Innobideak Prestakuntza 2025

Berrikuntzan trebatu balioan lehiatzeko

Nire taldean
berrikuntza sustatu nahi dut

Innobideak Prestakuntza 2025

Innobideak Prestakuntza da enpresek berrikuntza produktu, zerbitzu, prozesu eta negozio-ereduetan modu egituratuan txertatzeko diseinatutako doako prestakuntza-programa.

Erakunde askok, kalitatea hobetzeko eta kostuak gutxitzeko ez ezik, merkatuan benetan besteengandik bereizteko ere berritzen dute. Berrikuntzak inpaktua sor dezan, ikuspegia, talentua eta metodologia uztartzen dituen ikuspegi estrategikoa behar da, ideiak soluzio aplikagarri eta iraunkor bihurtzeko.
Enpresa-errealitatera egokitutako saio praktikoen bidez, programak prozesuak optimizatzeko, balio-katea indartzeko eta teknologia berriak irizpidez integratzeko tresnak eskaintzen ditu. Hobekuntza inkrementaletik haratago joan eta berrikuntza benetako lehia-abantaila bihurtu nahi dutenentzat diseinatutako prestakuntza-ibilbidea.

Berrikuntzaren gaineko prestakuntza-programetan inbertitzeak enpresen eraginkortasuna, sormena eta egokitzeko gaitasuna hobetzen ditu, modu orokorrean.

Zer eskaintzen du?

Innobideak Prestakuntzak online saio teoriko-praktikoak eskaintzen dizkizu, doakoak eta hiru ordukoak, lantaldeak berrikuntza-gaietan trebatzeko

Erakunde lehiakorrak pertsona motibatu eta konprometituek osatzen dituzte. Innobideak Prestakuntzaren ikastaroek funtsezko gaitasunak garatzen lagunduko dizute: negoziazioa, talentuaren kudeaketa eta gatazken konponketa, adibidez. Aldaketa-prozesuak zuzentzen, talde-lana sustatzen eta enpresa baitan berdintasuna bultzatzen ikasiko duzu. Gainera, talentua erakartzeko eta leial bihurtzeko, eta gatazkak kudeatu eta taldeak dinamizatu (baita urruneko inguruneetan ere) ahal izateko zure gaitasuna hobetzeko tresnak eskuratuko dituzu. Horri guztiari esker, langileen motibazioa eta erakundearen kultura sendotuko dituzu.

Ikastaroak

  • Gatazkak kudeatzea, errentagarritasuna eta motibazioa hobetzeko.
  • Pertsona konprometituak erakunde lehiakorretarako
  • Negoziaziorako funtsezko trebetasunak. Estrategia eta taktika
  • Berdintasuna enpresetan: legezko testuingurutik balio-ekarpenera arte
  • Talentua bilatzea eta mantentzea
  • Aldaketaren kudeaketa
  • Taldeko lanaren mitoak eta errealitateak
  • Motibazioa kudeatuz, talentua galtzea prebenitzea

Emaitzen kontutik harago, enpresa batek bere errendimendua modu estrategikoan neurtu eta kudeatu behar du. Gure ikastaroetan, funtsezko adierazleak erabiltzen ikasiko duzu lehiakortasuna ebaluatzeko, Aginte Koadroa eta OKR emaitzak bezalako tresnak ezartzeko eta kudeaketa ekonomikoa optimizatzeko. Jarraibide horiekin, baliabideak hobeto kudeatu eta estrategia eraginkorrak garatu ahal izango dituzu negozioaren helburuak modu iraunkorrean lortzeko.

Ikastaroak

  • Kudeaketa ekonomikoa emaitza-kontua baino gehiago da
  • Enpresaren errendimendua eta lehiakortasuna: nola neurtu

Enpresa arrakastatsuak negozio-eredu berritzaileak diseinatzen eta beren estrategia modu eraginkor eta bizkorrean hedatzen dutenak dira. Innobideak Prestakuntzari esker, plangintza estrategikoko, mapa estrategikoak prestatzeko eta funtsezko adierazleen kudeaketa egiteko metodologiak ezagutuko dituzu. Gainera, egungo negozioaren ustiapena aukera berrien esplorazioarekin orekatzen ikasiko duzu, hazkundea eta lehiakortasuna ziurtatzeko zure enpresa merkatuaren aldaketetara nola egokitu hausnartuz.

Ikastaroak

  • Enpresa etengabeko hobekuntzara zuzenduta
  • Estrategia modu arin eta eraginkorrean definitzea eta zabaltzea
  • Etorkizunerako negozio-ereduak diseinatzen

Berrikuntza funtsezkoa da hazteko eta beste batzuengandik bereizteko. Gure ikastaroen bidez, modu eraginkorrean kudeatzen, prozesu arinak ezartzen eta lehiakortasuna zaintzeko tresnak erabiltzen ikasiko duzu. Bestalde, zerbitizazioak eta lankidetza estrategikoak negozio-aukera berriak sor ditzaketela ikusiko duzu, balio erantsi handiko produktu eta zerbitzuen garapena bultzatuz.

Ikastaroak

  • Berritzeko industria adimenduna
  • Berrikuntzarako Agile prozesuak
  • Berrikuntza zure enpresaren neurrira kudeatzea
  • Lehiakortasun gehiago zerbitzu berrien eta hobeen bidez: serbitizazioa
  • Lankidetzaren kudeaketa eta aliantzak berrikuntzarako motor gisa
  • Balioa sortuz berrikuntza bultzatzea: produktu eta zerbitzu berriak
  • Zaintza lehiakorra: berrikuntzarako lehen urratsa

Enpresaren arrakasta bezeroa estrategiaren erdigunean kokatzearen mende dago. Innobideak Prestakuntzari esker, zure bezeroetara bideratutako erakundearen kultura garatzen, berritzeko marketin digitala aprobetxatzen eta hornikuntza-katea optimizatzen ikasiko duzu. Tresna horren bidez, bezeroak leialtzen, erosketa-esperientzia hobetzen eta hornitzaile eta kontsumitzaileen arteko funtsezko prozesuak integratzen ikasiko duzu zure negozio-eredua eraginkorragoa izan dadin.

Ikastaroak

  • Bezeroaren DNA. Bezeroarengana zuzendutako enpresa-kultura sortzea
  • Marketin digitala berrikuntzarako tresna gisa
  • Supply Chain: hornitzailetik bezeroarenganaino kudeaketa
Norentzat da?

Zure enpresak ekimen honetan parte har dezake

  • Industria-enpresa edo industriari lotutako zerbitzu-enpresa bateko kudeatzailea edo zuzendaritza-kargua zara?
  • Sektore industrialean edo beste sektore batzuetan lan egiten duzu baina arlo hau interesatzen zaizu?

Parte hartu online eta modu independentean emandako 3 orduko, eta modu presentzialen emandako 5 orduko moduluetan, eguneratu ditzazun gai batean nahiz guztietan dituzun ezagutzak.

Hurrengo ekitaldiak

Ikastaroen agenda

Interesatuek nahi adina saiotan eman dezakete izena. Saio horietan oinarrizko ezagutzak eta nozioak jasoko dituzte Kudeaketa Aurreratua osatzen duten elementuen inguruan: estrategia, bezeroak, pertsonak, gizartea, berrikuntza eta emaitzak.

Kontsultatu ikastaroen agenda osoa
Ohiko galderak

Zalantzak argitu

Kargatzen...

Zalantzaren bat duzu?

Euskal enpresarentzako arreta zerbitzua.

Deitu 900 929 393-ra

Eskatu hemen

Ideiak inpaktu bihurtzeko prozesua elkarrizketa batekin hasten da.

Enpresa bakoitzak berrikuntzara iristeko bere bidea du. Aurkitu zurea. Idatz iezaguzu laguntza behar baduzu.


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Kontsultatu agenda eta aukeratu zure ikastaroak
Lotutako laguntzak

Zure Berrikuntza-proiektua bultzatzeko laguntza-programak diseinatzen ditugu