Indartu 2024

Euskadiko eremu ahuletan kokatutako industri arloko enpresei laguntzen diegu euren produkzio-gaitasuna handitzen

Informazioa aldatu egiten daiteke laguntzaren araudia argitaratzen ez den bitartean.

Indartu 2024

Enplegua sortzen duen produkzio arloko inbertsioa sustatzen dugu, industri garapenaren eta desberdintasun sozialak murriztearen aldeko apustu irmo gisa

Indartu programak 20 milioi euroko laguntzak ematen ditu enpresa-inbertsioak egiteko, eta babes integrala eskaintzen die enplegu-aukera berriak sortzen dituzten sustatzaile berriei, diskriminazio positiboa eginaz, batik bat, Ezkerraldea handituta eta langabeziaren eragin handia duten beste eremu batzuetan dauden inbertsioak sustatzeko, bai eta Euskadiko urteko batez bestekoa baino langabezia-tasa handiagoa duten udalerrietan estrategikotzat eta lehentasunezkotzat jotzen diren inbertsioak sustatzeko ere.

Deialdi honetako laguntzek oinarrizko ezaugarri hauek dituzte:

  • Helburutzat dute produkzio arloko inbertsioak sustatzea, baldin eta lehiakortasuna hobetzen eta ekonomia garatzen badute aipatutako eremuetan nahiz Euskal Autonomia Erkidegoko urteko batez bestekoaren gorako langabezia-tasa duten gainerako udalerrietan. Inbertsio horiek enpresa berriek edo lehendik daudenek egin ditzakete, eta lehentasuna izango dute zuzenean produktuaren eraldaketa prozesua hobetzera, gaitasunak handitzera edo jarduera berriak garatzera bideratutako inbertsioek.
  • Diskriminazio positiboko neurriak hartuko dira langabezia handia duten zenbait eskualdetan, bai ekonomia-krisiak beste leku batzuetan baino eragin handiagoa izan duelako, bai hondatutako egitura bat dutelako garapena zailtzen duena.
  • Inbertsioek behar bezala finantzatuta egon behar dute, hala, bai enpresa berriei, bai lehenagotik daudenei eskatzen zaie inbertsioaren hasieran Baliabide Propioekin estal dezatela diruz lagundu daitezkeen inbertsioen gutxienez % 25 (laguntza publikoak kontuan hartu gabe).
  • Gehieneko laguntza 3 milioi eurokoa izango da enpresa bakoitzeko, diruz lagundu daitekeen inbertsioaren arabera, edozein dela ere sortuko den enplegu bolumena.

Indartu 2024 programaren aurre-eskaera epea irekita

Indartu programaren aurre-eskaerak, 2024. urteko ediziorako programaren deialdia baino lehen hasitako inbertsioak diruz laguntzeko modukoak izateko aukera ematen du. Beraz, 2024ko urtarrilaren 1etik aurrera aurre-eskaera hau aurkez daiteke, inbertsioak hasteko aldia adieraziz. Horrela, aurre-eskaera aurkezten denetik eskaera formala egiten den arte egindako inbertsioak, programaren deialdia argitaratu ondoren, diruz lagundu ahal izango dira.

Informazio gehiago

Aurre-eskaera urtarrilaz geroztik eskuragarri

Hasiera data: 2024-01-01


Amaiera data:
Zehaztu gabe

Indartu 2024 laguntza programaren aurre-eskaera deskargatu

Minutu gutxi barru, Indartu programaren aurre-eskaera orria bidaliko dizugu posta elektronikoz. Ez baduzu jasotzen, egiaztatu zure spam karpeta.

Gune honetako pribatutasun politika onartzen dut.

Zer eskaintzen du?

Indartu programak eskaintzen dizu

Eginiko inbertsioaren % 15erainoko itzuli beharrik gabeko dirulaguntza, gehienez 3 milioi euro enpresako.

Zure enpresaren garapena, lehiakortasuna eta merkatuan duen posizioa hobetzea.

Instalazio produktibo berriak erostea, eta instalazioak berritu eta ekipatzea.

Zure eremua ekonomikoki dinamizatzen laguntzea, enplegua sortuz.

Zertan laguntzen dizu?

Indartu programak laguntzen dizu

  • Zure enpresarentzako lursail eta eraikin berriak erosten.
  • Makina, tresna edo instalazio teknikoekin ekipatzen.
  • Ekipo eta programa informatikoak erosten.
  • Jabetza industrialeko eta patenteen arloko gastuak ordaintzen.
Norentzat da?

Zure enpresak ekimen honetan parte har dezake

  • Ba al duzu industriarekin edo zerbitzu logistikoekin (garraioa alde batera utzita) lotutako Enpresa Handi, ETE edo Mikroenpresa industrialik?
  • Zure enpresa Ezkerraldea handituta edo EAEko urteko batez bestekoa baino langabezia-tasa handiagoa duten udalerri batean kokatuta dago?

Enpresak baliabide propioekin estali beharko du, gutxienez, inbertsioaren % 25, eta gutxieneko denbora-tarte batez mantendu beharko ditu eginiko inbertsioak.

Tresna eta programa egokiak eskaintzen ditugu enpresa-inbertsioak bultzatzeko eta laguntza integrala ematen diegu enplegu-aukera berriak sortzen dituzten sustatzaile berriei.

Eskatu hemen

Lortu orain laguntzak eta inbertitu zure enpresan

Eskatu aurretik, laguntza programa honi buruzko kontsultaren bat egin nahi baduzu, formulario honen bidez egin dezakezu. 


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Laguntza eskatu nahi duzu orain?

Indartu 2024 programako laguntzak une honetan bertan eskuratzeko, bete eta aurkeztu zure aurre-eskaera, inbertsioak egiten hasi baino lehen. Horrela, diruz laguntzeko moduko inbertsio bezala sailkatu ahal izango dituzu aurre-eskaera aurkeztu denetik eskaera formala (programaren deialdia argitaratu ondoren) aurkeztu bitartean egindako inbertsioak. Aurre-eskaera deskargatu.

Zalantzaren bat duzu?

Euskal enpresarentzako arreta zerbitzua

Telefono zenbakia 900 929 393

Lotutako laguntzak

Zure Finantziazioa-proiektua bultzatzeko laguntza-programak diseinatzen ditugu