371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte
Euskadi da nanoteknologia eta bioteknologia arloetan Horizontea 2020 programaren dirulaguntza handiena lortu duen erkidegoa
371 euskal erakundek eskuratu dituzte Europako berrikuntza funtsaren (Horizontea 2020) ia 700 milioi euroko dirulaguntzak. Gainera, Euskadi izan da nanoteknologien, materialen, bioteknologiaren eta ekoizpenaren (NMBP) sektoreetan dirulaguntza bolumen handiena eskuratu duen Espainiako erkidegoa, eta horrek argi erakusten du Euskadik berrikuntzan eginiko ahalegina.
Horrez gain, Euskadi hirugarren postuan dago -Katalunia eta Madrilen atzetik-, Zientzia eta Berrikuntza Ministerioak argitaratutako behin-behineko emaitzen arabera, zeintzuen bidez neurtzen baita Espainiak 2014-2019 urteetan Europar Batasunaren I+G+B Programa Markoan izandako parte-hartzea.
Programa ixteko 2020ko datuak txertatzea bakarrik falta den honetan, orain arte eskuratutako emaitzek (2014 – 2019) diote Espainia dela dirulaguntza bolumen handiena jaso duen laugarren herrialdea, Alemaniaren, Erresuma Batuaren eta Frantziaren atzetik, eta VII. Programa Markoaren kotak gainditu dituela, bai zenbateko osoari dagokionez, eta bai posizioari eta itzulerari dagokionez.
Espainiako dirulaguntzaren lurralde mailako banaketari dagokionez, EAE hirugarren postuan kokatu da (% 14,5) Kataluniaren (% 28,3) eta Madrilen (% 25,6) atzetik. Euskadi lehen postuan dago nanoteknologien, materialen, bioteknologiaren eta ekoizpenaren (NMBP) sektoreetako itzuleraren adierazlean; aldiz, bigarren postuan gelditu da Energia seguru, garbi eta eraginkorraren (ENE) eta garraio adimendun, ekologiko eta integratuaren (TRS) adierazlean.
Momentuz, 371 euskal erakundek (294 enpresa, horietatik % 78a ETEak) parte hartu dute Europako programa horretako I+G+B-ko 1.091 jardueratan, eta 689,9 milioi euroko itzulera lortu dute. Emaitzak bikainak dira, kontuan izanik oso programa lehiakorra dela eta oso arrakasta-tasa txikia duela.
Era berean, aipagarria da Tecnalia Research and Innovation Fundazioak nazio mailako bigarren postua lortu duela, I+G+B-ko 276 jardueratan parte hartu duelako, horietatik 55etan koordinatzaile gisa. Hain zuzen, bera da proiektu gehien lideratu dituen erakundea.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz