Ekimenaren bigarren edizioa lehiaketa-erregimenean egingo da: programak proposatutako dinamikan parte hartu nahi duten KDEek “kluster hautagaitza” bat bidaliko diote BIND 4.0 ekimeneko lantaldeari, eta programan parte hartu nahi duten -eta, beraz, oinarriok onartzen dituzten- ETEz osatutako talde batek balioan jarriko ditu hautagaitza horiek.
ETEek programan parte hartu ahal izateko, KDEak hautagaitza bat bidaliko du, balioan jarriz arazo komun bat duten eta startup baten laguntzarekin arazo hori konpondu nahi duten ETEen multzo bat. Arazoa partekatua izan behar da, eta asmoa da prozesua amaitzean arazo hori merkatura helaraztea erronka sektorial bateratu gisa.

Hautagaitzek gutxieneko baldintza hauek bete behar dituzte:

• KDE bakoitzak hautagaitza bakar bat prestatuko du eta enpresa multzo bakarra proposatuko du ekimenean parte hartzeko.
• Enpresa multzo horiek gutxienez hiru eta gehienez bost ETEk osatuko dituzte.
• Lantalde bakoitzak gehienez bi erronka proposatu ditzake, eta lantaldeko ETE guztiek parte hartu behar dute erronketan, hau da, ezin dira azpitaldeak egin KDE bakoitzaren barruan.
• Hautagaitzek (erronkak) egitura zehatz bat izango dute, eta eskakizun estandar batzuk bete behar dituzte. Gainera, aurrez definitutako irizpide multzo baten arabera ebaluatuko dira. Xehetasun gehiagorako, puntu honi buruzko informazio gehiago aurkituko duzu 5. (Hautagaitzaren egitura) eta 6. (Hautagaitzak baloratzeko irizpideak) ataletan.
• Gutxieneko kalitate-irizpideak betetzen dituzten hautagaitzak aukeratuko dira.

Hona hemen ETE parte-hartzaileek bete behar dituzten ezaugarriak:

• Ekimenarekin bat egin duten KDEetako ETEak izatea.
• KDEetatik kanpoko ETEak izan daitezke, baldin eta kasuan kasuko KDE sektorialak onartu baditu bere hautagaitzan.
• BIND 4.0 ekimenaren bertikalekin edo/eta Euskadiko RIS 3 espezializazio adimenduneko estrategiaren eremuekin zerikusia duten ETEak izatea.
• Euskadin gutxienez jarduera zentro bat izatea.
• 250 langile baino gutxiago izatea.
• Startupekin lan egiteko interesa eta konpromisoa izatea, eta behar besteko baliabideak izatea ekimenaren jarduerei eskaintzeko eta jarduera horietan inplikatzeko.
• Behar besteko heldutasun teknologikoa edo prozesurako gaitutako giza baliabideak izatea, eta programarako arduradun bat izendatzea konpromisoa hartuko duena behar adina denbora eskaintzeko ekimeneko jarduerei.

BIND SME Connection bereziki zuzentzen zaie profil hauek betetzen dituzten startupei:
• Industria sektorean eta harekin lotutako zerbitzuetan aplika daitezkeen teknologia berriak, edo ETE parte-hartzaileen produkzio-prozesuetan edo/eta zerbitzuetan aplikazio zuzena duten eta teknologikoki guztiz garatuta dauden teknologiak garatzen dituztenak, eta euren zerbitzu/produktuaren konfigurazioa bukatzeko moduan daudenak, hau da, ikusi eta probatzeko moduan edo dagoeneko merkatuan dagoen produktu edo zerbitzu bat dutenak.
• Gehienez zortzi urte baino gehiago ez dutenak eta teknologia berriak erabiltzea proposatzen dutenak enpresaren garapena azkartzeko behar dituzten enpresa-prozesuak hobetzeko.
• ETEek proposatutako erronkei aurre egiteko moduko startupak eta lerrokatuta daudenak Euskadiko Espezializazio Adimenduneko Estrategiaren espezializazio-sektoreekin eta aukera-eremuekin.

ETE parte-hartzaileek konpromisoa hartzen dute:

• Ekimenaren termino eta baldintzak onartu eta betetzeko.
• Ekimenak proposatzen dituen dinamiketara azaldu eta euretan parte hartzeko, eta definitutako lan eta zereginak betetzeko.
• Proiektua garatzeko behar den dedikazioa eskaintzeko, behin lankidetza-kontratu bat sinatu ondoren ETEaren eta startuparen artean.

Azken horrek esan nahi du gutxienez 40 orduko dedikazioa eskaini behar dela programan inplikatzeko eta eskaintzen dituen abantailak benetan aprobetxatzeko, hau da, modu proaktiboan parte hartzeko programan eta antolakunde barruan egin behar den lanean.  Hauek dira zereginak eta eskaini beharreko gutxieneko orduak:

• Martxan jarri + Erronkak identifikatu eta karakterizatu = 12 ordu
• Startupak aztertu eta aukeratu = 8 ordu
• Matchmaking saioak (pitching + B2B ekitaldia startupekin) = 10 ordu

Barne-gogoetako + komunikazioko beste lan batzuk = 10 ordu

Startup parte-hartzaileek konpromisoa hartzen dute:

• Ekimenaren termino eta baldintzak onartu eta betetzeko.
• Ekimenak proposatzen dituen dinamiketara azaldu eta modu aktiboan parte hartzeko, eta definitutako lan eta zereginak betetzeko.
• Proiektua garatzeko behar den dedikazioa eskaintzeko, behin lankidetza-kontratu bat sinatu ondoren ETEaren eta startuparen artean.

Aukeraketa-fasea: startupen ebaluazioa eta ETE-startupen arteko matching-a

Startupak aukeratzeko prozesua bi fasetan egingo da: ebaluazio fasea eta matching fasea.

Era berean, startupen ebaluazio faseak bi azpi-fase izango ditu:

• Koordinazio eta Ebaluazio Batzordeak startup hautagaien aurre-aukeraketa bat egingo du, eta startupen zerrenda labur bat eskainiko die ETEei hautagaiak ebaluatu ditzaten. Horretarako, behin proposamenak jaso eta gero, Koordinazio eta Ebaluazio Taldeak ebaluatu egingo ditu, jakiteko zein neurritan egokitzen diren argitaratutako erronketara, zein den startup bakoitzaren gaitasun teknikoa planteatutako erronkari erantzuteko, zenbateraino den berritzailea proposatutako konponbidea, eta zeintzuk diren startupak planteatutako lantaldearen gaitasunak eta esperientzia. Ebaluazioa 100 puntukoa izango da, eta honela banatuko dira puntuak:

• ETEek startup batzuk lehenetsiko dituzte beste batzuen gainetik, hau da, behin batzordeak ETEari bidali ostean zerrenda laburra eta kasuan kasuko gomendioak, beren erronketarako egokitzat jotzen dituzten startupak aukeratuko dituzte. Azkenean, startup horiek jasoko dute Pitching saioetarako gonbidapena.

Ekimen bat, espreski sortu dena ETE eta startupen artean lankidetzarako aukera berriak sortzeko, oinarritzat harturik ETE parte-hartzaileen artean planteatutako erronka sektorial bateratu bat.

ETEek euren startup begikoenak lehenetsi ondoren, KDE bakoitzak behar diren saioak egingo ditu startupek euren proposamenak aurkez diezazkieten ETEei.

• Startupek planteatutako erronkei aplika dakizkiekeen konponbideak aurkeztuko dituzte Pitch saioetan, eta hori abiapuntu bat izango da ETE batek bileren agenda bat eska dezan B2B ekitaldirako.
• B2B ekitaldian zehar, ETE batek gehienez 5 startup lehenetsi ahal izango ditu laneko lehen bilera komertzial edo tekniko bat egiteko, eta hori abiapuntu bat izango da etorkizunean –hurrengo hilabeteetan– balizko proiektu bat konfiguratzeko.

ETE parte-hartzaileek plan eta eredu bat plazaratzen dute premia/aukera partekatuak identifikatzeko eta startupei erronka gisa transmititzeko, ondoren premia/aukera horiek gauzatuak izan daitezen proiektu pilotuak elkarrekin garatuz konponbide teknologiko eskalagarriak testatzeko.

Proiektuak konfiguratu eta garatzeko fasea.

BIND 4.0 ekitaldiaren bitartez, BIND 4.0 ekimeneko lantaldeak elkarrekin harremanetan jarriko ditu ETEak eta aukeratutako startupak, baina horrek ez du esan nahi inolako betebeharrik sortzen denik, edo kontaktu horren ostean bien arteko harreman komertzialak sortzea beharrezkoa denik.

Planteatutako erronkei erantzuteko moduko konponbide teknologiko bat aurkitu duten ETEek, hala badagokio, kontratu bat sinatuko dute zuzenean startupekin, eta akordioaren alderdi orokor garrantzitsuenak jakinaraziko dizkiete KDEei. SPRIk edo KDEak ez dute izango inolako paperik edo parte-hartzerik proiektu horien garapenean.

Bi alderdiek askatasun osoz zehaztu eta adostuko dituzte proiektuaren irismena, helburuak, iraupena eta baldintza ekonomikoak, SPRIren parte-hartzerik gabe.

Kontratuaren edukia loteslea izango da bakarrik alderdi sinatzaileentzat, hots, ETEarentzat eta startuparentzat, bien arteko eskubide eta betebeharrak finkatzen dituen akordio pribatu bat izango baita.

Hortaz, bi alderdiek (ETEa eta startupa) euren gain hartutako betebeharrak betetzea alderdi bakoitzaren erantzukizuna izango da soilik. Zehazki esanda, bi alderdiek (ETEak eta startupak) adosten duten prezioa ETE parte-hartzaileak ordainduko du eta SPRIk/KDEak ez du inolako erantzukizun edo betebeharrik izango, ez prezioa ordaintzeari dagokionez, ez bi alderdiek (ETEak eta startupak) adostutako gainerako obligazioei dagokienez ere.

Bidea errazten die merkatura sartzeko eta finantzaketa lortzeko. Horretarako, elkarrekin harremanetan jartzen dira startupak eta Euskadiko Espezializazio Estrategiak bere baitan biltzen dituen espezializazio-sektore eta aukera-eremuetako ETEak, lankidetzan arituz sektore horiek ordezkatzen dituzten Klusterren Dinamizaziorako Erakundeekin (KDE): Hegan, Basque Food Cluster, ACICAE, Basque Health Cluster, ERAIKUNE, ACE, MAFEX, AFV, Habic, FMV, Aclima, Euskadiko Paperaren Klusterra, SIDEREX, Uptek (AFM), GAIA eta MLC Uniport.

Programaren helburua da bide azkar bat zabaltzea ETEek teknologia berriak eta konponbide berritzaileak barnera ditzaten, euren lehiakortasun-posizioa hobetu dezaten, ekintzailetzara hurbildu daitezen, eta aldi berean lan kolaboratiboaren filosofia barnera dezaten, batez ere lankidetza garatuz antzeko beste ETE batzuekin Klusterren Dinamizaziorako Erakundeen (KDE) barruan.

Tailer edo lan-saio parte-hartzaileak dira, zeintzuetan ekimenean parte hartzen duten ETEek ekintza kolaboratiboak garatzen dituzten emaitza komunak lortzeko.

ETEak eta startupak elkarrekin egiten dituzten saioak dira, zeintzuetan parte-hartzaileek proposamenak aurkezten dituzten ideia bat edo negozio bat azaltzeko denbora eta espazio jakin batean.

Ebaluazio eta Koordinazio Taldeak eta ETEek elkarrekin egiten duten lan bat da. ETEek, aditu batek lagunduta, aztertu eta aukeratu egiten dituzte planteatutako erronka eta zehaztasunei ondoen egokitzen zaizkien startupen proposamenak. Aukeraketa hori abiapuntua izango da balizko enpresa-harremanak garatzeko proiektu bat sinatzeari begira.

Koordinazio eta Ebaluazio Taldeak ETEek planteatutako erronkak aztertuko ditu. GIH bakoitzak planteatutako erronkekin bat egin dezaketen startup-ak identifikatu ondoren, Koordinazio eta Ebaluazio Batzordeak gonbidatuko ditu ekimenean parte hartzera. Horretarako, BIND 4.0 ekimenaren web orrian ETEek identifikatutako erronkak argitaratuko dira eta Startupek proposamenak jasotzeko formulario bat prestatuko da.