Lean Stock: “Balorea sortzen dugu zuk errazago izateko”
Sektorean duten esperientziari esker, enpresek makinaria salerosteko beharra dutela aurreikusi zuten eta zerbitzu gehigarriak eskaintzeko aukera ikusi zuten: “Alde batetik, enpresa saltzaileek stock gehiegi dute metaturik; ondorioz, metatzeko leku gutxiago dute, aukerarako kostu altuaz. Bestetik, enpresa erosleek zailtasunak dituzte euren beharrizanetara hobekien moldatzen den makinaria topatzeko”.
Iker Garcia -CEO-, Gorka Ariznabarreta -CTO- eta Iñaki Osak -CDO- Leanstocks.com sortu zuten enpresen arazo hauei konponbidea emateko eta plataforma berria kaleratu dute.
Lean Stock-ek ‘Marketplace industrial’ baliagarria eskaintzen du. Zeintzuk dira zuen negozioaren ardatzak?
Gaur egun lau ardatz ditu gure negozioak:
- Makinaria: txirbil-harroketa, mozketa eta deformazioa, kontrola eta neurketa, besteak beste.
- Zerbitzuak: mantenua konponketetan eta prebentziozkoa, garraioa eta prestakuntza, retrofitting.
- 4.0 industria.
- Formakuntza.
Alabaina, pandemia iritsi zen. Egoera latzek honelako aukerak sortzea errazten dute…
Koronabirusak proiektuaren hatsarrean harrapatu gintuen. Une zaila izan zen enpresentzat, baina arazoa beharrean, aukera antzeman genuen.
Makinariaren salerosketaren merkatua betidanikoa da. Aldaketa askoko garaia bizi dugu eta transformazio digitala funtsezkoa da. Makinen eta lanabesen sektoreak ezin du aukera hau galdu.
Lean Stocks ektoreko enpresei laguntzen ari da, prozesu honetan epe luzeko harremanak izanik.
Industriaren esparruan, zeintzuk dira zuen bezero nagusiak?
– Salerosketan diharduten enpresak
– Ekoizleak
– Makinariaren hornitzaileak
– Zerbitzu teknikoetako enpresak
– Edozein motako arrazoi operazionalak direla eta, makinaria kendu nahi duten ekoizpen-enpresak
– 4.0 industriako enpresak
– Formakuntza zentroak
Bezeroak hainbat sektorekoak dira:
– Mekanizatua
– Dekoletajea
– Metalen transformazio mekanikoa
Gehienbat automozioa, aeronautika eta energiara zuzenduak, baita FP zentroetara ere.
Hitz egiguzue plataforma digital honen bidez industria-enpresei eskaintzen dizkiezuen abantailez.
Makinen, lanabesen eta metalaren sektorearen inguruan ekosistema bat sortzen ari gara, inplikaturiko agente guztiak barne hartzen duena.
Lean Stoacks-ek enpresak ikusarazten ditu bezero potentzial gehiagorengana iristeko. Haien ekintza-esparrua zabaltzen dugu, besteak beste, marketing digitaleko estrategia anitzen bidez.
Izena ematen duten konpainiek panel pribatua dute euren produktu nahiz zerbitzuak publikatzeko. Anuntzioak kudea ditzakete negoziazio guztien jarraigoa egiteko (elkarrizketak, bisiten kopurua, eta abar). Gainera, plataforman bertan anuntzioa nabarmentzeko aukera dute, sare-sozialetan ditugun argitalpenek anuntzioen bisitak areagotzen baitituzte.
Makinarian edota zerbitzu gehigarrietan interesatutako enpresek aukera-sorta zabala dute euren beharrizanetara hobekien egokitzen dena konparatu, baloratu eta aukeratzeko, modu errazean eta leku bakar batean.
Honez gain, barneko txataren bidez, enpresek harremanak izan ditzakete modu arin eta efikazean.
Lean Stoack-en bereizgarrietako bat makina zaharrak berreraikitzeko aukera da, hauen funtzionamendua 4.0 industria bezalako beharrizan berrietara egokituz.
‘Retrofittin’-a makinen berreraiketa da eta hazkunde esponentziala du. Makinaria zaharrari funtzionaltasun teknologiko berriak gehitzeko helburua du: errendimendu, ekoizpen eta efizientzia hobea inbertsio kontrolatu baten bidez.
Jakina, 4.0 industriarako ere erabilgarria denez, enpresak honelako operazioak egitera bultzatzen ditu.
Hala, makinei bigarren bizitza ematea lortzen dugu; hargatik, ekonomia zirkularra bultzatzen dugu. Enpresa jasangarriak dituen orainaldi eta etorkizunean sinesten dugu.
Hainbat entitate eta erakunderen laguntza jaso duzue ekimena aurrera eramateko.
BIC Gipuzkoari esker, Txekintek-Ekintzaile programaren parte gara. Programa hau Garapenerako Euskal Agntziak -SPRI-, Gipuzkoako Foru Aldundiak eta Europako Fondo Sozialak sustatu dute.
Ekarpen ekonomikoaz gain, programa osoan zehar lagunduak eta proiektuaren garapenean aholkatuak sentitzen gara. Eskaini diguten aukera eskertu nahi diegu.
Amaitzeko, esan behar dugu Lean Stocks-ek 2. saria jaso zuela Ekingunek antolatutako ‘On Ekin’ ideia berritzaileen txapelketan.
info+: www.leanstocks.com
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.