Euskal enpresaren blog-a Zure enpresarentzat garrantzitsua den eguneroko informazioa
24 apirila, 2018

Euskadiko Nazioartekotze Agentziak Quebeceko ministro-orde baten bisita jaso du

Bileraren partaideak.

Eusko Jaurlaritzak bidaia ofizial bat egin zuen Quebecera joan den urrian eta bisita hau bidaia haren jarraipen gisa antolatu da, bi herrialdeen arteko lankidetza akordioa indartzeko

 

SPRI Taldean integratutako Euskadiko Nazioartekotze Agentziak (Basque Trade & Investment) Michel Lafleur-en (Quebeceko harreman bilateraletako ministro-ordearen albokoa) bisita jaso du astearte honetan Bilbon. Eusko Jaurlaritzak bidaia instituzional eta enpresarial bat egin zuen joan den urrian Quebecera, Iñigo Urkullu lehendakariaren eta Arantxa Tapia Ekonomi Garapen eta Azpiegitura sailburuaren buruzagitzapean, eta bidaia hari jarraipena emateko antolatu da topaketa hau.

 

Bilera hau baliagarri izan da Eusko Jaurlaritzak eta Quebeceko gobernuak sinatua duten MOU hitzarmenaren (ekintza bateratuak garatzeko lankidetzako akordioa) hainbat puntu indartzeko. Euskadi-Basque Country 2020 nazioartekotze-estrategia markoak lehentasunezko bazkidetzat dauka Kanadako Quebec eskualdea. Lehentasunezko bazkide bezala sailkatua izan da, besteak beste, kultur- eta hizkuntza-aniztasuna babesten dituelako, apustu egin duelako berrikuntzaren alde lan egiteko eta klima aldaketaren aurka borrokatzeko, eta orobat loturak dituelako Euskadirekin.

 

Topaketan parte hartu dute nazioartekotze, teknologia eta energia arloetan lanean diharduten Eusko Jaurlaritzako, SPRI Taldeko eta Basque Trade & Investment agentziako hainbat karguk. Bileran jorratutako gaietako bat  energia izan da. Zehazki, hizpide hartu dute Quebeceko Ikerketa eta Berrikuntza Institutua (Institut De Recherche e Innovation du Québec-IREQ), sare elektrikoen operazioetan espezializatua dagoena eta sektore osoa barne hartzen duena, hasi energiaren sorkuntzatik eta kontsumoraino. Institutu horrek lankidetza-akordio bat du CIC Energigune zentroarekin. Orobat aztertu dute nola atera probetxua CETA akordioari, nola erakarri inbertsioak eta nola bideratu adimen artifizialaren edota bioteknologien arloetako lankidetza zientifikoa.

Energia 12 martxoa, 2020
Stansol Energy enpresak Estatuko ur gaineko parke fotovoltaiko handiena inauguratu du

Stansol Energy neurrira eginiko egitura fotovoltaikoen eraikuntzan espezializatuta...Leer más

Energia 27 otsaila, 2020
Nazioartekotzeko Euskal Agentziak industria eolikoaren nazioarteko foroan parte hartu du Moskun

Urtero egiten den ekitaldi horretan energia eolikoaren sektoreko 150etik gora enpresa elkartzen...Leer más

Energia 21 otsaila, 2020
SPRI Taldeak garapen industrialerako erronka eta aukera bezala aurkeztu ditu ekonomiaren deskarbonizazioa eta digitalizazioa

Cristina Oyónek, SPRI Taldeko ekimen estrategikoen arduradunak, Atlantikoko Emakumezko Enpresari...Leer más

Energia 18 otsaila, 2020
Ingeteam, Europako instalazio fotovoltaikorik handieneko partaide

Euskal enpresak Aragoin kokatuta dagoen gune horretako azpiestazioak babestu eta kontrolatzeko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?