4.0 Industria ETEei hurbiltzeko tresna-kit bat
Ideable, Urbegi eta Ideatek enpresek industria txikiarentzat pentsatutako aplikazio multzo bat aurkeztu dute
4.0 Industriarako oinarrizko tresna-suitea izeneko proiektua beraizik sortu zen industria arloko ETEen artean detektatutako premiei erantzuteko. Nahiz eta 4.0 Industria garrantzia hartzen ari den, enpresa txiki eta ertain askok oraindik ez dituzte horrelako tresnak erabiltzen, batik bat, ez dituztelako ezagutzen. “Enpresa handiek oso ongi dakite zer den 4.0 Industria eta dagoeneko hasi dira aplikatzen, baina industria arloko ETEek oraindik ez daukate argi nola murgildu eraldaketa horretan eta zer etekin aterako duten hortik” azaldu du Ideable Solutions enpresako zuzendari nagusi Iñaki Bartolomék.
Ideable, Urbegi eta Ideiatek enpresek osatutako partzuergoak berrikuntza kooperatiboko proiektu bat garatu du Bihartech, I2Tek eta Sorabe konpainien laguntzarekin, proiektu horren bidez 4.0 Industrian murgiltzen laguntzeko euskal ETEei. Lehen urratsa izan zen enpresekin harremanetan jartzea beren premiak detektatzeko eta, hortik abiatuta, bost tresna-kit biltzen dituen suite bat egin dute.
Lehen paketea erabakiak hartzeko set bat da. Tresna horrek identifikatzen du non egin behar diren aldaketak gero hobekuntzak lortzeko. 4.0-ren zabalkunderako kit bat ere egin dute, eredua bera eta 4.0 teknologiak enpresetara hurbiltzeko. “Onlineko prestakuntza bat da, sakelakorako egina, eta prestakuntza-pilulak eskaintzen ditu 4.0 Industria ezagutzera emateko” azaldu du Bartolomék.
Beste kit garrantzitsu bat operazio fluxuarena da. ETEentzako ERP txiki bat da, zereginen kudeaketa digitalizatzeko eta neurtzeko balio duena. “Industri arloko ETE askok ez dute beren funtzionamendua digitalizatzen, beraz, ez dakite zenbat denbora behar duten zeregin bakoitza gauzatzeko”. Tresna honen bidez datu horiek ematen zaizkio enpresari, erabakiak har ditzan.
Azkenik, suite-ak badu 4.0 estrategiarako kit bat (eraldaketa planak diseinatzeko) eta enpresako kulturaren set-a (prozesuan langileen parte-hartzea bideratzeko). Tresnak garatuta daude dagoeneko eta orain proba-fasean daude, Urbegi enpresaren gidaritzapean. Partzuergoaren asmoa da aurtengo udazkenean hastea tresnak ETEei eskaintzen, enpresa bakoitzaren premiei egokitutako aholkularitza-zerbitzu bezala.
Proiektu hori Bizkaiko Foru Aldundiaren “Elkarlanean” programaren barruan kokatzen da, zeinaren helburua den berrikuntza kooperatiboko proiektuak bultzatzea enpresetan. Bihartech, Ideiatek eta Ideable enpresek garatu dituzte konponbide teknologikoak, eta Sorabe eta I2tek, berriz, enpresa-aholkularitzaz arduratzen dira.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko