Euskadiko ETEntzako Eusko Jaurlaritzaren 2022 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Euskadiko ETEntzako Eusko Jaurlaritzaren 2022 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Kluster bateko kide izateak esan nahi du aukera dugula beste enpresa batzuekin koordinatzeko, sektorerako esanguratsua den informazioa eskuratzeko, ezagutza eta aukerak partekatzeko, beste kolaboratzaile batzuekin lan egiteko geure kabuz nekez gauzatuko genituzkeen proiektuetan, eta Estatu mailako zein nazioarteko ikusgarritasuna lortzeko. Esan nahi du aukera dugula berrikuntza teknologikoa eta enpresa arloko berrikuntza garatzeko, eta gure enpresak nazioartekotzeko.
Euskadin, kluster-sare handi bat sortu dugu, enpresen lehiakortasuna handitzeko euren arteko lankidetzaren bitartez eta erakundeen eta unibertsitateen laguntza baliatuz, eta horrela lortu dugu euskal industria-sarea sendotzea.
Kluster Politikako Administrazio Eraginkorrenaren Saria, Estatuko Kluster elkarteak ematen duena eta mundu osoan ezaguna dena.
Izan zaitez denon gaitasunak batzen dituen antolakunde bateko kide
Klusterreko enpresen produktuen eduki teknologiko eta berritzailea handitu.
Teknologia konbergenteak aplikatu kluster arteko lankidetzako ekimen eta proiektuak garatzeko.
ZTBESren eta klusterreko enpresen arteko lankidetza erraztu teknologia garatzeko eta transferitzeko proiektu bateratuetan.
Ingurumen eta energia arloko sostengarritasuna handitu, klusterraren balio-kateko eraginkortasuna emendatuz eta baliabideak aurreztuz.
Manufaktura aurreratuko prozesuak eraldaketa produktiboko kate-begietan txertatu.
Teknologia bideratzaile berriak ekoizpen prozesuan eta produktu bukatuetan txertatu: EIKTak, BIO, NANO, Energia sostengarria eta ekonomia berdea.
Enpresei sarbidea emanez merkatu eta nitxo global berrietara eta enpresak balio-kate globaletan txertatuz.
Lankidetzako ekimen eta proiektuak garatu kluster arteko aukera-esparruetan, hala nola offshore, hiri adimentsuak, e.a., sarbidea izateko nitxo eta merkatu global berrietara.
Laguntza eman kanpoko jarduera eta enpresak, bai eta kluster bakoitzaren balio-kateak osatzen lagunduko duten industria proiektu estrategikoak erakartzeko.
Jarduera-kate osoak sortzen lagundu, hasi I+G-tik eta merkaturaino.
Barne ekintzailetzako ekimenak bultzatu klusterreko enpresetan.
Enpresen dimentsionamendua eta konbergentzia.
Erraztasunak eman pertsonek enpresan parte har dezaten.
Negozio-eredu berriak garatu eta sarbidea eman kluster arteko aukera-esparru berrietara, elkarrekin konbinatuz lehendik dauden gaitasunak eta teknologia konbergenteak.
Finantzaketako tresna espezializatu berriak garatu.
Kluster-ekintzak espezializazio adimentsuko estrategiarekin lerrokatu.
Manufaktura Aurreratuari lotutako ekintzak berrikuntza ez-teknologikoaren arloan, enpresetarako TEIC tresnak inplementatzea barne.
¿Bazenekien Euskadiko kluster politika mundu mailako erreferentea dela, eta aztergai dutela Harvarden bere emaitza onengatik?
Euskadiko kluster sistemak -duela hogei urte baino gehiago abiarazi zenak- bere baitan kontzentratzen ditu sektore ekonomiko eta estrategiko zehatz batekiko interesa partekatzen duten enpresa txiki eta ertainak, erakundeak eta unibertsitateak. Kluster desberdinetan biltzen diren bazkideek lankidetzan lan egiten dute, Euskadin sinetsirik baikaude, isolatuki lan eginaz, ez dela posible lehiatzea eta globalizazioari, berrikuntzari edo jasangarritasunari aurre egitea.
Ereduaren bilakaeratik 22 enpresa-talde sortu dira, Euskadiko kluster eta aurreklusterren sarea osatzen dutenak.
Lankidetza-ekintzek iturburua dute Klusterraren Plan Estrategikoaren logikatik eratortzen den matrizean eta Eusko Jaurlaritzaren lehiakortasun eta ekonomia estrategian zehaztutako Ekintza Estrategikoko Guneetan: Industrializazio Plana, Nazioartekotzea, Zientzia, Teknologia eta Berrikuntza, Espezializazio Adimenduneko RIS3 Estrategia, e.a.
SPRI Taldeak 10 pertsonako lantalde baten bidez koordinatzen du Euskadiko Klusterren Dinamizaziorako Erakundeei laguntzeko programa, eta komunikazio irekia mantentzen du eurekin beren ekintza-planen jarraipena egiteko.
Sortu zirenetik, Klusterren Dinamizazio Erakundeak hobekuntza-prozesu batean murgilduta egon dira, baina orain beren kudeaketa beste esparru batera dago bideratuta: beren ekintza-esparru estrategikoen gaineko ekintza-planak inplementatzeko lankidetza-piramidea pixkanaka garatzera.
Beren helburua da beren kideen arteko lankidetza sustatzea kluster bakoitzaren erronka estrategikoei aurre egiterakoan, ETEak indartzera bideratutako estrategia argi baten barruan.
Euskal ekonomiaren adimen estrategiko eta lehiakorraren arloko eragile aktibo, inplikatu eta trakziogileak dira.
29/07/2022
