Egile Mechanics, aeronautikan eta elikadura sektorerako metalezko ontzietan aplikatutako berrikuntza
Egile Mechanics enpresa gipuzkoarra 2018an eratu zen izen horrekin, baina 31 urte daramatza lanean, DMP (Desarrollos Mecánicos de Precisión) eta Zehatz batu ondoren sortu baitzen. Biak ziren Egile taldeko enpresak, eta sozietate independente izateari utzi zioten zehaztasunezko mekanikan zentratutako erakunde bakar batean integratzeko. Egile Mechanics enpresak mekanizatuko konponbideak eskaintzen ditu arlo guztiz desberdinetarako, hala nola aeronautikarako edo elikadura sektorerako, eta tapa irekierrazak fabrikatzeko sistema osoak egiten ditu azken sektore horretarako. Konpainiak SPRI Taldearen laguntza jaso du BDIH Konexio programaren bitartez, zeinarekin Basque Digital Innovation Hub-ek ETEen eskura jartzen baitu fabrikazio aurreratuko aktibo eta zerbitzuen sare konektatu bat prestakuntzarako, ikerketarako, testak egiteko eta baliozkotze prozesuetarako.
“Gaur egun enpresak bost negozio-esparru ditu: AeroTransmissions, AeroSystems eta AeroEngines aeronautika sektorean; ExtremePrecision, Big Science eta Osasun sektorean, zeinetan beharrezkoak diren partikula-azeleragailuetan egon ohi diren muturreko tolerantziadun osagaiak; eta CanTooling, elikadurako metalezko ontziak egiteko sistemak”, azaldu du Nagore Barrenak, Egile Mechanics-eko berrikuntza managerrak.
Aeronautika sektorean, hegazkinetako pieza kritikoak egiten dituzte. “Adibidez, lur-hartze sistema eta beste sistema konplexu batzuk, esaterako potentzia-dentsitate handiaren transmisio-erreduzitzaileak eta motorraren zati beroen osagaiak. Azken horiek fabrikatzeko super-aleazioak erabili behar izaten dira, muturreko tenperaturak jasan behar dituztelako. Abiadura Handiko Turbinaren osagaiak ere egiten ditugu, eta motor-arkitektura berri bat, zeinarentzat nikel monokristalinoa erabiltzen baitugu, mugarri berri bat ezarri dugularik aeronautika sektorean”, adierazi du arduradunak.
Hala, euren I+G-ko jarduerak material hori baliatzera bideratuta daude, helburutzat baitute “abiadura handiko turbinetarako produktuak egitea eta Estatuko hornitzaile bakarrak izatea”. “Gure enpresak jakintza handia dauka mekanizatu aurreratuaren arloan, baina baita ere pieza edo sistemen diseinu-prozesuan”, dio berrikuntza arloko arduradunak.
CanTooling unitatean metalezko ontzientzako tapa irekierrazak egiteko trokelak eta sistema osoak diseinatu eta fabrikatzen dituzte, eta ExtremePrecision atalean, berriz, partikula-azeleragailu linealetarako osagai eta multzoak edo erradioterapiarako osasun-produktuak. “Hemen zehaztasun-eskakizuna hain da handia, non tenperatura eta hezetasun baldintza espezifikoko areto berezi bat behar izaten baita fabrikaziorako. Zehaztasun eta konplexutasun handiko prozesuak dira”.
Enpresak 190 langile inguru ditu eta 28 milioi euro inguruko fakturazioa izan zuen 2019an. “2020an fakturazioak behera egin zuen pandemiagatik eta abiazio zibilaren jardueraren jaitsieragatik. Baina jarduera aeronautikoa mantendu egin da beste sektore batzuetan, adibidez helikopteroetan eta arlo militarrean”. Negozioaren %15 I+G-n inbertitzen dute.
BDIH Konexio programaren bitartez jaso duten 10.800 euroko laguntzarekin makina adimendunen arloko proiektu bat garatu dute. Zehazki, besoak fabrikatzen dituzte (motorreko pieza sentsitibo bat, kritikoa hegazkin baten segurtasunerako), “eta horrek esan nahi du eskakizunak oso zorrotzak direla”. Pieza horrek oso tenperatura altuak jasaten ditu motorrean duen kokapenagatik, eta nikel monokristalinozko materialak ezin egokiagoak dira horretarako. Horregatik fabrikatu nahi ditugu material horrekin. Pieza kritiko bat da eta mekanizatzeko oso zaila”.
BDIH Konexio programan garatu duten proiektuaren helburua izan da material horrekin egin beharreko piezen diseinu kontzeptuala sortzea, zuzenketa-tresnak aukeratzea eta “makinagarritasun entseguak egitea, makinaren parametroak neurtzeko. Proba guztiak egin ondoren garapen-fasean dago orain, eta merkatuan sartzeko posizionatzen ari gara”, esan du Nagore Barrenak.
Egile Mechanics enpresaren etorkizuneko erronkak dira fabrikatzaile izaten jarraitzea, piezen diseinuan espezializatzea eta “aeronautikari dagokionez, nikel monokristalinozko produktuak egiten hastea. Beste bi negozioetan asmoa da beste material batzuk erabiltzen hastea ontziak eta sistema irekierrazen eraztunak egiteko”. Bere proiektuetan gaikuntza teknologikoa hobetu nahi dute eta produktu eta material berriak eskaini.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.