LIS Data Solutions, Analitika Aurreratua datuak ustiatzeko
LIS Data Solutions 2013an abiarazi zen, helburutzat harturik tresnak eta teknologiak garatzea enpresetako datuak atzemateko, aztertzeko eta erlazionatzeko. Bulegoak dituztelarik Gasteizen, Santanderren, Madrilen eta Bartzelonan, aurten ordezkaritza bat ireki dute Alemanian, eta espero dute 2022an beste bat irekiko dutela Erresuma Batuan. Manuel Coterillo Fernándezekin hitz egin dugu, LIS Data Solutions-eko Datuen Ingeniaritzako Proiektuen zuzendariarekin.
Zer egiten duzue LIS Data Solutions-en?
Datuen zientzia da gure enpresaren jarduera. Analitika Aurreratua, adimen artifiziala, machine learning, Big data, business intelligence eta datuak ustiatzen dituen beste edozein teknologia erabiltzen dugu gure bezeroei euren negozioak eraldatzen laguntzeko.
Gaur egungo mundu globalizatu eta lehiakor honetan, digitalizazioa ezinbestekoa da eraginkor, produktibo eta errentagarri izateko, baita ere jasangarriago bihurtzeko. Hortik abiatuta, egokitutako konponbideak inplementatzen laguntzen diegu enpresei, 4.0 Industriaranzko bidea hasi edo jarraitu dezaten. Beti egon gara industriara eta hornikuntza-katera zuzenduta, baina negozioen beste bertikal batzuk ere lantzen ditugu. Datuen zientziako ad hoc proiektuak garatzen ditugu, eta hemendik gutxira edozein tamainatako enpresentzat oso baliagarri izan daitezkeen bi produktu aurkeztuko ditugu.
Nolako harremana du LIS Data Solutions-ek 4.0 Industriarekin?
Sinatzen ditugun proiektu asko 4.0 Industriakoak dira. Gero eta gehiago dira hain beharrezkoa den eraldaketa digitalari ekiten dioten antolakundeak, etorkizuna ziurgabea baita bazterrean gelditzen diren enpresentzat. Eszenatoki horretan, gure helburua da ahalik eta probetxu gehien ateratzea enpresetako informazio-iturriei, horrela erabakiak hartzeko prozesuak errazteko eta kalitatea, eraginkortasuna eta errentagarritasuna hobetzeko. Horretarako, aholkularitza/datuen ingeniaritza binomioa baliatzen dugu: badauzkagu negozioa ongi ezagutzen duten aholkulariak eta errendimendu handiko ingeniaritza-taldeak, zeintzuek antolakunde bakoitzaren errealitate eta digitalizazio-mailara egokitutako konponbideak aplikatzen baitituzte.
4.0 Industriarekin lotutako zein tresna, zerbitzu edo konponbide erabiltzen dituzue?
Gure lehengaia datuak dira. Datuak lortzen ditugu enpresa barruko iturrietatik (makinak, langileak, sentsorika, erregistro historikoak…) eta baita ere kanpokoetatik (informazio meteorologikoa, sateliteko irudiak, kamerak, merkatuko joerak, ekonomia…), eta denak gurutzatzen ditugu balio erantsi handiko emaitzak lortzeko. Behin datuak ateratakoan, prozesatu egiten ditugu teknika eta teknologia desberdinak erabiliz: Analitika Aurreratua, Big data, machine learning, adimen artifiziala… Horrela, 4.0 Industriako konponbideak eskain ditzakegu, esaterako, mantenimendu prediktiboa (zeinari esker posible baita makinen errendimendua handitzea, produktuaren kalitatea hobetzea eta geldialdiak minimizatzea), eskaeraren aurreikuspena (zeinari esker aurrea hartzen baitzaie merkatuko joerei, hobeto kudeatzeko stock-a, biltegiak eta prezio politikak) edo business intelligence (zeinari esker enpresaren iraganeko, orainaldiko eta etorkizuneko erradiografia lortzen baita ahalik eta erabaki onenak hartzeko).
Kontaiguzu 4.0 Industriaren eta eraldaketa digitalaren arloetan eskaintzen dituzuen zerbitzuen adibideren bat edo kasu arrakastatsuren bat.
Une honetan, hiru lan-ildok daukate eskaera handiena. Lehenengoa da eskaeraren aurreikuspena egitea erosketak automatizatzeko. Nola saldu jakinez gero, posible da stock-maila optimoak edukitzea (segurtasun eta maniobra stock-a) eta hornikuntza-agindu automatikoak sortzea, orobat jakin ahal izango dugulako zein distantziatara dauden (lead time) gure hornitzaileak eta onak diren ala ez (hornitzailearen kalitatea).
Ekipo industrialen eta instalazio logistikoen mantenimendu prediktiboarekin, robotikari buruzko datuak atzematen ditugu eta funtzionamendu normalak modelatzen ditugu matematikoki. Datuak denbora errealean atzematen eta aztertzen direnez, ezusteko geldialdiak aurreikusten eta ohartarazten ditugu.
Azpiegitura kritikoen mantenimenduan (gas bideak, olio bideak, errepideak, e.a.), sateliteetako irudien analisia baliatzen dugu. Irudi horiekin eta adimen artifizialaz hornitutako ikaskuntza automatikoko tresnak erabiliz, jakin dezakegu zein aldaketa gertatzen diren horrelako azpiegituren inguruan eta noiz den beharrezkoa ikuskapen-lanak egitea, ibilgailu edo helikoptero bidezko ikuskapen sistematikoak saihestuz.
Nolako jarrera dute ETEek eta gainerako enpresek 4.0 Industriarekin lotutako tresnak inplementatzean?
Espainia komeni litzatekeena baino motelago doa Europako beste herrialde batzuekin alderatuta, adibidez, Alemaniarekin. Antzeman dugu tamaina eta fakturazio handiagoa duten enpresek apustu irmoagoa egiten dutela, eta zenbait ETE mesfidati daudela, baina uste dut gaur egun enpresa txiki eta ertain gehienek ulertu dutela eraldaketa digitala ez dela aukera bat, baizik eta premia bat. Egia da COVID-19ak eragindako krisiaren ondorioz, enpresa askok digitalizazio-prozesuari ekin behar izan diotela lehenbailehen, merkatuan zuten posizioa ez galtzeko.
Zeintzuk dira LIS Data Solutions-en etorkizuneko erronkak?
Espektatiba handiak ditugu. Momentuz, lanean jarraituko dugu plantilla eta fakturazioa handitzen jarraitzeko, bai hemen eta bai Alemanian. Maila estrategikoan, gure I+G guztia proiektu batera bideratuta daukagu: software-suite bat sortu nahi dugu hornikuntza-kateko begi desberdinen kudeaketa adimenduna egiteko. Aurten lehen bi aplikazioak jarriko ditugu martxan, eta asmoa da hemendik hiru urtera merkaturatzea hornikuntza-katearen kudeaketa integralerako adimen artifizialeko lehen software laguntzailea.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.