Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Uholde-arriskuari eustea dute lanek helburu eta zazpi hilabeteko epean egingo dituzte, 1,30 milioi euroko inbertsioarekin
Sprilurrek aurrera jarraitzen du Zumaiako Oikia industrialdea berroneratzen (2022an hasi zituen lan horiek). Fase berri honetan, Eusko Jaurlaritzaren baitako sozietateak, Spri Taldearen barruan dagoenak, 52.800 metro koadroko beste eremu bat egokitzeko lanak hasi berri ditu. Jarduera honen helburu nagusia gaur egun duen uholde-arriskua saihestea izango da.
Lan horien baitan, Sprilurren jabetzako zazpi industria-lursailetako batean, 47.400 metro koadrokoan, betelana egingo dute. Hasteko, zabalgunea prestatuko dute, gero betelana egin ahal izateko. Horretarako, lehendik dagoen oinarri-zolata eraitsi beharko da, eta horrek lur eta hondakin asko pilatzea eta kudeatzea eragingo du. Jarraian, ateratako materiala balioztatu eta berrerabili egingo da, aurreikusitako obra betetzeko eta ondoren egokitzeko. Hala ere, lursailaren tamaina kontuan hartuta, baliteke lan horietarako aparteko ekarpen-materiala egin behar izatea.
Bestalde, lursailari sareko azpiegitura egokia emango zaio, euri-urak biltzeko bi kolektorerekin, eta lehengo Xey enpresa eraisteko lehen fasean askatu zen perimetro-hormaren zati bat berreraikiko da. Horma ordezkatzeko, Sprilurrek harri-lubeta bat eraikiko du, lursailaren asentatzeari eusteko eta sendotzeko.
Obrak egiteko epea 7 hilabetekoa izango da eta 1,30 milioi euroko inbertsioa egingo da. Zumaiako Oikia industrialdea berroneratzeko lanak dira Sprilurrek 2022an degradatutako lurzoruak berreskuratzeko asmoz abian jarritako proiektuetako bat. Lan horien ondoren, lurrak jarduera ekonomiko berrira bideratuko dira.
Zumaiako Oikiako berroneratzearen aurreko faseak
Sprilur Oikia berroneratzen ari da, 75.200 metro koadroko azaleran, lursail industrialak eta ekipamendukoak barne. 2021ean, Zumaiako Udalarekin Hirigintza arloko Kudeaketarako Hitzarmena adostu ondoren, Sprilurrek Zumaiako industria eremuaren berroneratzeari ekin zion. Hala, erabiltzen ez ziren Xey enpresako instalazio zaharrak eraitsi zituen (47.400 metro koadroko eremua betetzen zuten). Ingurumenari dagokionez, eraikinak hondamendi-egoeran zeudenez, eraiste-lanetarako beharrezkoa izan zen materialen eta sortutako hondakinen ingurumen-kudeaketa sakona egitea.
Gerora, berrurbanizazioa egin zen, partzelak eta bideak 22.000 metro karraturen kota igo zen, zazpi lursailak eraispenetatik eratorritako agregakin balorizatuekin bete ziren, eta beste jasangarritasun-neurri garrantzitsu batzuk jarri zituzten abian, Urola ibaiaren inguruko lursailei eragiten zieten uholde-arriskuak prebenitzeko.
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.