Senerek lurrun eta elektrizitate instalazioa eraikiko du Mexikon
Gondi Taldearekin sinatu duen hitzarmenaren harira, euskal enpresa ekipamendu energetikoaren ingeniaritzaz, eraikuntzaz eta abiarazteaz arduratuko da, 2020aren hasieran zerbitzua ematen hasteko asmoz.
Sener enpresak kontratua sinatu du kartoizko paketegintzarako paperaren fabrikazioan espezializatuta dagoen Mexikoko Gondi taldearekin, Guadalupe Nuevo León (Mexiko) herrian lurrun eta elektrizitate zerbitzuetarako instalazioa eraikitzeko.
Proiektuaren lehenengo fasearen barruan, bi galdara eta azpiestazio elektriko bat dituen lurrun instalazio bat eraikiko da, 2020aren hasierarako erabiltzeko moduan izan dadin, eta bigarren fasean, 2021etik 2022ra bitartean, kogenerazio eskema garatzeko aukera egongo litzateke.
Giltza eskura delako modalitatearen arabera izenpetu den akordioaren harira, euskal konpainia arduratuko da oinarrizko zein xehekako ingeniaritzaz, materialen erosketa globalaz eta proiektuaren kudeaketa integralaz, baita bi galdara osagarriak eraiki eta abian jartzeaz eta eragiketa arloko langileak trebatzeaz ere.
