Itsasontzietako edukiontziak portura eramaten dituzten garabiak digitalizatzeko Predicrane proiektuak aurreikuste mantentze-teknologia berriak txertatuko ditu
Portu-garabi adimendunagoak .
Zeukok, portu-sektorean lan egiten duen ingeniaritzak, eta Tecnaliak, Basque Research & Technology Allianceren (BRTA) parte den ikerketa aplikatuko eta garapen teknologikoko zentroak, portu-garabiak digitalizatzeko proiektu bat hasi dute, mantentze prediktiboaren inguruan soluzio bat garatzeko. Proiektu honek STS –Ship to Shore– motako portu-garabiekin lan egingo du edo, beste izenez, edukiontzi-eramaileekin. Ekimena, Predicrane izenekoa, SPRIren Basque Industry 4.0 laguntza-programaren parte da eta operazioen hobekuntzan, makinen eskuragarritasunean, kostuen murrizketan, produktuaren kalitatean eta garabien balio-bizitzaren prozesuan eragina izango du.
Ezarpen teknologiko hauen helburua diagnostiko bat egitea da, aldez aurretik garabiek izan ditzaketen hutsegiteak detektatzeko; izan ere, portuetako elementu kritikoak dira garabiak. Informazio honek aurreikusi gabeko geldialdiak murriztuko ditu, programatutako konponketak erraztuko ditu, mantentze-lan zuzentzaileak murriztuko ditu eta beharrezkoak ez diren mantentze-lan prebentiboak gutxituko ditu, kostuak aurreztuz. Horretarako, garapena bi fasetan osatuko da, 18 hilabetekoa lehenengoa eta 10 hilabetekoa bigarrena. Fase horietan, irismen mugatuko modulu-bertsioak sortuko dira, produktu oso bat lortu arte.
Lehenengo etapan, garabiaren motor-talde murriztaileak aztertuko dituzte, hausturak saihesteko eta eragiketa eta mantentze ekintzak aurreikusteko. Sistema honek datuak eskuratzeko eta aztertzeko teknologiak izango ditu, osagaien osasun-aldagaiak jasotzeko, akatsak detektatzeko, balio-bizitza kalkulatzeko eta erabiltzaile-interfaze bat sortzeko. Tresna hori lortzeko, hainbat jarduera egingo dira, hala nola garabien fidagarritasuna aztertzea, estrategiak eta tresnak hautatzea, sistema osagarriak sortzea, eta diagnostiko eta pronostiko soluzioak diseinatzea eta aplikatzea.
Bigarren etaparen 10 hilabeteetan, erantzunaren pilotu bat lortzea espero da, ingurune erreal bateko garabietan txertatzeko eta emaitzak beste garabi mota batzuetara zabaltzeko. Predicranek, iraganean gertatutakoa aztertuta eta etorkizunean gertatuko daitekeena balioztatuta, garabiaren elementu jakin batzuetan akatsak detektatzen lan egingo du, eta matxura arreta luzeak edo garabia erabiltzeko moduan ez dagoen epeak saihestuko ditu.
Ekimen honetan, proiektuaren parte diren bi erakundeen gaitasunak gehitu dira: portuko garabiak mantentzen eta digitalizatzen Zeukok duen ibilbide luzea eta, Tecnaliaren aldetik, zentro teknologikoaren ezagutza mantentze-lan analitikoan dauden tresna eta eredu teknologikoen inguruan.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra