Sakondu 2022

% 50etik gorako esportazio-jarduera duten ETEentzako itzuli beharrik gabeko dirulaguntza posizio ahulagoa duten merkatuetan enpresaren lehia-maila eta posizionamendua hobetzeko.

800.000 €-ko burtsa duen Sakondu programak, nazioartekotze-maila handia duten euskal enpresei bideratzen da, presentzia txikia duten edo presentziarik ez duten merkatuetan sartzeko (2021ean esportatutako guztiaren % 25etik beherako fakturazioa). Bere helburu nagusia da enpresen lehiakortasuna hobetzea, ikuspegi inklusiboago eta jasangarriago batetik sakonduz euren nazioarteko jardueran eta jasangarritasuna integratuz euren negozio-ereduan nahiz nazioartekotze-estrategian.

Sakondu programak itzuli beharrik gabeko dirulaguntza publikoak ematen ditu balio erantsiko zerbitzuen erabilpena sustatzeko.

Enpresa bakoitzak eskaera bakarra egin dezake, gehienez bi herrialdeetarako, eta laguntzak onartutako gastuaren % 50eraino iritsi daitezke, eta gehienez 45.000 €-koak izango dira enpresa bakoitzeko. Eskaerak egiteko epea araudiak definitutako egunean bukatuko da edo bestela funtsak agortzen direnean.

Epeak

Hasiera data: 2022-05-04

Amaiera data:
2022-09-16, 23:59retan

Zer eskaintzen du?

Sakondu programak eskaintzen dizu

Itzuli beharrik gabeko 45.000 €rainoko laguntzak enpresa bakoitzeko

Nazioartekotzearen arloko aholkularitza espezializatua

Nazioarteko estrategia finkatzea

Presentzia gutxien duten kanpo-merkatuetan sartzea

Zertan laguntzen dizu?

Sakondu programak lagunduko dizu

Nazioartekotze-estrategia prestatzeko kanpoko aholkularitza kontratatzen.
Helmuga-herrialdean kudeaketa-gastuak eta tasak ordaintzen patenteak eta markak erregistratzeko.
Helmuga-herrialdean beharrezkoak diren homologazio-gastuak eta atzerriko bezero handiek eskatzen dituzten ziurtagiriak ordaintzeko.
Nazioarteko azoketan parte hartzen erakusle gisa.
Bisitari bezala parte hartzen nazioarteko kongresu, foro espezializatu eta azoketan.
Prospekzio-bidaiak egiten merkatuak aztertzeko edota bezero izan daitezkeen enpresekin kontaktatzeko.
Alderantzizko misioak egiten eta bezero izan daitezkeen enpresak gonbidatzen.
Katalogoak edo kartelak egiten, webguneak garatzen eta nazioarteko merkatura egokitzen.
Publizitate-espazioak kontratatzen hedabide sektorialetan edo digitaletan, produktu/zerbitzua merkaturatzeko.
Produktu edo zerbitzuen aurkezpenak eta aldi baterako erakusketak egiten helmuga-herrialdeko merkataritza-guneetako corner-etan.
Harreman publikoetako edo komunikazioko agentziak kontratatzen nazioarteko merkatura zabaltzeko.
Kanpo-merkatuetarako sarbidea modu birtualean hobetzeko sustapen-formatu berriak garatzea.
Ontzien eta etiketen diseinua eta sustapen-laginen bidalketa ordaintzea.
Kanpo-aholkularitza kontratatzen enpresak helmuga-herrialdean duen inpaktuari buruzko jasangarritasun-txostenak egiteko.
Atzerriko ezarpen produktibo eta komertzialekin lotutako gastuak ordaintzen (bideragarritasun-azterlanak, negozio-planak, auditoretzak eta alokairu- eta hornidura-gastuak barne).
Atzerriko lanetan parte hartuko duten langileen hautaketa-prozesuarekin lotutako gastuak ordaintzen.
Merkatuetan sartzeko beharrezkoak diren sustapen-ekintzak edo ikerketak eta azterlanak egiten.

Ezagutu xehetasunez programa hau

Araudia

Norentzat da?

Zure enpresak laguntza hau jaso dezake

Mikroenpresa edo ETE bat zara eta zure esportazio-jarduera fakturazioaren % 50 baino handiagoa izan zen 2021ean?

Esportatutako guztiaren % 25 baino gutxiago fakturatzen duten merkatuetan zure posizio lehiakorra hobetu nahi duzu?

Nazioartekotze inklusibo eta jasangarriago baten alde

Lagunduko dizugu nazioartekotze-estrategia bat garatzen zure lehen urratsak ematen hasteko atzerriko merkatuetan. Estrategia bat, kontuan hartuko dituena helmuga-herrialdearentzat abantailatsuak diren irizpide ekonomikoak, sozialak eta ingurumenekoak.

2021eko deialdiaren emaitzak

Sakondu laguntza-programaren 2021eko edizioan 60 eskaera jaso ziren guztira, eta horietatik 53 onartu ziren. Horrek esan nahi du eskaeren % 88k baino gehiagok itzuli beharrik gabeko laguntza izan zutela. Hala, diruz lagundutako enpresek 1,058 M€ jaso dituzte guztira merkatu-kuota handitzeko eta esportazio-presentzia txikia duten merkatuetan kokatzeko.

Lagundutako enpresen kopurua

Onartutako proiektuen ehunekoa

8 M€

Laguntzetan emandako diru kopurua

Oraindik ez duzu zure fakturazioaren erdia baino gehiago esportatzen?

Zabaldu programak euskal enpresei nazioarteko presentzia eta posizionamendua handitzen laguntzen die, oraindik fakturazioaren % 50 baino gehiago esportatzen ez badute.

Zabaldu 2022 eskatu

Ohiko galderak

Zalantzak argitu

Ez.

Ez, Sakondu programak ez ditu diruz laguntzen lankidetza-proiektuak.

Bai, enpresak eska dezake merkatu-azterketa bat. Horretarako, zerbitzu hori emateko eskaera bidali behar dio Basque Trade & Investment – Nazioartekotzeko Euskal Agentziari, info@basquetrade.eus helbide elektronikoaren bidez.