Ekonomia sozialak tokiko garapenean duen potentziala erakutsi du GSEFek Bilbon
Ekonomia Sozialaren Foro Globala lehenengoz egin da Europan, eta 84 herrialdetako 1.700 eragile eta agintari bildu ditu urriaren 1etik 3ra bitartean.
Global Social Economy Forum (GSEF) Bilbon egin da aurten, aurreko edizioak Montrealen eta Seulen egin ostean. Ekonomia sozialaren nazioarteko foro handiena ardatz honen inguruan egituratu da: ekonomia soziala hiri eta lurraldeen garapen sostengarria bultzatzeko motor gisa. 84 herrialdetako 1.700tik gora lagun (alkateak, erakunde publikoetako ordezkariak eta ekonomia sozialeko eta hirugarren sektoreko eragileak) elkartu dira, hiru egunez eztabaidatzeko ekonomia sozialaren etorkizunari eta administrazio publikoek garapen sostengarriranzko bidean duten paperari buruz.
Topaketan gai oso desberdinei buruzko ehundik gora hitzaldi, mahai-inguru eta tailer egin dira, besteak beste, lanaren eta enpleguaren etorkizuna, politika publikoen ko-sorkuntza, lurraldearen eraldaketa eta ekonomia sozialaren hazkunderako gakoak. Egitarau zabal horren barruan hainbat euskal enpresa eta erakundek parte hartu dute, argi utziz ekonomia sozialeko ekimenek gero eta garrantzi handiagoa dutela Euskadin.
Mondragon Korporazioak enpresa sozialaren esparruan eta kooperatibismoarekin lotutako baloreen munduan duen esperientzia zabala azaldu du. Prestakuntzaren eta laneratzearen esparrutik hauexek parte hartu dute: ibilbide luzea egina duten Lantegi Batuak eta Gureak erakundeek, zeintzuek laguntza ematen baitie ezgaitasuna duten pertsonei; Peñascal hezkuntza erakundeak; eta arreta sozio-sanitarioko zerbitzuak eskaintzen dituen Grupo SSI kooperatibak. Ingurumenaren arlotik esku hartu du Goiener-ek, energia berriztagarriaren sorkuntza eta kontsumorako kooperatibak. Ekintzailetzaren sustapen eta babesaren arloan parte hartu dute KoopFabrika programak, Tazebaez berrikuntza prozesuen aholkularitzak eta erakundeen balio sozialaren kuantifikazio metodologietan espezializatutako Geaccounting aholkularitzak.
Foroa amaitutakoan aurkeztu den Bilboko Adierazpenak dioenez, sektore honetako enpresa eta antolakundeek erakutsi dute bideragarriak eta eraginkorrak direla eta balio soziala eta irabazi ekonomikoak sor ditzaketela: “lehiakorrak dira beren jarduerak inpaktu soziala duelako eta, gainera, irabazi ekonomikoak berrinbertitzen dituzte beren komunitatean”. Erakunde horiek orobat erakutsi dute badutela gaitasuna erronka sozioekonomiko handiei erantzun berriak emateko. Horregatik, eta Adierazpenak nabarmentzen duen bezala, “Nazio Batuetan, gobernuetan eta gizarte zibileko kideen artean gero eta organismo gehiagok aitortzen dute Ekonomia Sozial eta Solidarioaren ekarpena gizarte sostengarriago, inklusiboago eta erresilienteagoa eraikitzeko prozesuan, horixe delarik Garapen Sostengarriko Helburuak lortzeko oinarria”.
Ekonomia Sozialeko Foro Globala nazioarteko sare bat da, ekonomia sozialaren garapenarekin konprometitutako administrazioak, enpresak eta eragileak biltzen dituena. Bilboko Udalak antolatu du (maila lokalean) topaketa hori beste hainbat erakunderekin batera: Eusko Jaurlaritza, Bizkaiko Foru Aldundia, Arrasateko Udala, EUDEL, KonfeKoop, REAS Euskadi, EHLABE, Sareen Sarea, ASLE eta Gizatea.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.