak beste, adituekin mentoretzak, industriaren eta ekintzailetzaren euskal ekosistemarekin networkinga eta inbertitzaileekin konexioa. Bitartean, beren enpresa partnerrekin proiektuak garatzen hasiko dira.

4_

Venture Client enpresa berrientzako deialdia

Apirila - Maiatza

Venture Client ereduaren bidez mundu osoko startupekin lankidetzan aritu nahi duten Euskadiko enpresek izena emateko epea.

5_

Proiektuen aurkezpena

Uztaila

BINDen urteko ekitaldia. Bertan, industria, ekintzailetza eta berrikuntza ekosistemara konektatzen da, eta startupek enpresa partnerrekin lankidetzan garatutako proiektuak aurkezten dituzte.

Esperientziak

Zergatik BIND?

Nazioarteko erreferentziazko programa

BIND, 2016az geroztik, nazioarteko erreferentziazko berrikuntza irekiko plataforma da, Eusko Jaurlaritzak eta Spri Taldeak sortua, industriaren eraldaketa, lehiakortasuna eta jasangarritasuna babesteko, azken belaunaldiko soluzio teknologikoak dituzten startupekin batera egindako proiektuen bidez.

Plataformak proiektu berritzaileen garapena bermatzen du enpresetan, soluzio teknologiko aitzindari eta pertsonalizatuekin, eta, gainera, aholkularitza eta prestakuntza eskaintzen du berrikuntza irekiaren onurak eta ekintzailetza ekosistemaren hazkundea sustatzeko.

Abantailak

BINDen parte hartzeko 6 arrazoi

  • Berrikuntza irekiko sare handieneko partaide izatea
  • Industria adimenduneko industria eta startup liderrekin konektatzea
  • Enpresekin berritzen ikastea
  • Zure teknologia erreferentziazko bezeroekin balioztatzea
  • Merkatuko teknologiarik onenak eskuratzea
  • Berrikuntzan adituak direnen aholkularitza eta prestakuntza jasotzea
Ohiko galderak

Zalantzak argitu

Kargatzen...

Zalantzak?

IndustrIA-k zure enpresara egokitutako informazio argiarekin orientatzen zaitu.

Galdetu orain.

Eskatu hemen

Berrikuntza irekiko proiektuak garatu nahi dituzten mundu osoko startup teknologikoen eta Euskadiko enpresen bila ari gara

Startup disruptiboa edo ekimen honetan interesa duen enpresa bazara, bete formulario hau.


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Estrategia

Berrikuntza bizkortuz, erakundeen eta startupen arteko lankidetzaren bidez

BIND industria adimenduneko berrikuntza ireki publiko-pribatuko plataforma da, Industria, Energia Trantsizio eta Jasangarritasun Sailak Spri Taldearekin batera sortua. Gaur egun, egoitza Euskadin duten industrian erreferentziazko 100 enpresa baino gehiagoren laguntza du. Venture Client izena ematen zaie horiei.

Ekimena hiru helbururekin sortu zen: startupen garapena bizkortzea industriaren Euskadiko ekosisteman, enpresen eraldaketa digitala sustatzea eta Euskadiko ekosistema ekintzailetza industrial aurreratuko hub gisa posizionatzea.

2016az geroztik, BINDek 275 startup bultzatu eta 400 proiektu baino gehiago garatu ditu. Guztira, 10 milioi euro baino gehiagoko fakturazioa izan du.

BINDek bi ekimen ditu berritzeko eta erronka teknologiko berriei erantzuteko:

  • BIND: Euskadiko enpresen eta startupen arteko berrikuntza irekia eta industriaren Euskadiko ekosisteman murgiltzea.
  • BIND GovTech: berrikuntza irekiko erronka teknologikoak sozietate publiko eta startupentzat. Informazio guztia hemen.
Lotutako laguntzak

Zure Ekintzailetza-proiektua bultzatzeko laguntza-programak diseinatzen ditugu