Kudea Go!: “Landa eremuko garraioen eredua aldatu egin behar da”
Bereziki landa eremuetarako diseinatutako plataforma hau Labean-ek antolatutako Ekintzailetza eta Berrikuntza Sozialeko txapelketaren irabazleetako bat da. Labean programa Eusko Jaurlaritzak eta Hazik sustatu dute Enkarterri, Arabako Mendialdea eta Añana eskualdeei bultzada emateko.
Patxi Miranda Kudea Servicios-eko CEO da. Enpresa hau berrikuntza sozialean ari da, landa eremua garatzeko konponbide berriak lortzeko helburuaz. Konponbide hauetako lehena Kudea Go! da, elkarlanaren bidezko mugikortasuna sustatzeko aplikazioa, pertsonek kotxean egin ohi dituzten ibilbideak partekatzea errazten duena.
Nola bururatu zitzaizuen Kudea Go sortzea?
Beharrizan hutsetik sortu zen. Nafarroako Basaburua Bailarako herri batean bizi naiz. Landa eremuan kotxea nahitaez erabili behar denez, 2014an lagunok ‘WhatsApp’ talde bat sortu genuen geure ibilbideak partekatzeko. Administraria neu naiz, eta 6 urte hauetan lortutakoari buruzko hainbat kalkulu egin ditut: kotxean eginiko 3.200 bidaia baino gehiago partekatu dira eta 14.700 CO2 kg baino gehiago emititzeari utzi diogu. Bidaia laburrak dira, ondoko herrirainokoak, eta 60 pertsonako taldea gara, egiazki 20 bat garen arren mugitzeko era honetara moldatu garenak.
Hortaz, ideia hori aplikazio batera eramatea erabaki zenuen…
Bai, WhatsApp taldea pribatua baita. Norbaitek sartzeko asmoa bazuen, bere telefono-zenbakia esan behar zidan, eta guztiek ez zuten ezagutzen… Klimarekiko kezka gero eta handiagoa denez, eta erakundeek ekintza konkretuak bultzatzeko asmoa zutela ikusirik, 2019an ideia aplikazio bihurtzea erabaki nuen.
Nola funtzionatzen du?
Landa eremurako sortutako aplikazioa da, biztanle kopuru txikientzako eta ibilbide ez oso luzeetarako. Aplikazioak eskakizunak jasotzen ditu; hau da, ibilbide bat egin behar baduzu eta norbaitek zu eramatea behar baduzu, aplikazioa duenak zure eskakizuna jasoko du, eta hortik pasatzen ari bada edo pasatuko bada, eraman zaitzakeela adieraz diezazuke.
Aplikazioak eskualdekako filtrazioak egiteko aukera ematen duenez, zeuk aukeratutako eskualdeetako abisuak baizik ez zaizkizu agertzen. Gainera, audio bidez komunikatzeko aukera dakar, errepideren batean ezbeharren bat izanez gero, hortik ez pasatzeko abisatzeko. Esan bezala, landa eremurako sortua da, 3.000 edota 5.000 biztanle inguruko eskualdeetarako. Hirigune handi batean, sistema hau zoratzekoa litzateke, baina landa guneetan erabilgarria da.
Landa eremuetarako ‘blablacar’ edo antzeko zerbait da?
Ez zehatz-mehatz, elkarlaneko erreminta baita. Bertako autoritateei eskaintzen diegu, haiek auzokoen artean doako zerbitzu publiko gisa zabal dezaten. Gainera, ez dago erabiltzaileen arteko diru-trukaketarik. Populazioaren mugikortasuna errazteko helburua baizik ez du.
‘Kudea Go’ Labean Sarietako berrikuntza sozialeko proiektuen sarituetako bat da. Zer suposatu du honek zuentzat?
Azken hiru hilabeteetan proiektua garatzeko mentorizazioa egin dugu, eta azkenean, aurkezpen bat egin dugu ‘Añanako Kuadrillan’. Ordurako aplikazioa nahiko aurreratuta egon arren, negozio-eredua hobetzeko eta gure bezero eta erabiltzeak nortzuk diren jakiteko balio izan digu. Azken batean, proiektua frogatzea da, ondo eratuta dagoen ala landu beharreko gabeziak dituen jakiteko. Hortaz, oso ondo etorri zaigu.
Kudea Go bezalako proiektu batek nola lagun dezake landa eremua bultzatzen?
Landa eremuan mugikortasuna ez da ia aldatu azken 100 urteetan. Nafarroa eta Arabako landa gune askotan 20, 50 edo 200 biztanle baizik ez dituzten herrixkak daude, eta garraiorako eredua berbera da guztietan; hiri batetik atera, bide nagusietatik abiatu eta helmugara heldu. Kudea eskala oso txikian konektatzeko aplikazioa da, auzokoen arteko mugikortasun-sareak sortzen dituena, eta mugikortasun honek garapen ekonomikoa dakar berekin. Etorkizunera begira, zerbitzuak gehitzea pentsatu dugu, jendea kontaktuan jartzeko plataforma delako. Pentsatzen ari gara nola egin, baina momentuz ezin dugu gehiago esan…!
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.