Enpresan hobekuntza bat egin nahi baduzu edo aurten bultzatzen ditugun 500 proiektu berritzaileetan parte hartu nahi baduzu.

Ezagutzen dituzu euskal enpresen lehiakortasuna hobetzen laguntzeko ekimenak? Berrikuntza ez-teknologikoa eta pertsonen parte-hartzea bultzatzeko, eta kudeaketa aurreratua txertatzen eta antolakundeetan bikaintasuna bilatzen laguntzeko programak.

SPRI Taldea eta Eusko Jaurlaritza lankidetza estuan ari dira zurea bezalako enpresekin. Elkarlan horri esker hainbat laguntza eta programa garatu ditugu berrikuntza sustatzeko euskal enpresa-sarean, eta oso ongi funtzionatzen ari dira. Helburua da berrikuntza ETE txikienetaraino helaraztea, eurentzako laguntza espezifikoak bultzatuz.

Hazinnova eta Innobideak ekimenak funtsezkoak dira berrikuntza sustatzeko. Lehenengoa berrikuntzarako sarrera-atea da ETEentzat eta mikroproiektuei zuzendua dago. Bigarrenak, Innobideak programak, laguntza ematen du berrikuntza ez-teknologikoa eta pertsonen parte-hartzea sustatzeko, kudeaketa aurreratua txertatzeko eta bikaintasuna bilatzeko antolakundeetan.

 

Harremanetarako

Ezagutu berrikuntzaren plan estrategikoa

Laguntzak

01. BDIH KONEXIO Itzuli beharrik gabeko dirulaguntza ekintza-plan bat egiteko, bere bitartez posible izan dadin teknologiak barneratzeko gaitasuna hobetzea eta teknologia horiek txertatzeko probak egitea.
2021eko epea itxita
02. HAZINNOVA 50 orduko laguntza eta aholkularitza lehen mailako adituen eskutik, iraupen laburreko eta inpaktu handiko proiektuak inplementatzeko eta proiektu horien bidez negozioaren arlo desberdinetako inefizientziak hobetzeko.
Irekita. Eskatu hemen
03. Industria digital eta jasangarriari buruzko DEEP DIVE jardunaldia Murgiltze-jardunaldi praktiko, proaktibo eta interaktiboak, abangoardiako teknologiek enpresetan dituzten aplikazio garrantzitsuenei buruzko denbora errealeko erakustaldiekin.
Abierta. Solicítala aquí
04. INNOBIDEAK KUDEABIDE Kudeaketa aurreratuko metodologia, tresna eta printzipioak ezartzeko laguntzak. Hasi hasierako kontrastetik eta Proiektu Pilotuak definitzetik, eta Sendotze proiektuak ezartzeraino.
2021eko epea itxita
05. INNOBIDEAK LEHIABIDE Gastuen % 60rainoko itzuli beharrik gabeko dirulaguntzak dibertsifikazioko estrategia berrietarako: produktuan, prozesuan, merkatuan eta antolakuntzan berritzeko eta negozio-eredu berriak garatzeko proiektuak.
2021eko epea itxita
06. INNOBIDEAK PERTSONAK Aurrera egiteko gardentasun, konfiantza, ekitate, egonkortasun eta barneko lankidetza handiagoan oinarritutako enpresa-ereduetarantz.
2021eko epea itxita
07. INNOBIDEAK PRESTAKUNTZA Helburua da berehala aplikatu daitezkeen ezagutzak eta ideiak piztea zuzendaritza-taldeen artean, arazoak konpondu ditzaten edo erronka berriei aurre egin diezaieten. 16 saio independente dira, eta nahi adina saiotan parte har daiteke.
Ikastaroen agenda kontsultatu

Hazinnova


Hazi egin nahi duten eta produktu, prozesu, marketin eta antolakuntza
arloetan berrikuntzak dakartzaten mikro-proiektuak dituzten ETEentzat.

Hazinnova doako aholkularitza eta laguntza zerbitzu bat da, lana antolatzeko modu berriak edo zure enpresaren produktu eta zerbitzuak merkaturatzeko metodo berriak inplementatzea helburu duena.


  • 50 orduko doako aholkularitza espezializatua
  • Hazinnova agenteak laguntza eskainiko du prozesu osoan zehar
  • Karga administratibo txikia
  • Emaitzak 3 hilabeteren buruan

Euskadiko 2.400 inguru ETErengana iritsi nahi du eta 500 proiektu abiarazi nahi ditu,
beren berrikuntza- eta lehiakortasun-indizeak hobetzeko. Izan nahi duzu 500 proiektu berritzaile horietako bat?


Innobideak-Prestakuntza

Kudeaketa aurreratuari eta negozio-ereduei buruzko prestakuntza-programa

Programa honen helburua da Innobideak estrategiari, eskaintzen dituen tresnei eta Kudeaketa
Aurreratuko eredu berriari buruzko informazioa ematea, berritzeko eta lehiakorrago izateko sei elementuen giltzarriak ezagutzea eta horietan aurrera egitea.
Industria-enpresetako eta zerbitzu-enpresetako kudeatzaile eta zuzendaritza-karguei zuzenduta dago.
Ekimena doakoa da eta 5 orduko iraupena duten 6 modulu independentez osatuta dago.


zoaz agendara

Aukeratu zein arlotan egin nahi duzun aurrera:

Antolakunde aurreratu batek eskura izan behar luke beharrezko informazio estrategikoa, informazio horrekin gogoeta-prozesu parte-hartzaileak egiteko eta prozesu horietan gorpuztutako estrategia antolakunde osoan zabaldu eta partekatzeko. Antolakundeak estrategia horren esku jarri beharko lituzke baliabide ekonomiko-finantzarioak, teknologia eta informazioa.

  • Negozio-ereduaren berrikuntza arrakastaren giltza bezala
  • Estrategia: nola lortu gure asmoak egia bihurtzea?

Erreserbatu zure lekua

“Antolakunde aurreratu batek bere bezeroekiko harremanak landu behar lituzke, eta eraginkor izan bere jardueraren elementu guztietan (balio-katea), hasi diseinutik, produktu eta zerbitzuen garapenetik, merkaturatzetik, ekoizpen edo prestaziotik, eta banaketa nahiz mantenimenduraino (hala badagokio). Horretarako, hornitzaile fidagarriak izan beharko lituzke, zeintzuek paper garrantzitsua izan beharko luketen estrategiaren definizioan eta garapenean…”

  • Bezeroak: bezeroek eskain diezaguketena
  • Hobekuntza: enpresa etengabeko hobekuntzarantz bideratzea
  • Supply chain: kudeaketa hornitzailearengandik bezeroarenganaino

Erreserbatu zure lekua

“Antolakunde aurreratu batek gai izan behar luke, bere estrategiari jarraiki, langileak erakarri eta aukeratzeko, behar bezala ordaindu eta atenditzeko, euren ezagutza, gaitasunak eta talentua zaindu eta garatzeko, eta antolakundearen proiektuarekin konprometitzera bultzatzeko, beti ere euren autonomia, taldean lan egiteko gaitasuna eta lidergoa garatuz”.

  • Pertsona konprometituak antolakunde lehiakorretarako
  • Talentua bilatu eta atxikitzea
  • Negoziatzea, arazoak konpontzea eta emaitzak hobetzea
  • • Talde-lanaren mitoak eta errealitateak

Erreserbatu zure lekua

“Antolakunde aurreratu batek gai izan beharko luke bere ingurune sozialeko erakundeen garapena zaintzeko, ingurune horretan duen inpaktua aztertuz eta aktiboki parte hartuz gizarte-lan eraginkorragoa egin dezakeen jardueretan; eta, hala egin beharko luke, beti ere bat etorriz bere gaitasun eta baloreekin, indarra emanez bere estrategiari, eta, era berean, bultzada bat emanez ingurumen-jasangarritasuna sustatzeko neurriei”.

  • Enpresa hiritar eredugarri gisa
  • Berdintasuna ez da berez sortzen, egin egiten da.

Erreserbatu zure lekua

“Antolakunde aurreratu batek bere helburuak eta estrategia definitu beharko lituzke berritzeko eta testuinguru bat sortzeko, testuinguru horretan pertsonak arriskuak har ditzan, ekin dezan eta berritu dezan; aprobetxatu egin beharko luke teknologiek berrikuntzarako duten potentziala, bai eta inguruko beste pertsona eta antolakunde batzuena, eta ideia eta proiektu berritzaileak kudeatuko beharko lituzke gauzatu ahal izateko”.

  • Zure enpresaren neurrira eginiko berrikuntza
  • Zaintza, funtsezko prozesua berrikuntzarako
  • Jabetza industrialaren eta intelektualaren kudeaketa aktiboa lehiakortasunerako.

Erreserbatu zure lekua

“Antolakunde aurreratu batek gai izan behar luke emaitza onak eta orekatuak lortzeko interes talde desberdinekin. Emaitza estrategiko onak (bezeroengan, pertsonengan eta gizartean lortutako emaitzak, eta orobat berrikuntzako emaitzak) behar ditu eboluzionatzeko eta eraldatzeko eta bere lehiakortasuna eta jasangarritasuna sendotzeko”.

  • Lehiakortasuna, emaitza ekonomikoak
  • • Kudeaketa ekonomikoa ez da mugatzen emaitzen kontura

Erreserbatu zure lekua

Berrikuntzari buruzko aktualitatea

Ezagutu azken albisteak euskal enpresaren blogean

Informatuta egon. Zoaz blogera!