Berrikuntza


SPRIko Berrikuntza Arloak lanean dihardu Eusko Jaurlaritzak taxututako politikak abian jartzeko, Euskadiko enpresa-sarean berrikuntzaren kultura sustatzea asmoz.

Hartara, Eusko Jaurlaritzak euskal enpresen lehiakortasuna hobetzea xede duen Innobideak estrategia abian du, teknologiaz kanpoko berrikuntza, pertsonen partaidetza, kudeaketa aurreratuaren txertaketa eta erakundeen enpresa-bikaintasuna lortzeko sostenguan oinarrituta, eta orain, Hazinnova programa gehitu zaio.

Hazinnova 2.400 euskal ETE ingururi helarazi nahi zaie, berrikuntza eta lehiakortasunari buruzko indizeak hobetzen lagunduko dioten 500 proiektu abian jartzeko. Euskal ETEek spri.eus webgunearen bitartez eskatu ahal izango dute kontsultore espezializatua eman diezaieten, erabat doan, produktu eta zerbitzuak merkaturatzeko erabiltzen diren lana antolatzeko modu berriak eta metodo berriak gauzatu ahal izateko. Lehentasuna Euskadiko enpresa berritzaileen kopurua handitzea da, berritzeko joerarik ez duten enpresei berrikuntzaren inguruko lehen esperientzia praktiko eta baliagarria izateko aukera eskainiz.

Orain arte, Eusko Jaurlaritzako Ekonomiaren Garapen eta Azpiegituretako Sailak, SPRIrekin batera, enpresa-kudeaketako ereduei buruzko berrikuntzan laguntzeko esparrua zehazten duen Innobideak estrategia abiarazi du kudeaketa-eredu aurreratu batean oinarrituta, egungo krisi egoerak dakartzan erronkei aurre egin eta euskal enpresen etorkizuneko garapen lehiakorrerako oinarri sendoak finkatu ahal izateko, eta horrekin batera, SPRI Taldearen eskutik, bere gain hartu du esparru horretako jarduerak finantzatzeko eta, berariazko laguntzen bitartez, berrikuntza ETErik txikienetara hedatzeko konpromisoa.

Berrikuntzarako sarbidea produktu, prozesu, marketin nahiz antolaketa arloko berrikuntzak tarteko dituzten mikroproiektuak garatu eta handitu nahian dabiltzan ETEentzat.

Hazinnova doako kontsultoretza eta laguntza zerbitzua da, lana antolatzeko modu berriak nahiz enpresaren produktu eta zerbitzuak merkaturatzeko metodo berriak inplementatzea helburu duena.

 

INNOBIDEAK

Estrategiaren barruan laguntza eta prestakuntza programa hauek daude: Innobideak-Lehiabide, Innobideak-Kudeabide, Innobideak-Pertsonak eta Innobideak-Prestakuntza. Tresna horien bidez laguntza eman nahi zaie enpresei gaur egungo egoera arrakastaz gainditzeko eta merkatuetako globalizazioari eta lehia handiagoari egokitzeko.

Innobideak-lehiabide

NEGOZIOEN DIBERTSIFIKAZIOA BULTZATUZ
Programa honen helburua da produktu, zerbitzu edota merkatuko dibertsifikazioa ahalbidetzen duten eta erakunde onuradunen lehiakortasun posizionamendua nabarmen hobetzen duten banakako nahiz lankidetzako proiektuak bultzatzea.

Innobideak-Kudeabide

ENPRESA BIKAINTASUNERA NTZ KUDEAKETA AURRERATUAREN BITARTEZ
Programa honen helburua da euskal enpresen lehiakortasuna hobetzea, laguntza emanez kudeaketa aurreratuko printzipio, tresna eta metodologiak aplikatu eta ezartzeko.

Innobideak-Pertsonak

ENPRESETAKO LANGILEEN PARTE-HARTZEA SUSTATUZ
Programa honen helburua da enpresetako lehiakortasuna hobetzeko jarduerak garatzea, enpresako langileen parte-hartzea sustatzeko ekintzen bidez.

Innobideak-Prestakuntza

PRESTAKUNTZA KUDEAKETA AURRERATUAN
Programa horren xedea da Innobideak estrategiari eta haren tresnei, Kudeaketa Aurreratuko Ereduari buruzko informazioa zabaltzea, berrikuntzarako sei elementuetan aurrerapausoak emateko eta, azkenean, lehiakorrago izateko gakoak eta modua ezagutzeko bidea emanez. Ereduan jasotako 6 elementunagusiak funtsezkoak dira erakundeen lehiakortasuna egituratzeko oinarri izango den kudeaketa sistema landu ahal izateko. Horri esker, honako hauek egin ahal izango dira: Negozio / Estrategia / Gizartea / Berrikuntza / Jabetza Industriala eta Intelektuala / Emaitzak / Pertsonak.

Deitu iezaguzu

Euskal Industriarentzako Arreta Zerbitzua
Jakin nahi baduzu zein laguntza dauden zure proiektuarentzat

Laguntza behar baduzu tramiteak
egiteko edo inprimakiak betetzeko…