Euskadik Hidrogenoaren Euskal Korridorea aurkeztu du Italian
Ostiral honetan (otsailak 25) egin da Basilicata hirian (Italia) “Etorkizun jasangarrirako energiak” eskualde mailako foroa. Foro horretan mundu osoko hainbat eskualdek bertatik bertara partekatu dituzte trantsizio energetiko-klimatikoari aurre egiteko ekimenetan izan dituzten esperientziak.
Arturo Fernandezek (Petronor) eta Ainara Isasak (Basque Trade and Investment-ek Italian duen bulegoko zuzendaria) lagundurik, SPRI Taldeko Teknologia, Berrikuntza eta Jasangarritasuneko zuzendari Cristina Oyónek mahai-inguru batean parte hartu du Japonia, Herbehereak eta Italiako beste hainbat ordezkarirekin batera, eta hizpide hartu du Hidrogenoaren Euskal Korridorea eta “Basque Net Zero Industrial Super Cluster” ekimenarekin duen inplikazioa. Bere hitzaldian errepaso bat eman die Euskadin hidrogenoaren ekosistema bat sortu eta finkatzea eragin duten faktoreei: Petronor bezalako kontsumitzaile garrantzitsu bat, portua, gasaren garraio eta banaketarako azpiegitura handi bat, eta, batez ere, balio-kate industrial eta teknologiko bat, oinarri teknologikoko ekipo-ondasunen industriaz eta nazioarteko presentzia duten ingeniaritzez hornitua dagoena, eta baita ere zientzia, teknologia eta berrikuntzaren euskal sareak hidrogenoaren teknologien alde eginiko apustua.
Ekimen publiko-pribatu hori modu natural batean integratu da Hidrogenoaren Euskal Estrategian, bai eta Eusko Jaurlaritzak eta Petronor eta Iberdrola enpresek euskal industriaren kontsumo energetikoa deskarbonizatzeko egin duten apustuaren barruan, hau da, “Basque Net Zero Industrial Super Cluster” ekimenean. Euskal Super Klusterra da World Economic Forum-ek 2050erako 0 isuri garbiko helburua betetzeko sustatu duen ekimenean parte hartzera gonbidatutako lau eskualde-proiektuetako bat; hain zuzen, ekimen horren helburua da esperientziak eta jardunbide egokiak eskaintzea eta trantsiziorako konpromisoak hartzen dituzten eskualde industrialen arteko sinergiak ustiatzea.
Eusko Jaurlaritzako Ekonomi Garapen, Jasangarritasun eta Ingurumen sailburu Arantxa Tapiak “Basque Net Zero Industrial Super Cluster” aurkeztu zuen Nazio Batuek azaroaren 3 eta 4an Glasgown Klima Aldaketari buruz egin zuten 2021 COP26 Konferentzian. Ekimen horrek balioan jartzen du eskualde industrialen papera zero isuri garbiranzko trantsizioan aurrera egiteko.
Une honetan munduko ekonomiaren ia % 80k konpromisoa hartu duelarik zero isuri garbira iristeko, guztiz premiazkoa da behar diren urratsak ematea helburu anbiziotsu hori lortzeko, eta ezinbestekoa da eskualde industrialek, batez ere energia kontsumo handia dutenek (eta CO2 isuri handiak kontsumo horri loturik) paper garrantzitsua jokatzea konpromiso horiek lortzeko ahaleginean. “Basque Net Zero Industrial Super Cluster” ekimenaren asmoa da deskarbonizazioaren helburu hori aukera bihurtzea garapen teknologikoa eta industriala bultzatzeko Euskadin. Hidrogenoaren Euskal Korridorearen bidez indartuko den Hidrogenoaren ekosistema lagungarria izango da bi helburu horiek lortzeko
Lotutako albisteak
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.