Euskal enpresaren blog-a Zure enpresarentzat garrantzitsua den eguneroko informazioa

23 maiatza, 2019
Industrialdeetan energia eraginkortasuneko eta garapen sostengarriko proiektuak ezartzeko S-Parcs proiektu europarraren hirugarren topaketa

Jardunaldi honetan sakonago landu dituzte industrialde eta industria-guneetako energia kostuak eta kontsumoa murrizteko alderdi teknikoak, jardunbide berritzaileak eta proiektuak. Orobat aztertu dute nola handitu produkzioa energia berriztagarrien bidez. Hau da, lankidetzako eredu eta aukera berriak aztertu eta proposatu dituzte enpresa-guneetako energia baliabideak hobeto kudeatzeko.
Ponente en jornada del proyecto europeo S-Parcs

Europar Batasuneko Horizontea 2020 programan integratutako S-Parcs proiektu europarraren jardunaldi tekniko bat ostatatu du Zeanuriko Zulaibar Lanbide Heziketako ikastetxeak.

Sprilur-ek Arratiako Industrialdeari eta Bizkaia Sortaldeko Industrialdeari emandako bultzadaren ondoren, Artea eta Gizaburuagako 68 enpresak parte hartzen dute S-Parcs proiektuan, Tecnalia eta AFV-rekin (Euskadi eta Nafarroako Galdatzaileen Elkartea) eta Portugal, Italia, Turkia eta Austriako bost enpresa-parkerekin batera.

 

Sprilur-ek (Arratiako Industrialdea eta Bizkaia Sortaldeko Industrialdea), Tecnaliak eta AFVk (Euskadi eta Nafarroako Galdatzaileen Elkartea) industrialdeetako energia eraginkortasunari eta garapen sostengarriari buruzko hirugarren topaketa egin dute Zeanuriko Zulaibar Lanbide Heziketako ikastetxean, S-Parcs proiektu europarraren markoan. Proiektu horrek bere baitan biltzen ditu Artea eta Gizaburuagako 68 enpresa, Europako sei herrialdetako bazkideak eta Portugal, Italia, Turkia eta Austriako bost enpresa-parke.

 

Topaketa horiek S-Parcs proiektuko jardueren barruan kokatzen dira, eta partzuergoko bazkide europar guztiak lanean aritu dira bi egunez Zamudioko Teknologi Parkean, horrela jarraipena emateko 2018an Pisan (Italia) eta Linzen (Austria) eginiko jarduerei.

 

Jardunaldi honetan sakonago landu dituzte industrialde eta industria-guneetako energia kostuak eta kontsumoa murrizteko alderdi teknikoak, jardunbide berritzaileak eta proiektuak. Orobat aztertu dute nola handitu produkzioa energia berriztagarrien bidez. Hau da, lankidetzako eredu eta aukera berriak aztertu eta proposatu dituzte enpresa-guneetako energia baliabideak hobeto kudeatzeko.

 

Sprilur-i dagokionez, Aurkene Niñok (Proiektuetako eta Garapen Sostengarriko arduradun teknikoa) parte hartu du jardunaldian eta industrialdeetan aplikatzen diren Energia Eraginkortasuneko eta Garapen Sostengarriko praktikak eta esperientziak aurkeztu ditu. EEEren izenean, Luis de Velascok ardatz hartu ditu poligonoetan eta industria sektorean Energia Eraginkortasuna lortzeko eta Energia Berriztagarriak ezartzeko dauden laguntzak. Bestalde, energia berriztagarrien analisi eta proiektuetako enpresa adituetako ordezkariek (Barrizar eta Goiener) hizpide hartu dituzte hainbat giltzarri, kontuan hartu behar direnak industria-guneetan energia eraginkortasunari eta energia berriztagarriei buruzko proiektuak planeatu eta garatzerako orduan.

 

“S-PARCS” proiektu europarra (“Envisioning and Testing New Models of Sustainable Energy Cooperation and Services in Industrial Parks”) Europar Batasunaren Horizontea 2020 programan integratuta dago (785134 diru-laguntza hitzarmenaren bidez) eta helburutzat dauka Enpresa arteko Lankidetza Energetikorako Plan bat definitzea 3 urtean, plan horren bidez eta tresna teknologiko berritzaileak erabiliz posible izan dadin energia eraginkortasuneko eta kostuak murrizteko neurriak aplikatzea enpresa-guneetan.

 

Aurreikusita dauden ekintzen artean aipatzekoak dira argiztapen teknika adimendunak, energia berriztagarrien pisua handitzea enpresetan eta enpresa-guneetan eta eraikinetako hondar-energia eta isolamendu termikoa aprobetxatzea, besteak beste. S-Parcs ekimena amaitzean espero da %10etik gorako hobekuntzak lortuko direla energia eraginkortasunean. Hala, azken erronka izango da ekimen hori martxan jartzea Sprilur-ek eta Industrialdeak Sozietateek kudeatzen dituzten gainerako industria-gune eta industrialdeetan.

Azpiegiturak 4 uztaila, 2021
VCG Decoletajeren ekoizpenaren digitalizazioa aurrera pausu bat da lehiakortasunean

VCG Decoletaje digitalizazio prozesu batean ari da. Prozesu honi esker bere ekoizpenak aurrerapen...Leer más

Azpiegiturak 2 uztaila, 2021
Arteman, finalista Espainiako CEX sariketan landa-sektorerako eCommerce plataforma batekin

  Arteman Komunikazioak , Deba Bailarako Industrialdea, S.A.k (Sprilur-ek, Gipuzkoako Foru...Leer más

jornada dual EHU UPV
Azpiegiturak 1 uztaila, 2021
Ekonomia eta Enpresa Fakultateko programa dualaren hirugarren edizioaren itxiera, Donostian

Euskal Herriko Unibertsitateko Ekonomia eta Enpresa Fakultateko Unibertsitatearen eta...Leer más

Azpiegiturak 29 ekaina, 2021
Euskadiko Parke Teknologikoen Sareak lehen seihilekoan parkeetan ezarri diren sei erakunde berri aurkeztu ditu Parke Foroan

Euskadiko Parke Teknologikoen Sareak lehen seihilekoan parkeetan ezarri diren sei erakunde berri...Leer más

Azpiegiturak 22 ekaina, 2021
Garatea Altzariak: “Mugikortasun-murrizketen ondoren, etxea zaintzearen garrantzia baloratzen ikasi dugu”

Garatea Altzariak enpresak 18 urte daramatza Gizaburuagako Okamika Industrialdean. Bizkaia...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?