Adimen Artifizial Aplikatua 2023

Hobetu zure enpresaren lehiakortasuna adimen artifizialean oinarritutako aplikazioak txertatuz

Eskatu hemen

Adimen Artifizial Aplikatua 2023

3 milioi euro zerbitzu eta prozesuei aplikatutako adimen artifizialeko proiektu komertzialak babesteko.

Adimen Artifizial Aplikatua 2023 laguntza-programaren helburua EAEko enpresetan IAren erabileran oinarritutako proiektuak babestea da, baldin eta proiektu horiek erakuste-efektua badute eta Euskadin teknologia honen eskaintza eta eskaria aktibatzea ahalbidetzen badute, euskal enpresei lehiakortasuna areagotzeko tresnak emateko.

Adimen Artifiziala da 4.0 Industriaren muina, izan ere, Adimen Artifiziala oinarri hartuta garatzen dira, besteak beste, Ikusmen Artifiziala, Deep learning, Datuen Analisia, Machine Learning eta gure enpresentzat balio erantsi handia duten beste jarduera batzuk.

Epeak

Hasiera data: 2023-05-23

Amaiera data:
2023-10-05, 23:59retan

Aurreko edizioko zifrak

%0

Onartutako proiektuen ehunekoa

0

Diruz lagundutako proiektuak

0€

Batez besteko dirulaguntza

2022ko edizioan 113 proiektu aurkeztu ziren, besteak beste, IA, Sare Neuronalak, robotika eta automatizazioa edo Big Data bezalako gaiekin lotuta, eta 110 proiektu horietatik, 72 babestu ziren. Kasu gehienetan, ezeztatu diren proiektuak Adimen Artifizialeko algoritmorik ez zegoelako ukatu dira. Horrela, onartutako 96 proiektuek 4.224.918 euroko diru-laguntza izan zuten, proiektu bakoitzeko 41.667 €ko batez besteko diru-laguntzarekin.

Zer eskaintzen du?

Adimen Artifizial Aplikatua programak eskaintzen dizu

100.000 € arteko laguntza Adimen Artifizialaren erabilera aplikatzeko eta sustatzeko

Algoritmo aurreratuen bidez garatutako aplikazioak, soluzioak eta zerbitzuak ezartzea

Eraginkortasuna eta lehiakortasuna hobetzea, zure ekoizpen-prozesuei AA aplikatuz

Adimen Artifizialerako aholkularitza, ingeniaritza, hardware eta software aplikazio espezializatura sarbidea

Zertan laguntzen dizu?

Adimen Artifizial Aplikatua programak laguntzen dizu

  • Zure ekoizpen-gaitasunak egungo eskarira egokitzea, Adimen Artifizialeko algoritmo aurreratuak erabiliz.
  • Ezagutza berriak eskuratzen hainbat arlotan: Ikusmen Artifiziala, Machine Learning, Data Science eta balio erantsi handiko beste aplikazio batzuk.
  • Datuetan oinarritutako erabakiak hartzeko prozesua indartzen.
  • Hardwarea eta Softwarea erosteko kostuak estaltzen, erabilpen lizentziak barne.
  • Aholkularitza, ingeniaritza eta antzeko zerbitzuen kostuak ordaintzen.
  • Zure negozioaren produktibitatea hobetzen, datuen analisi aurreratuan oinarritutako erabakiak hartuz.

Ezagutu xehetasunez programa hau

Araudia
Norentzat da?

Zure lehiakortasuna handitu nahi duzu Adimen Artifizialaren aplikazioaren bidez ekoizpena eskarira egokitzeko?

Algoritmo aurreratuen erabileran oinarritutako produktuak, irtenbideak eta zerbitzuak garatzeko eta teknologia horrekin dituzten emaitzak eta esperientziak ezagutarazteko prest dauden ekintzaile, autonomo edo enpresentzat.

Itzuli beharrik gabeko dirulaguntza bat emango dizugu, zure proiektuko gastu eta inbertsioen gehienez % 50 ordaintzeko eta, horrela, zure lehiakortasuna hobetzeko

Ohiko galderak

Zalantzak argitu

Bai, enpresa onuradun bakoitzeko urteko gehieneko dirulaguntza 100.000 €-koa da, baina proiektu desberdinen artean bana daitezke. Proiektu bat baino gehiago aurkeztuz gero, eskabide berean edo desberdinetan aurkez daitezke.
  • Aholkularitza eta/edo ingeniaritzako, hardwareko eta softwareko gastu eta inbertsio hautagarrien faktura banakatuen kopia.
  • Finantza-erakundearen ordainketa-frogagirien kopia.
  • Proiektua gauzatu ondoren erakunde hornitzaileak egindako lanak egiaztatzen dituen memoria tekniko.
  • Onuradunaren izenean dagoen kontu korrontearen (IBAN) titulartasuna eta zenbakia egiaztatzen duen finantza-erakundearen ziurtagiriaren kopia.

Diru-laguntza bi zatitan ordainduko da. Lehenengo ordainketa laguntza emateko ebazpena jakinarazi ondoren egingo da, dirulaguntzaren % 70ari dagokion zenbatekoarekin eta aplikatu beharreko berme-erregimenarekin. Bigarren ordainketa gainerako % 30a izango da, likidazio-eskabidea eta eskatutako egiaztagiriak aurkeztu ondoren.

Diruz lagundu daitekeen gastua laguntza emateko ebazpenean onartutako aurrekontua baino txikiagoa bada, dirulaguntza proportzionalki doituko da, eta, baldin eta dirulaguntza itzultzea erabakitzen duen ebazpenak hala xedatzen badu, SPRIri itzuli beharko zaio dagozkion interesekin.

12 hilabete, eskabidea aurkezten denetik aurrera.

Era berean, erakunde eskatzaileek aldez aurretik eskatuta eta justifikatuta, programaren kudeaketaren arduradunak egin beharreko jarduerak gauzatzeko epea luzatu ahal izango du, betiere proiektuak gauzatzeko 12 hilabeteko gehieneko epea gainditu gabe.

Bai, eta honek erakunde onuradun batek guztira jaso dezakeen minimis laguntza 200.000 eurotik gorakoa ezin izango dela esan nahi du, uneko ekitaldi ekonomikoa eta aurreko bi ekitaldien barruan hartuta.

Deep Learning, robotika edo automatizazioa bezalako gaietarako Adimen Artifiziala aplikatzeak produkzioa egokitzea eta zure enpresako balio-eskaintza handitzea ahalbidetuko dizu, haren lehiakortasuna eta merkatuan duen posizionamendua bultzatuz.

Eskatu hemen

Lortu orain Adimen Artifizialeko konponbideak ezartzeko laguntzak eta hobetu zure enpresaren produktibitatea

Eskatu aurretik, laguntza programa honi buruzko kontsultaren bat egin nahi baduzu, formulario honen bidez egin dezakezu. Zure laguntzak eskatzeko, sartu hemen.


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Laguntza eskatu nahi duzu orain?

Bete zure eskaera Adimen Artifizial Aplikatua programako itzuli beharrik gabeko laguntzak eskuratzeko.

ESKATU HEMEN

Zalantzaren bat duzu?

Euskal enpresarentzako arreta zerbitzua

Deitu 900 929 393-ra

Galdetu hemen
Lotutako laguntzak

Zure Digitalizazioa-proiektua bultzatzeko laguntza-programak diseinatzen ditugu