“Fabrikazio gehigarriak dagoeneko badu gaitasuna industriarako eskakizun handiko konponbideak eskaintzeko”
Gorka Fernández, Mizar Additive Manufacturing enpresako zuzendari teknikoa.
Mizar askotariko osagai pertsonalizatuen diseinuan eta produkzioan espezializatutako enpresa bat da, fabrikazio gehigarriko teknologiak darabiltzana. Arabako Teknologi Parkean kokatua, Alcor Taldearen barruan dago, eta Bind 4.0 programaren bigarren edizioan aukeratutako startupetako izan da. Azeleragailu horren barruan proiektu bat bultzatzen ari da, fabrikazio gehigarria txertatzeko Maier enpresaren prozesuetan.
Zer egiten du Mizar Additive Manufacturing enpresak?
Mizar enpresa 2014an sortu zen, lau pertsona elkartu ginenean helburu honekin: 3D fabrikazioaren industrializazioan zentratutako enpresa bat sortzea, atzean utziz 3D inprimaketari lotutako prototipatzea, teknologia hori maila industrialera eramateko. Aplikazioak eta zerbitzuak garatzen ditugu sektore aeroespazialerako, osasun arloko industriarako eta balio handiko eremu industrialetarako, hala nola, injekziorako, automoziorako edo galdategietarako.
Eta fabrikazio gehigarriaren munduan, zein da gainerakoengandik bereizten zaituzten balioa?
Gaur egun, fabrikazio gehigarriaren boom bat dago eta enpresa asko daude interesatuta, 4.0 iraultza industrialaren barruko garapen teknologikoetako bat delako. Guk aholku ematen diegu, esaten diegu non aplikatu dezaketen teknologia hori beren merkatu-nitxoa hobetzeko eta non ez duen merezi saiakerarik ere egitea, ez dutelako inolako errendimendurik aterako. Fabrikazio gehigarriaren barruan hainbat teknologia daude, eta guk horietako bost ditugu, portzentaje oso altua alegia. Geure makina-parkea baliatzen dugu bezeroari gomendatzeko zein den bere premiei ongien egokitzen dena.
Bind 4.0 programan parte hartzen ari zarete, eta programa horren barruan baduzue proiektu bat piezak fabrikatzen dituen Maier enpresarekin. Zertan datza proiektu hori?
Maier enpresak balio estetiko handiko plastikozko piezak fabrikatzen ditu eta aholkularitza-prozesu bat garatzen ari gara eurekin. Enpresaren instalazioetara joan ginen ikusteko non aplikatu zitekeen fabrikazio gehigarria hobekuntza-portzentaje handi bat eskuratzeko, hau da, esan genien non komeni den teknologia hori aplikatzea abantailak lortzeko eta non ez. Gure helburua beti da bezeroak –kasu honetan Maier- lehenbizi teknologiari buruz ikas dezala, eta ondoren konponbide eraginkorrak proposatzea bere arazoentzat.
Zein puntutan dago proiektua?
Behin aztertu ondoren zeintzuk diren Maier enpresaren premiak, ikusi genuen zein prozesutan aplika zitekeen fabrikazio gehigarria eta arrakasta-portzentajea neurtu genuen. Zenbait proposamenetan argi ikusi genuen teknologia hori aplikatzeak abantaila handiak ekarriko zituela; beste batzuetan, berriz, ez dakar inolako abantailarik, eta are gehiago, baliteke garestiago izatea kostu- eta eraginkortasun-balantzean. Garrantzitsua da hori guztia ahalik eta azkarren detektatzea, arrakasta-portzentaje handieneko aplikazioetan zentratzeko. Dagoeneko dezente detektatu ditugu, beraz, aplikazio horiek guztiz garatzea izango da hemendik aurrerako helburua.
Mizar enpresa hazkunde-prozesu betean dago, langile berriak hartu dituzue eta kokalekuz aldatu zarete. Zeintzuk dira zuen erronka garrantzitsuenak?
Aurreikuspen handiak ditugu 2018rako. Gure lehen erronka da existitzen ez den eta urratsez urrats sortzen ari garen merkatu batean sartzea. Gaur egun, garapen eta diseinu arloetako lana fabrikazio-prozesu ezagunagoetara bideraturik dago. Ahalegintzen gara jendeari ikusarazten fabrikazio gehigarriak hainbat aukera dituela sektore desberdinetan, enpresak konponbide bila hastean ohartu daitezen fabrikazio gehigarria beste fabrikazio prozesu bat dela. Dena ezin da fabrikatu 3D teknologiarekin, baina esan liteke dagoeneko joko-zelaian dagoela. Erronkatzat daukagu industriari eta, batez ere, guretzat espezializazio-gune diren sektoreei (medikuntza, aeronautika eta balio handiko enpresa industrialak) erakustea zer den fabrikazio gehigarria eta nolako aukerak dakartzan, eta orobat ulertaraztea teknologia serioa dela, gai dena eskakizun handiko merkatu desberdinei konponbideak eskaintzeko.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.