Jakina. Hori bai, esan behar diguzu zein posta elektronikotan jaso nahi duzun informazio guztia. Dagoeneko jasotzen badituzu SPRI Taldearen jakinarazpenak zure profila editatu ahal izango duzu, eta posible izango duzu aukeratzea zein gairi buruzko informazioa jaso nahi duzun. Zure lehentasunekin zerikusia duen informazioa bakarrik bidaliko dizugu: buletinak, nazioartekotzeari buruzko txostenak, ekitaldien agenda, beste jakinarazpen batzuk… Une honetan, hainbat sektoreri buruzko behatokiak argitaratzen ari dira (automobilgintza, energia edo ingurumena) sektoreen bilakaera eta maila globalean dituzten perspektibak monitorizatzeko. Zerbitzuak ez dira mugatzen informazio sektoriala edo geografikoa ematera; horrezaz gain, jarraipena egiten diete euskal enpresan eragina duten aktualitateko gai guztiei, hala nola Ukrainiako gerrari, Covid-19ak sortutako pandemiaren ondorioei edo lehengaien prezioen igoerari.