Inplantalariak zerbitzuaren soluzioen Katalogo berriak euskal mikroETEen Eraldaketa Digitala indartuko du
320 soluzio teknologiko, autonomoei eta mikroETEei 4.0 industriaren ingurunean sartzen laguntzeko
SPRI Enpresen Garapenerako Euskal Agentziak, Inplantalariak-Aholkularitza teknologikoa deritzon zerbitzuaren bitartez, euskal mikroenpresaren eskura jarri du 320 soluzio teknologiko baino gehiago biltzen dituen programaren Katalogoaren bertsio berri bat, euskal autonomo eta mikroenpresen kolektiboaren eraldaketa digitala bultzatzeko.
Katalogoan bildutako soluzio berriek hainbat enpresa-esparru digitalizatzen lagun dezaketen gaiak dituzte ardatz. Esparru horien artean daude zibersegurtasuna eta eginkizunen automatizazioa, kudeaketa, bezeroekiko harremanak, zerbitzu bereizgarria ematea eta bezeroen fidelizazioa, besteak beste. Berritasun bezala, bertsio berriak 4.0 Industriaren arloei buruzko praktikak eta tresnak bildu ditu, euskal enpresa-sarearen segmentu honi industria adimendunaren aukerak hurbiltzeko asmoz.
Inplantalariak programa
Inplantalariak programa Eusko Jaurlaritzak euskal mikroETEen eraldaketa digitala modu ordenatuan eta euskal industria-politikarekin lerrokatuta sustatzeko abian dituen tresnetako bat da, betiere industria-sare adimenduna eta 4.0 industria eraikitzeko asmoz.
Programa honen bitartez, Sprik aholkulari teknologikoa eskaintzen dio mikroenpresari, doan eta modu pertsonalizatuan, digitalizazioari ekiteko egokienak diren soluzioak (gehienak, doakoak) identifikatzen eta inplementatzen laguntzeko.
Inplantalariak 2011n sortu zen, eta harez geroztik, 6.500 enpresa atxiki zaizkio programari. Kolektibo honen eskari teknologikoaren bilakaerak jauzi kualitatibo nabarmena eman du. Hartara, hasieran, hauexek ziren gehien eskatzen ziren alderdiak: irudia hobetzea, IKTen beldurra kentzea eta negozioa modernizatzea. Egun, ordea, mikroETEek zeregin hauetan dihardute: barne eragiketa eta kudeaketaren eraldaketa digitala, datuen segurtasuna eta baliabideena (zibersegurtasuna) gehitzea, eta bezeroak erakarri eta fidelizatzeko lana hobetzea, egungo bezeroei nahiz salmenta-kanal berrietako presentzia handituz lor daitezkeei zerbitzu bereizgarria eskaintzeaz gain
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.