Albisteak 14 urtarrila, 2021

Eusko Jaurlaritzaren lehen 131 milioi euroak Euskadiko I+Grako

Eusko Jaurlaritzak 131 milioi euro bideratuko ditu Hazitek eta Elkartek programetara, iaz baino %5 gehiago
-

 

Abenduaren 29tik aurrera aurkeztu ahal izango dira Euskadiko I+G-ko jarduerak -bai enpresek eta bai arlo estrategikoetako agente zientifiko-teknologikoek gauzatutakoak- bultzatzeko lehenengo bi programetarako eskaerak. Aurten 131,3 milioi euroko aurrekontua izango dute, iaz baino %5 inguru gehiago.  Programa horietako bat Hazitek da (91,3 milioi euroko aurrekontua), helburutzat duena euskal industria sendotzea Enpresen I+G-aren bidez, eta bestea Elkartek (40 milioi euroko aurrekontua), helburutzat duena Elkarlaneko Ikerketa sustatzea Zientzia eta Teknologiaren Euskal Sarearen barruan.

Geroago argitaratuko dira Emaitek Plus programa (68M), zeinaren helburua den teknologi zentroen eta ikerkuntza kooperatiboko zentroen (CIC) emaitzak eta gaitasunak hobetu eta merkatura bideratzea, eta AZPITEK izeneko programa berri bat nabarmentzen da, 5,3 milioi eurokoa, I+G+b garatzeko eta haren emaitzak baliozkotu eta frogatzeko beharrezko ekipamendu zientifiko-teknikoa erosi, instalatu eta eguneratzeko.

Hazitek

2020ko abenduaren 29tik aurrera, euskal enpresek HAZITEK programaren 91,3 milioi euroko laguntzak (iaz baino %4,3 gehiago) eskuratu ahal izango dituzte euren I+G-ko jarduerak gauzatzeko.

Programaren azken helburua da euskal industria indartzea enpresen I+G-ko jardueren bidez, euskal ekoizpen-sarearen lehiakortasuna modu erabakigarrian bultzatuz eta inpaktu ekonomiko handia izan dezaketen emaitzak sortuz, horretarako laguntza emango zaielarik Euskal Autonomia Erkidegoko espezializazio estrategikoko esparruei eta merkatutik hurbilen dauden I+G-ren faseei.

Ohikoa den bezala, programa honek bi laguntza-lerro ditu: I+G-ko proiektu lehiakorrak garatzen laguntzeko lerroa eta I+G-ko proiektu estrategikoak garatzeko lerroa.

I+G-ko proiektu lehiakorrei laguntzeko lerroak 43,3 milioi euroko aurrekontua izango du aurten, eta laguntzak emango ditu produktu berriak garatzera bideratuta dauden eta oinarri zientifiko eta teknologikoko enpresa berriak abiaraztea helburu duten proiektuak bultzatzeko.

I+G-ko proiektu estrategikoak garatzeko laguntza-lerroak, berriz, 48 milioi euroko aurrekontua izango du aurten, hiru urtetan banatuta, laguntza-lerro honek urte anitzeko proiektuak sustatzen dituelako. Kasu honetan, diruz lagundu ahal izango dira Zientzia, Teknologia eta Berrikuntzarako Euskadi 2030 Planeko espezializazio-esparruetan jasotako ikerkuntza industrialeko eta garapen esperimentaleko proiektu estrategikoak, beti ere sektore publiko eta pribatuaren arteko lankidetza sustatzen badute, trakzio-efektua egiten badute Euskadiko ekonomian eta ETEen parte-hartzea bultzatzen badute.

Hala, laguntza jasoko dute produktu, prozesu edo zerbitzu berri edo hobeak lortzeko ezagutza erabilgarriak sortzera bideratutako jarduerek, bai eta izaera estrategikoko teknologia berriak integratzera eta oinarri zientifiko eta teknologikoko enpresa berriak sortzera bideratutakoek. Helburua beti izango da lanpostuak sortzea, euskal enpresa-sarea dibertsifikatzea, eta enpresa-lehiakortasuna hobetzea.

2020ko deialdiaren bidez laguntza eman zitzaien 848 proiektutan parte hartzen duten 1000tik gora enpresari, horietatik 35 proiektu estrategikoak direlarik.

Euren I+G-ko proiektuak HAZITEK programaren hurrengo deialdian aurkeztu nahi dituzten enpresek aukera dute hala egiteko 2021eko martxoaren 12ra arte, SPRIren web orrian sartuta.

Elkartek

Bestalde, Eusko Jaurlaritzak 40.000.000€ (iazko deialdian baino %5 gehiago) bideratuko ditu arlo estrategikoetan elkarlaneko ikerketa sustatzeko laguntza-programara, hots, ELKARTEK programara. Proiektuak 2021 eta 2022 ekitaldietakoak izan daitezke.

ELKARTEK programa Zientzia, Teknologia eta Berrikuntzarako Euskadi 2030 Planaren barruan sartzen da, eta helburutzat du elkarlaneko ikerketa (oinarrizkoa nahiz industriala) sustatzea arlo estrategikoetan. Eusko Jaurlaritzako Ekonomi Garapen, Ingurumen eta Jasangarritasun Saileko Teknologia eta Estrategia Zuzendaritzak deitutako laguntza hauek Zientzia, Teknologia eta Berrikuntzaren Euskal Sarean (ZTBES) integratutako agente zientifiko-teknologikoei zuzentzen zaizkie.

Programa honek hiru motatako proiektuak laguntzen ditu: 1) ZTBESeko 3 motatako agenteek elkarlanean egindako funtsezko ikerketa-proiektuak, beraizik bideratuta daudenak RIS3-PCTI 2030 planeko hiru lehentasunen barnean sartzen diren arloei buruzko ezagutzak zabaltzera; 2) industria arloan potentzial handia duten ikerketa proiektuak –funtsezko ikerketa orientatuko proiektuak edo ikerketa industrialekoak–, enpresetako I+G-ko unitateek gidatuak, lankidetzan arituz trakzio-indar handia eta merkatura iristeko ahalmen handia duten ZTBESeko beste agente batzuekin, eta bat etorriz PCTI 2030 planeko espezializazio arloekin; eta 3) interes bereziko ekintza osagarriak, eskaintza-eskariko bitartekaritza-organismoek eta zabalkunde-organismoek esklusiboki garatutako funtsezko ikerketako edo ikerketa industrialeko proiektuekin lotuak. Proiektu horiek bakarka edo ZTBESeko beste agente batzuekin lankidetzan garatuko dira, betiere PCTI 2030 planeko espezializazio arloekin bat etorriz, eta honako hauek dira: azterlanak egitea, zaintza teknologikoa, lankidetza teknologikoa ahalbidetzeko ekintzak, I+G+B-ko proiektuak prestatzeko aholkularitza, ezagutzaren transferentzia eta balorazioa, eta I+G+B-ko nazioartekotze-jardueretako partaidetza sustatzea.

ZTBESeko agenteek SPRIren web orrian aurkeztu ahal izango dituzte euren eskaerak 2020ko abenduaren 29tik 2021eko otsailaren 26ra arte, SPRIren web-atariaren bidez.

 

Lotutako albisteak

Euskadiko  startupek  beren  ekarpenak  egin  dizkiote  Industria  Planari

Euskadiko startupek beren ekarpenak egin dizkiote Industria Planari

Mikel Jauregi sailburuak parte-hartze saioa zuzendu du Industria Planari buruz, BIC Gipuzkoa, BIC Araba eta BIC Bizkaia zentroei atxikitako oinarri teknologikoko 25 startuparekin

Eusko  Jaurlaritzak  120  milioiraino  handitu  du  ikerketa  industriala  sustatzeko  aurrekontua
16/07/2025 I+G+B

Eusko Jaurlaritzak 120 milioiraino handitu du ikerketa industriala sustatzeko aurrekontua

Imanol Pradales Lehendakariak sustatutako Industria Defendatzeko Taldean hartutako konpromisoa beteko da hala, eta, horren bidez, aurtengo lehen hiruhilekoan Hazitek programan aurkeztu diren proiektuak baino gehiago finantzatu ahal izango dira

EEN  Basque  Sareak  euskal  ETE-en  parte-hartzea  errazten  du  Europako  I+G  programetan
11/07/2025 I+G+B

EEN Basque Sareak euskal ETE-en parte-hartzea errazten du Europako I+G programetan

BRTA sartu delako Innobasque, BT&I eta hiru merkataritza-ganberekin batera Euskadin SPRIk koordinatzen duen Europako Batzordearen ekimenean

Lehendakariak  Joxe  Mari  Korta  2025  saria  eman  dio  José  Antonio  Jainagari

Lehendakariak Joxe Mari Korta 2025 saria eman dio José Antonio Jainagari

Epaimahaiak, Mikel Jauregi Industria, Trantsizio Energetiko eta Jasangarritasuneko sailburua buru delarik, Jainaga saritu nahi izan du, enpresa sustraiekiko konpromisoarengatik, industria bikaintasunarengatik, berrikuntzarekiko apustuarengatik eta kalitatezko enplegua sortzeagatik

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Indarturen  edizio  berriak  garapena  eta  jarduera  ekonomikoa  bultzatzen  ditu  beharrik  handiena  duten  Euskadiko  eremuetan
09/07/2025 Finantziazioa

Indarturen edizio berriak garapena eta jarduera ekonomikoa bultzatzen ditu beharrik handiena duten Euskadiko eremuetan

Industria, Trantsizio Energetiko eta Jasangarritasunaren Sailak, Spri Taldearen laguntzarekin, Indartu programaren 2025ko deialdia jarri du martxan. Programa honek 20 milioi euroko aurrekontua du enpresen ekoizpen arloko inbertsioari laguntzeko eta, hala, hazteko, enplegua sortzeko eta lehiakortasuna hobetzeko.

Industria  Adimendunerako  trantsizioa  egiten  hasteko  inbertsioak  finantzatzen  laguntzen  die  Renove  Smart  Industry  programak  ETE  industrialei
08/07/2025 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Datorren ostegunean uztailaren 10ean irekiko da epea Renove Smart Industry laguntza-programara eskaerak aurkezteko. Programa honek, lehen, Renove Industria 4.0 izena zuen. Edizio berri honetan, 7 milioi euroko aurrekontua izango du. 4.0 Industriako proiektuei heltzeko haien ekipoak eta makineria modernizatu> nahi dituzten enpresa industrialek edo industriarekin lotutako zerbitzu-enpresek azaroaren 7ra arte...

Imanol  Pradalesek  “Europaren  berrindustrializazioa  eta  autonomia  estrategikoa  gidatzeko”  euskal  industriak  duen  zeresana  aldarrikatu  du

Imanol Pradalesek “Europaren berrindustrializazioa eta autonomia estrategikoa gidatzeko” euskal industriak duen zeresana aldarrikatu du

Eraldaketa ekonomikoa bultzatzeko, industria defendatzeko eta kalitatezko enplegua bermatzeko, Eusko Jaurlaritzak duen konpromisoa berretsi du Lehendakariak

Tecnalia,  zibersegurtasunaren  maila  guztietako  saiakuntzak  egiteko  akreditazioa  lortu  duen  lehen  erakunde  nazionala
02/07/2025 Zibersegurtasuna

Tecnalia, zibersegurtasunaren maila guztietako saiakuntzak egiteko akreditazioa lortu duen lehen erakunde nazionala

Ikerketa eta garapen teknologikoko zentroak ENACen (Egiaztatze Erakunde Nazionala) akreditazioa lortu du, nazioarteko IEC 62443-4-2 arauaren arabera industria segurtasun-maila handienean ziurtatzeko.  

Eusko  Jaurlaritza  Industria  Plan  berriaren  sozializazio-prozesua  egiten  ari  da,  eta  Ekonomia  eta  Gizarte  Arazoetarako  Batzordean  aurkeztu  du

Eusko Jaurlaritza Industria Plan berriaren sozializazio-prozesua egiten ari da, eta Ekonomia eta Gizarte Arazoetarako Batzordean aurkeztu du

“Industria Plan berria dokumentu bizia da, ekarpenei irekia. Hori dela eta, sozializazio-prozesua abiatu dugu hainbat gizarte-, ekonomia- eta enpresa-eragilerekin, plana haien ekarpenekin aberasteko eta proiektu eraldatzaileak sortzeko” adierazi du Jauregik

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.