Bombas Trief, industria digitalizatu bihurtutako tailerra
Bombas Trief ia 60 urte dituen Erandioko enpresa da eta fluxuen intsuldakaterako ponpak fabrikatzen ditu hainbat sektorerentzat, hala nola industriarentzat, elikadurarentzat, petrokimikarentzat edo energiarentzat: urtean 1.000 baino gehiago. Azken ekitaldietan digitalizazio-prozesua ezarri du eta SPRI Taldearen hainbat dirulaguntza baliatu ditu horretarako, besteak beste, Industria Digitala, Indartu edo Fast Track Innobideak.
Enpresa 1967an sortu zen Bilboko Zorrotza auzoan Jose Arredondoren ekimenez (egungo zuzendarietako baten aitona), automobilgintzako piezen tailer mekaniko bat zabaldu baitzuen. “Oso berritzailea eta ekintzailea zen. Langileei ikasketak ordaintzen zizkien”, azaldu dute Gorka Arredondo Sesumagak, zuzendari tekniko eta salmenten zuzendariak eta sortzailearen bilobetako batek, eta Oscar Garcia Muñoz kudeatzaileak.
70eko hamarkadan pistoizko ponpak fabrikatzen hasi ziren eta “80ko hamarkadan nire aitak paleta-ponpak sartu zituen. Maila nazionalean ez zegoen halakorik eta bultzada handia ekarri zion enpresari”.
2012an, Guascor enpresak energia sortzeko motorrentzako engranajeen ponpa bat fabrikatzeko proposamena egin zien. “Hainbat urtez aritu ginen diseinuarekin eta 2017an lehen unitateak fabrikatu genituen. Maila horretako bezero batek diseinua eskatzea izan zen garrantzitsuena”.
2021ean, egungo Erandioko egoitzara lekualdatu zen espazio gehiago eta sarbide hobeak izateko eta instalazioen hobekuntza teknologikoan jauzi kualitatiboa egiteko.
Hainbat teknologiatako desplazamendu-ponpa positiboak eskaintzen ditu. Bezeroei egokitutako produktu estandarrak dira. Urtean 1.100 ponpa inguru fabrikatzen dituzte, “baina gure markaren konpontzeko eta mantentzeko lanetarako zerbitzua ere badugu”.
Egun 5.100 bezero baino gehiago ditu eta oso dibertsifikatuta daude: sektore petrokimikoak, pinturak, obra zibila, asfaltoak, garraioa, aeronautika, sektore eolikoa, energia, ingurumena eta gizakien eta animalien elikadura.
Eskariak zuzenean jasotzen dituzte, bitartekaritza komertzialik gabe ia. Izan ere, fidagarritasun handiko eta bizitza erabilgarri luzeko produktua aitortzen du merkatuak.
Salmentak Espainian kontzentratzen dira, baina % 7 atzerrikoak dira, batez ere, Argentinakoak, Estatu batuetakoak, Portugalgoak, Erresuma Batukoak, Arabiar Emirerrietakoak eta Txinakoak.
20 langile daude plantillan eta “azken urteetan egonkor mantendu da”. Fakturazioa 2,9 milioi euro ingurukoa izan da, aurreko urtean baino % 5 handiagoa eta “etengabe hazi da azken ekitaldietan”. Dibertsifikazioak gure alde egiten du. Pandemiarekin, lehenengo egunetik aritu ginen lanean. Elikagaien sektoreko eskariek gora egin zuten”.
I+G garrantzitsua da Bombas Triefen. 2020an, ekoizpen-modulua automatizatu zuten eta SPRI Taldearen hainbat dirulaguntzari esker, pabilioi berria diseinatu zuten. “Industria Digitala programaren dirulaguntza izan dugu hiru urtez eta fabrikan kalitatezko prozesuak ezartzeko aukera eman digu. Modernizazio handia ezarri dugu eta tailerra zena enpresa bihurtu da”.
Aurten SPRI taldearen Hazinnova programatik jaso duten dirulaguntza kontabilitatea hobetzeko eta estrategia komertziala diseinatzeko erabili dute.
Etorkizuneko erronka proba-banku digitalizatua ezartzea da, eta SPRI Taldearen Indartu eta Fast Track Innobideak dirulaguntzak jaso dituzte horretarako. “Ponpak probatzeko da, egun eskuz egiten baitugu prozesua. Digitalizazioak laneko segurtasun handiagoa, datu gehiago, I+G eta erresistentzia-azterketak, eta simulazio aurreratuak egiteko aukera ematen digu”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
