ESA BIC Euskadi programak, besteak beste, alderdi hauek biltzen ditu:

• 60.000 €-ra arteko laguntza ekonomikoa, espazioaren arloko proiektu berritzaileen garapenarekin eta produkzioarekin zuzenean lotutako jardueretarako, teknologia, produktu eta zerbitzu berriak sortzen laguntzeko.
• Enpresa-garapenerako zerbitzu aurreratuak: besteak beste, 50 ordura arteko coaching enpresariala eta jabetza intelektualari eta alderdi juridikoei (IPR/legal) buruzko 10 ordura arteko aholkularitza espezializatua.
• Laguntza tekniko espezializatua, sektoreko bazkide estrategikoekin elkarlanean eskainitakoa: 20 ordura arteko laguntza teknikoa probak egiteko eta teknologiak baliozkotzeko.
• Aurrez ikusitako azpiegituretako inkubazio-gune eta -instalazioetara sarbidea, lehentasunezko baldintzatan, gehienez ere bi urtez.
• Finantzaketa bilatzeko laguntza, finantza-tresnetarako, inbertsio-sareetarako, arrisku-kapitalerako eta beste laguntza publiko zein pribatu batzuetarako sarbidea erraztuz.

Ekitaldi esklusiboetan eta networkingeko jardueretan parte hartzeko aukera, sektoreko bazkide estrategikoekin konektatuta.

• ESA BIC Euskadiren webgune ofiziala kontsulta dezakezu.
• Edo programaren talde kudeatzailearekin harremanetan jarri
• Edo ekintzailetzako ekitaldietara edo informazio-jardunaldietara joan.

Sartzeko ezinbesteko baldintza gisa, ez dago heldutasun teknologikoko (TRL) mailarik ezarrita. Hala ere, ebaluazio-prozesuan proiektu bakoitzaren bideragarritasun teknikoa banaka aztertzen da.

Programaren helburua startupen garapena sustatzea denez, erreferentzia gisa espero da proiektuek inkubazio-aldia amaitzean TRL 6ko heldutasun maila edo handiagoa lortzea.

Horrenbestez, TRL 3 inguruko edo hortik gorako abiapuntua egokitzat jotzen da, gehienez bi urteko inkubazio-aldian proiektua behar bezala garatu ahal izateko.

• ESA markaren aitortza.
• Nazioarteko bazkide eta bezeroetara sarbidea.
• Espazioko beste startup batzuekin egindako networkinga.

Proiektuak espazioaren arloarekin lotura argia eta sendoa duela frogatu behar du.

Espazio-sektorearen balio-kate osoa hartzen duten proiektuak babesten dira, besteak beste:

• Upstream: espazioko teknologien garapena (hardware, software, sistemak).
• Midstream: bitarteko teknologiak eta azpiegiturak, hala nola espazio-datuen prozesamendua, biltegiratzea eta kudeaketa.
• Downstream: espazio-datuetan edo espazio-azpiegituretan oinarritutako aplikazioak eta zerbitzuak (Copernicus, Galileo, satelite bidezko komunikazioak eta abar).

Gainera, kontuan hartuko dira ekimen hauek:

• Spin-in: beste sektore batzuetatik datozen teknologiak edo soluzioak espazioko esparrura transferitzea.
• Spin-out: teknologia espazialak espaziokoak ez diren sektoreetan aplikatzea.

Oro har, merkatu-potentziala duten proiektu berritzaileak bilatzen dira, espazioko teknologien eta datuen balioa baliatzen dutenak.

Inkubazio-aldia amaitutakoan:

• Startupa ESA BICko alumni sareko kide bihurtuko da.
• Networking aukerak izaten jarraitu ahal izango du.
• Hazkunde- eta eskalatze-programa berrietan parte hartu ahal izango du.

Honako hauek dute aurkezteko aukera:

• Startup bat eratzeko prozesuan dauden ekintzaileak.
• Startup sortu berriak (5 urte baino gutxiago dituztenak)

Beharrezkoa da proiektuak espazioarekin lotura izatea edo espaziorako garatutako teknologiak erabiltzea.

Eskatzaileek deialdiaren dokumentazio ofizialean jasotako jarraibideak bete behar dituzte proposamena prestatu eta aurkezteko.

Oro har, honako hauek jasotzen ditu eskaerak:

1. Aurkezpen-gutuna (Cover Letter)
2. Inkubazio-proposamena
3. Negozio-plana
4. Espazioko esparruarekiko duen loturaren justifikazioa (Space Connection Assessment)

Hautagaitza behar bezala aurkeztu ahal izateko, beharrezkoa da dokumentuak deialdian jasotako formatu eta txantiloi ofizialek ezarritakoaren arabera betetzea (Open Call Documents). Txantiloi horietan edukiari eta jarraitu beharreko metodologiari buruzko orientabideak jasotzen dira.

Cover Letter

Incubation Proposal

Space Connection Assessment

Ezarritako baldintza formal guztiak betetzen dituzten hautagaitzak baino ez dira ebaluatuko. Hautagaitza behar bezala prestatu ahal izateko, deialdiaren dokumentazio ofiziala eta programaren oinarriak arretaz irakurtzea gomendatzen da.

Programaren helburua da espazio-teknologiaren transferentzia enpresa-sarean zehar sustatzea eta enpresa berritzaile berrien garapena bultzatzea, finantzaketa, laguntza teknikoa eta enpresa-aholkularitza eskainiz.

Eskaeren ebaluazioak ESA BIC programen eskema komuna jarraitzen du, eta ESA BIC Euskadik kudeatzen du.

Eskaerak aurkezteko epea amaitutakoan, TOBk (Tender Opening Board) eskaeren alderdi formalen lehen berrikusketa egiten du. Akats edo gabezia txikiak antzemanez gero, epe jakin batean zuzentzeko eskatu ahal izango da.

Eskaerak baldintza formalak betetzen ez baditu, eskatzaileari jakinaraziko zaio.

Fase hori gainditzen duten proposamenak TEB (Tender Evaluation Board) batzordeak ebaluatzen ditu, eta hautagaiek beren proiektua aurkeztu behar dute haren aurrean. Fase horretan aurkeztutako dokumentazioa, ahozko aurkezpena eta emandako azalpenak baloratzen dira.

Hautagaitza guztiek jasotzen dute ebaluazioaren emaitzaren berri. Hautatutako proposamenek, ondoren, negoziazio- eta formalizazio-prozesua hasten dute.

Prozeduraren xehetasun guztiak ezagutzeko, deialdiaren dokumentazio ofiziala eta programaren oinarriak arretaz irakurtzea gomendatzen da.

ESA Business Incubation Centres (ESA BIC) delakoek Europako inkubagailuen sare handiena osatzen dute, eta espazioarekin lotutako startupak babesteaz arduratzen dira.

Haien helburua da espazioko teknologietan oinarritutako negozio-ideiak dituzten ekintzaileei laguntzea, produktuak garatzen eta enpresak merkatura eramaten lagunduz. Gainera, Europa osoan zehar startup espazialen ekosistemak sortzen eta kontsolidatzen laguntzen dute.

ESA BIC bakoitza tokiko eragileek kudeatzen dute, programa enpresa-sarearekin, unibertsitateekin, ikerkuntza-zentroekin, administrazio publikoekin eta inbertitzaileekin konektatuz. Zentro bakoitza bere eskualdeko ekosisteman txertatuta dagoen arren, guztiak elkarren artean konektatutako Europako sarearen parte dira.

Sareak aukera bikainak eskaintzen dizkie startupei nazioartean bazkide eta bezero berriekin harremanak ezartzeko.

ESA BICek honako ezaugarri hauek betetzen dituzten ekintzaileak bilatzen dituzte:

• Espazio-sistemetan (satelite bidezko nabigazioa, Lurraren behaketa edo komunikazioak) oinarritutako aplikazioak garatzen dituztenak.
• Espaziokoak ez diren sektoreetan, teknologia espazialak aplikatzen dituztenak.
• Espazioko sektorerako zerbitzu edo produktu berritzaileak sortzen dituztenak.

Ebaluazio-prozesuak bi organo biltzen ditu:

• TOB (Tender Opening Board): eskabideek deialdian ezarritako baldintza formalak betetzen dituztela egiaztatzen du.
• TEB (Tender Evaluation Board): hautagaitzak ebaluatzeaz arduratzen den batzordea da. SPRIko, ESAko eta Espainiako Espazioko Agentziako ordezkariek, eta sektoreko adituek osatzen dute.

Prozesuaren barruan, eskatzaileek beren proiektua TEBren aurrean aurkeztu beharko dute. Horrek proposamena sakonago azaltzeko eta galdera-erantzunen saio batean sor daitezkeen zalantzak argitzeko aukera ematen du.

Ebaluazioa amaitutakoan, emaitzak gutxi gorabehera aste batzuen buruan jakinarazten dira. Prozesuan aurrera egin ahal izateko, hautagaitzek gutxieneko puntuazioa lortu beharko dute bai ebaluazio orokorrean bai irizpide bakoitzean.

ESA BIC Euskadi Europako Espazio Agentziaren (ESA) startupak inkubatzeko programa da Euskadin. Programa SPRI – Enpresa Garapenerako Euskal Agentziak sustatzen du, BICekin eta Euskadiko ekintzailetza- eta berrikuntza-ekosistemako beste eragile batzuekin elkarlanean, modu koordinatuan, espazioaren arloan teknologia eta soluzio berritzaileak erabiltzen edo garatzen dituzten startupen sorrera eta hazkundea bultzatzeko.

Hautagaitzak dagokion TEB batzordeak ebaluatzen ditu. Batzordeak 0 eta 100 puntu arteko balorazioa egiten du, irizpide hauen arabera:

• Alderdi formalak (irizpide baztertzailea).
• Aurrekariak eta esperientzia (gehienez 25 puntu).
• Teknologia/zerbitzua (gehienez 20 puntu).
• Negozio-proposamena eta merkatua (gehienez 20 puntu).
• Negozio-eredua eta arriskua (gehienez 15 puntu)
• Jarduera-proposamena (gehienez 20 puntu).

Gomendatzen da deialdiaren dokumentazio ofizial guztia eta programaren oinarriak arretaz irakurtzea, hautagaitza behar bezala prestatzeko.

Oinarri arautzaileak

Cover Letter

Incubation Proposal

Space Connection Assessment

Hainbat fase ditu hautaketa-prozesuak:

1. Aurretiazko aholkularitza (gomendatua). Eskaera aurkeztu aurretik, BICekin harremanetan jartzea gomendatzen da orientazioa jasotzeko, zalantzak argitzeko eta proposamenaren kalitatea hobetzeko.
2. Eskaera aurkeztea
3. Alderdi formalen ebaluazioa Negozioaren ebaluazioa eta ebaluazio teknikoa
4. Ebaluazio-batzordearen aurrean aurkeztea
5. Amaierako hautaketa

Deialdia urtean behin zabaltzen da. Irekiera-datak eta eskaerak aurkezteko data zehatzak ezagutzeko, webgunea aldizka kontsultatzea gomendatzen da.

Bai. Hautagarria izateko, startupak Euskadin ezarrita egon behar du edo, gutxienez, eskaera aurkezteko unean lurraldean benetako presentzia izan.

Gainera, inkubazio-aldian zehar bere jarduera Euskadin mantendu beharko du.

Inkubazio-aldiak 12 eta 24 hilabete arteko iraupena du. Denbora horretan startupak laguntza jarraitua jasotzen du, bai alderdi teknikotik bai enpresarialetik.

Inkubazio-aldian proiektuarekiko dedikazio handia izatea espero da, haren garapena eta hazkundea bermatzeko.