Albisteak 11 apirila, 2024

9 sozietate publiko startup berritzaileen bila BIND Govtech-en bidez digitalizazioa bultzatzeko

Sozietate publikoek planteatutako bederatzi digitalizazio-erronketako bati edo batzuei erantzun beharko diete startup hautagaiek. Deialdia maiatzaren 2tik aurrera egongo da zabalik
-

BIND berrikuntza irekiko plataformak deialdi berri bat ireki du BIND GovTech-en bigarren ediziorako; ekimen hau berrikuntza-proiektuak garatzeko Euskadiko sozietate publikoekin lankidetzan aritzeko interesa duten mundu osoko startup disruptiboei zuzenduta dago. Helburua startupen eta sozietate publikoen arteko lankidetza sustatzea da, prozesu eta zerbitzu publikoen eraldaketa digitala bizkortzeko. Interesa duten startupek maiatzaren 2ra arte bidali ahal izango dituzte proposamenak, www.bind40.com webgunean. Hautatuek benetako proiektuak garatu ahal izango dituzte Euskadiko sozietate publiko batekin edo gehiagorekin batera, eta proiektu bakoitzeko 15.000 €-ko aurrekontua izango dute esleituta.

Aurten, 9 sozietate publikok hartuko dute parte BIND GovTech-en: Ejie sozietate informatikoak, Elika nekazaritzako elikagaien segurtasunerako euskal fundazioak, Eustat euskal estatistika erakundeak, EEE Energiaren Euskal Erakundeak, Hazi fundazioak, Ihobe ingurumen kudeaketarako sozietateak, Parke parke teknologikoen sareak, SPRI enpresa garapenerako agentziak eta Sprilur industria lurzorua sustatzeko sozietateak.

Zerbitzu publikoak digitalizatzeko bederatzi erronkak

Parte hartu duten sozietate publiko bakoitzak bederatzi erronka desberdin identifikatu ditu guztira hainbat arlotan, besteak beste datuen kudeaketan, hondakinen kudeaketan, barne-eragiketen hobekuntzetan eta enpresa-garapenean. Hauek dira erronkak:

  1. EJIEk sarbidearen, presentziaren eta fitxatzearen kontrola egin nahi du EJIEren eraikinetan, eskatutako segurtasun-mailarekin eta azken estandarren arabera, erabiltzailearen interakzioa soluzio mugikorrekin eta/edo txartel fisikoekin minimizatuz eta datu biometrikoak baztertuz.
  2. Elikak giza kontsumorako ez diren elikagai-soberakinen errebalorizazioan nola eragin planteatzen du, horiek identifikatzea eta kategorizatzea erraztuz eta datu horiek murrizteko edo balio ekonomikoa neurtzeko datuak sortuz.
  3. Eustatek soluzioak eskatzen ditu kanpoko iturrien posta-helbideen normalizazioa eta kodetzea automatizatzeko, informazioa bere sisteman integratzeko helburuarekin.
  4. EEEk ikuskapenen hitzorduak optimizatzea eta ibilbideak diseinatzea lortu behar du, egindako ikuskapenen kopurua maximizatzeko, barne-kudeaketako eta exekuzioko denbora minimizatuz.
  5. Hazik elikadurako eta basogintzako balio-katearen esparruko antolatzaileen ekintza, ekitaldi eta jardunaldien informazio-bilketa automatizatu nahi du, baita landa- eta itsasertz-ingurunearen dinamizazioa ere, eragile interesdunei ezagutzera emateko.
  6. Ihobek erosketa eta kontratazio publiko berdearen irizpideen erabilera sustatzeko modua bilatzen du, informazioa eta lotutako datuak erraz bistaratzeko tresna baten bidez, kontsulta kopurua ere murrizteko.
  7. Parkek soluzioak eskatzen ditu bere datu-baseetako informazioa bistaratzeko sarbide-puntu bakar eta irisgarri batetik, Parkeko eremu guztietarako, barneko operatiba eta, aldi berean, bezeroarentzako zerbitzua hobetzeko.
  8. SPRIk Eusko Jaurlaritzaren laguntza-programen inpaktua ebaluatu nahi du, barne-datuak automatikoki aterata, bistaratzean eta aztertzean eta kanpoko iturri ezezagunen integrazioan oinarrituta, joerak identifikatzeko eta ondorioak sortzeko.
  9. Spriluren erronka barneko eta kanpoko iturrietatik datuak modu zabal, fidagarri, egituratu eta automatizatuan lortzea eta biltzea da, esplorazio-prozesuaren aurreko urrats gisa, inbertsio-erabakiak hartzea errazteko.

Digitalizazio-erronka horiei soluzio berritzaile bat emateko, sozietate publikoek 8 urte baino gutxiagoko antzinatasuna duten startupekin lankidetzan aritzea bilatzen dute, betiere garapen teknologikoa amaitu badute eta gutxienez erronka horietako baterako soluzioak proposatzen badituzte. Hauek dira sozietate publikoentzat interes handiena sortzen duten teknologietako batzuk: adimen artifiziala, big data, computing, IoT, Machine Learning, ahots-ezagutzea eta mugikortasun adimenduna, besteak beste.

Plataforma aintzatetsia

BIND GovTech hiru ekimenetako bat da, BIND berrikuntza irekiko plataformarena, startupak Euskal Autonomia Erkidegoan erreferentziazko 100 Venture Clientsekin konektatzen dituena, startupen garapena bizkortzeko euskal industria-ekosisteman, lurraldearen eraldaketa digitala sustatzeko eta Euskadiko ekosistema industria-ekintzailetza aurreratuko hub gisa kokatzeko. Horretarako, plataformak startupak enpresa handiekin konektatzen ditu, azelerazio-programaren bidez; ETEekin, SME Connection bidez eta sozietate publikoekin, BIND GovTech-en bidez.

Berrikuntza-plataforma irekia, BIND, Europako Startupen 25 Hub onenetako bat izendatua izan da berriki, Financial Timesek 2.000 programa baino gehiagori egindako azterlan baten ondoren. BINDek aipamen berezia ere jaso zuen Aparteko Mentoring zerbitzuari.

Aintzatespen hori aurretik jasotako nazioarteko beste bi sariei gehitu behar zaie. 2023an, BINDek Startup Ecosystem Stars saria jaso zuen, Industriari Aparteko Laguntza emateagatik bi kategoriatan, “Startup Programs” eta “Laguntza ETEei”, International Chamber of Commerce (ICC) eta Mind the Bridge berrikuntza irekirako plataforma globalaren eskutik. 2020an, Europako Batzordeko Barne Merkatu, Industria, Ekintzailetza eta ETEko Zuzendaritza Nagusiak saria eman zion Enpresa Sustapenerako Europako Sarien XIV. edizioan, enpresa-ingurunea hobetzeko kategorian.

Erronkak kontsultatzeko eta izena emateko, egin klik hemen: BINDen webgunea

BINDi buruz

BIND industria adimenduneko berrikuntza ireki publiko eta pribatuko plataforma bat da, Ekonomiaren Garapen, Jasangarritasun eta Ingurumen Sailak sortua, SPRI Taldearen eta Euskadiko ekintzailetzaren ekosistemaren UpEuskadi plataformaren bidez. Gaur egun, egoitza Euskadin duten sektoreko ETE, sozietate publiko eta erreferentziazko enpresa nagusietatik 100 baino gehiagoren lankidetza du, besteak beste hauena: Angulas Aguinaga, Iberdrola, ITP Aero, Mercedes-Benz, Siemens Gamesa, Quirónsalud edo Coca-Cola Europacific Partners. Ekimen honek hiru helburu ditu, startupen garapena bizkortzea euskal industria-ekosisteman, enpresen eraldaketa digitala sustatzea, eta Euskadiko ekosistema industria-ekintzailetza aurreratuaren hub gisa kokatzea. 2016az geroztik BIND 4.0k 3 programa eta ekimen ditu, 220 startup baino gehiago bultzatu eta 330 proiektu garatu dituztenak. Informazio gehiago: www.bind40.com

 

Lotutako albisteak

Euskadiko  sei  startup  finalistak  izan  dira  ekintzailetza  berritzailea  saritzen  duen  Top101  Spain  errekonozimenduetan
09/10/2025 Ekintzailetza

Euskadiko sei startup finalistak izan dira ekintzailetza berritzailea saritzen duen Top101 Spain errekonozimenduetan

Ekimen honen bigarren edizioaren entrega-ekitaldia azaroaren 12an izango da Murtzian

Euskadi,  ekintzailetza-ekosistema  egonkorrenen  eta  baloratuenen  artean,  GEM  2024-2025  txostenaren  arabera
08/10/2025 Ekintzailetza

Euskadi, ekintzailetza-ekosistema egonkorrenen eta baloratuenen artean, GEM 2024-2025 txostenaren arabera

GEM proiektua munduko ekintzailetza-datuen iturri nagusia da, eta, horren bidez, Euskadiren egoera beste eskualde eta herrialdeen egoerarekin alderatu daiteke.

A4Radar  startupa  eta  Eralki  ETEa  elkarlanean  ari  dira  teknologia  disruptibo  batean,  Eusko  Jaurlaritzaren  BIND  SME  ekimenari  esker
06/10/2025 Up Euskadi

A4Radar startupa eta Eralki ETEa elkarlanean ari dira teknologia disruptibo batean, Eusko Jaurlaritzaren BIND SME ekimenari esker

BIND SME ekimenaren 5. edizioan parte hartzeko deialdia urriaren 20ra arte egongo da irekita.

Ekintzailetzaren  ekosistema  indartzeko  garaia  da  Erronka  2030  dirulaguntzekin
25/09/2025 Ekintzailetza

Ekintzailetzaren ekosistema indartzeko garaia da Erronka 2030 dirulaguntzekin

Erronka 2030 programaren helburua Euskadiko ekintzailetzaren ekosistema osatzen duten hainbat eragile eta erakundeen arteko harremanak eta loturak sustatzea da. Proiektu bakoitzeko 10.000€ko dirulaguntza eska dezake jardueren zentroa Euskadin duen edozein pertsonak edo enpresak.

Eusko  Jaurlaritzak  epea  ireku  du  startup  disruptiboek  irtenbide  digitalak  eman  diezazkieten  20  euskal  ETEri
24/09/2025 Ekintzailetza

Eusko Jaurlaritzak epea ireku du startup disruptiboek irtenbide digitalak eman diezazkieten 20 euskal ETEri

Urriaren 20ra arte, startupek eta scaleupek 7 erabilera-kasutarako soluzioak aurkeztu beharko dituzte honako esparru hauetan: antolamendu efizientea, negozio eta bezero digitala, industria adimenduna, zibersegurtasuna eta jasangarritasuna eta trantsizio energetikoa industriaren, energiaren, zerbitzuen eta elikaduraren sektoreetakoak diren 20 ETEei.

TramoIAk  logistika  automatizatzeko  robot  kolaboratiboak  eskaintzen  ditu
22/09/2025 Ekintzailetza

TramoIAk logistika automatizatzeko robot kolaboratiboak eskaintzen ditu

Startupak teknologia aurreratuak konbinatzen ditu, tamaina aldakorreko paketeen logistikari soluzio robotiko bat emateko

‘CDL  Donostia-San  Sebastián  AI  for  Startups  2025’  deialdia,  irailaren  30era  arte  zabalik.
18/09/2025 Ekintzailetza

‘CDL Donostia-San Sebastián AI for Startups 2025’ deialdia, irailaren 30era arte zabalik.

Jarduerak berehala hasiko dira! Saio presentzialak Tandem - BIC Gipuzkoa eraikineko instalazioetan egingo dira.

Toribio  Echevarría  Sariek  35.  edizioa  betetzen  dute  aurten,  hainbat  berritzasunekin
15/09/2025 Ekintzailetza

Toribio Echevarría Sariek 35. edizioa betetzen dute aurten, hainbat berritzasunekin

Hautagaitzak aurkezteko epea urriaren 9ra arte dago zabalik

Eusko  Jaurlaritzak  mundu  osoko  882  startup  erakarri  ditu  Euskadiko  70  enpresarekin  lan  egiteko
15/09/2025 Ekintzailetza

Eusko Jaurlaritzak mundu osoko 882 startup erakarri ditu Euskadiko 70 enpresarekin lan egiteko

Startupek edizio honetan parte hartu duten 70 enpresek planteatutako 12 erabilera-kasuei erantzuteko hautagaitzak aurkeztu dituzte.

Habitakek  AA  teknologiaren  laguntzarekin  higiezinen  zerbitzuak  iraultzen  ditu
09/09/2025 Ekintzailetza

Habitakek AA teknologiaren laguntzarekin higiezinen zerbitzuak iraultzen ditu

Plataformak adimen artifiziala erabiltzen du jabeak, erosleak, agenteak eta sektoreko profesionalak konektatzeko.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.