Eusko Jaurlaritzak mundu osoko startupen eta Euskadiko enpresa eta ETE liderren artean osatutako 30 lankidetza-proiektu aurkeztuko ditu

BIND, Eusko Jaurlaritzak eta Spri Taldeak garatutako berrikuntza irekiko plataformak, bere urteroko Demo Day eguna egingo du uztailaren 2an Barakaldoko Bilbao Exhibition Centren (BEC). Ekitaldian, startupen eta Euskadiko ETEen, korporazioen eta sozietate publikoen artean lankidetzan garatutako 30 proiektuak aurkeztuko dituzte.

Korporazioak, ETEak, sozietate publikoak, inbertitzaileak eta startupak daude gonbidatuta doako ekitaldi honetan parte hartzera, haiek inspiratzeko, konektatzeko eta industriaren etorkizunerantz aurrera egiteko helburuarekin. Izena emateko epea zabalik dago webgunean.

Ekitaldian, Eusko Jaurlaritzako Industria, Trantsizio Energetiko eta Jasangarritasunaren Saileko ekintzailetza-arduradunak izango dira, eta bertan, Espainian eta Latinoamerikan marketin digitalean, adimen artifizialean, negozio digitaletan eta eraldaketa digitalean aditu nagusietakoa den Juan Merodiok  emango duen hitzaldi nagusian egoteko aukera izango da. Merodioren ponentziak, “Etorkizuna ez da aurreikusten; eraiki egiten da” izenburua daramanak, Adimen Artifizialean, pertsonengan, teknologian eta aro berriko erabakietan sakonduko du. 

10 urte funtzionatzen duen berrikuntza aurkezten

BIND Demo Day 2026k BIND plataformaren hamar urteak ospatuko ditu. Plataforma hori startupekin egindako proiektuen bidez lurraldearen lehiakortasuna, efizientzia eta jasangarritasuna bultzatzeko nazioartean erreferentzia-ekimen gisa eratu da. 2016az geroztik, 275 startup baino gehiago bizkortu ditu, eta horiek berrikuntza irekiko 400 proiektu baino gehiago garatu dituzte euskal enpresekin batera, kontratazio errealeko 10 milioi euro baino gehiago mobilizatuz. 

Gaur egun, automobilgintza, fabrikazio aurreratua, energia eta metalurgia bezalako sektoreetako 100 enpresa baino gehiagok eta sozietate publikoek parte hartzen dute industria-prozesuak optimizatzeko, lehiakortasuna handitzeko eta ingurumen-inpaktua murrizteko teknologiak bilatzeko plataforman. 

30 startup, baliozkotutako soluzioekin 

BIND Demo Day aukera ezin hobea da euskal enpresek, inbertitzaileek, sozietate publikoek eta ekintzailetza- eta berrikuntza-komunitateko kideek mundu osoko startupak ezagutzeko, Euskadin dagoeneko arrakastaz aplikatzen ari diren soluzio berritzaileekin. 

Hauek dira 10. edizioan parte hartuko duten startupak: 

• Acuratio
• Ailoys
• Alhomna Systems
• Cadabit 
• Data Value Management
• Deduce Data Solutions
• Electrogenos
• Emaia Health
• Flexoo
• Greendeal
• Innkia
• ISSO Technologies
• Muutech 
• Neety
• Nneat
• Osoigo 
• Photokrete
• Process Talks
• ReLi Energy
• Rue Data
• Secur0
• SmartPM
• Spiralwave
• Sumo PPM
• Trebezia
• Vors Control
• Ubitelcare
• We are Clickers
• WAVF 
• Zeru Drones

Enpresek, startupek, inbertitzaileek eta garatutako berrikuntza proiektuak ezagutzeko interesa duten beste pertsona batzuek webgunean sartuz eman dezakete izena.