Europar Batasuna eta Arabiar Emirerri Batuak negoziatzen hasiak dira Golkoko lehen merkataritza-akordio integrala lortzeko
Europar Batasuna modu formalean negoziatzen hasi da Arabiar Emirerri Batuekin aldebiko merkataritza libreko akordioa sinatzeko, hirugarren herrialdeekin abian dituen merkataritza-akordioen sarea zabaldu eta indartzeko estrategiaren barruan. Akordioa lortuz gero, EBk Golkoko eskualdean gauzatutako lehenengo merkataritza-itun integrala izango litzateke.
Negoziazio-prozesu honek hainbat helburu ditu: ondasun eta zerbitzuen merkataritza erraztea, inbertsioa sustatzea eta merkataritza digitalaren garapena bultzatzea. Gainera, elkarrizketek sektore estrategikoak ere hartuko dituzte kontuan, hala nola, energia berriztagarriak, hidrogeno berdea eta lehengai kritikoak, Batasunak bultzatutako trantsizio ekologiko eta digitalerako giltzarrizkoak.
Egun, EBren eta Arabiar Emirerri Batuen arteko aldebiko ondasun-merkataritzak 55.000 milioi euroko balioa du, eta zerbitzu-trukeak 39.000 milioi eurokoa, Arabiar Emirerri Batuak esku Europar Batasunak eskualdean duen merkataritza-bazkide nagusia bihurtuz.
Europako Batzordearen hitzetan, akordioak Europako merkataritza-sarea indartzen lagunduko luke, eta aukera berriak sortuko lituzke kontinenteko enpresentzat teknologian, logistikan, azpiegituretan eta potentzial handiko beste sektore batzuetan.
