Zeru Drones, azpiegitura arriskutsuetako akatsak aurreikusten dituen startupa
Zeru Drones duela bi urte Donostian jaio zen startupa da, eta adimen artifizialaren eta droneen bitartez akatsak hautematen ditu azpiegitura arriskutsuetan, ikuskapen-kostuen erdia murrizten du eta pertsonen lan-arriskuak desagerrarazten ditu. Bind 4.0 programan hartzen du parte GH Cranes & Components trakzio-enpresa gisa duela.
Enpresa 2024ko ekainean sortu zen Donostian. “Droneen sektorean urte askotako esperientzia izan ondoren, eta ikuskizunetarako drone-multzoen teknologia aztertu ostean, ikusi genuen gailu horien balioa ez zegoela hardwarean, industria tradizionaleko arazo kritikoei eta garestiei soluzioa jartzeko gaitasunean baizik”, azaldu du Ander Maiztegik, enpresako sortzaileetako batek eta CEOak.
Hala, SaaS plataforma bat garatu zuten kalteak denbora errealean hautemateko, prozesaketaren osteko azterketa aurreratuak egiteko eta ingurune konplexuetan GPSaren seinalerik gabe egin egiteko.
Ibilbide motz honetan, hainbat aitortza eskuratu dituzte, hala nola ENAIREren I+Dron saria, eta Santander X 100erako hautatu dituzte. Azken ekimen horretan, munduko potentziarik handiena duten startupen % 1a elkartzen da. Haien garapenari esker, Amazon Web Services (AWS) eta NVIDIAren moduko enpresa erraldoi globalen programetarako atea zabaldu zaie. “Azken mugarri komertziala BIND 4.0ko finalista gisa hautatuak izatea izan da, munduko 882 hautagairekin lehiatuz”.
BIND 4.0n haien prozesuen eta aktiboen ikuskapena egiteko teknologia adimenduna garatu dute GH Cranes & Components trakzio-enpresarekin batera. BIND 4.0 Demo Dayren bederatzigarren edizioan aurkeztuko dute teknologia hori, uztailaren 2an, BECen.
Zeru Dronesek softwarearen plataforma bat eskaintzen du (B2B SaaS) “hardwarearekiko erabat agnostikoa; horrek esan nahi du merkatuko edozein drone komertzial ikuskatzaile adimendun bihur dezakegula gure adimen artifizial propioa erabiliz”. Hiru sektorerentzat egiten du lan batik bat: eraikuntza, energia eta indoor azpiegiturak. “Gure softwareak kalteak hautemateko prozesua eta aktibo kritikoen egiturazko jarraipena automatizatzen ditu, eta jarduerarik gabeko denborak (downtime) % 70 murriztea, ikuskapen-kostuak erdira murriztea (% 50) eta ingurune arriskutsuetako pertsonen zereginak guztiz desagerraraztea lortu dugu”.
Jauzi kualitatiboa
Industriari eskaintzen dion jauzi kualitatiboa paradigma aldaketa da: “Erreakzioan oinarritutako mantentze-lanetatik —kaltea dagoeneko gertatu denean eta aktiboa gelditzen denean jardutea— eredu prediktibo eta proaktibo batera igarotzen laguntzen diegu enpresei. Gure AArekin egindako etengabeko analisiari esker, enpresek anomaliak hauteman ditzakete akats kritikoak bihurtu aurretik, eta, hala, kostuak aurreztu eta azpiegituren bizi erabilgarria luzatu dezakete”.
Haien xedea adimen artifiziala demokratizatzea da, ingurune industrialak “% 100 seguruak izan daitezen. Guretzat motibagarria da jakitea gure teknologiarekin automatizatutako ikuskapen bakoitzari esker, langile batek beharrezkoak ez diren arriskuak hartzeari utziko diola ingurune arriskutsuetan edo altura handietan”.
Hasierako fasean dagoen startup teknologikoa eta adimen artifizialekoa denez, bere egungo baliabideen ia % 100 eta ahalegin teknikoa I+Gra daude bideratuta: “Gure epe laburreko helburua Seed inbertsio-erronda bat ixtea da. Kapitalaren injekzio horrek helburu bikoitza izango du: I+Gko arlo esklusibo bat profil tekniko espezializatuekin egituratzea, softwarea azeleratzeko, eta gure merkataritzako egitura finantzatzea, Europako merkatuan zabaltzeko”
SPRI Taldearen Ekintzaile programaren dirulaguntza jaso du, eta “enpresarentzako funtsezko pieza” izan da hori. “Funts horiek merkatua baliozkotzeko zereginetarako eta softwarea teknologikoki heltzeko soilik erabili dira. Erakundeen bultzada horri esker, produktua Euskadiko manufaktura-industriako eta azpiegituretako behar errealekin kontrastatzeko aukera izan genuen, eta, horri esker, teknologia sendoa finkatu genuen eta lehen mailako korporazioak dituzten proiektuetara egin genuen jauzi”
Enpresaren berehalako erronka handia hau da: “merkatu nazionala finkatzea eta, hortik aurrera, nazioartekotzea eta SaaS ereduaren eskalabilitatea sustatzea Europan. Aliantza estrategikoak egin nahi ditugu industriaren sektoreko enpresa handiekin, indoor azpiegiturekin, energiarekin eta eraikuntzarekin”.
Horretarako, finantzaketa-erronda bat bilatzen ari dira aktiboki inbertitzaile estrategikoekin. “Zeru Drones erreferentziazko plataforma izan dadin nahi dugu, industriako edozein ikuspenetan adimen artifiziala aplikatzeko dronen bitartez —bai kanpoko espazioetan, bai GPSrik gabeko indoor ingurune konplexuetan—”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
