Albisteak 2025eko apirilaren 10a

Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan

Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
-
    • Imanol Pradalesek ziurtatu du ahal den guztia egingo dela euskal enpresa, enplegua eta pertsonen ongizatea babesteko

    Imanol Pradales Lehendakariak gaur arratsaldean Industria Defendatzeko Taldearen bileran adierazi duenez, Eusko Jaurlaritzak 2.150 milioi euro baino gehiago inbertituko ditu lehen neurri sorta batean, Euskadin erronka ekonomikoei aurre egiteko eta enplegua babesteko, Estatu Batuetako Gobernuak muga-zergen politika berria abian jarri ondoren, eta horrek zuzenean eragingo die kontserben, ardoaren eta esnekien sektoreei. Lehendakariak Euskal Herriko eragile guztiei dei egin die egungo egoerari batasunetik aurre egiteko.

    Lehendakariak horrela adierazi du Industria Defendatzeko Taldeak Arabako Parke Teknologikoan (Miñano) egin duen hirugarren bileran. Bertan izan dira Mikel Jauregi Eusko Jaurlaritzako Industria, Trantsizio Energetiko eta Jasangarritasuneko sailburua, Noël D ‘Anjou Ogasun eta Finantzetako sailburua, Mikel Torres Bigarren lehendakariordea eta Ekonomia, Lan eta Enpleguko sailburua eta Amaia Barredo Elikadura, Landa Garapen, Nekazaritza eta Arrantzako sailburua.

    Pradalesek azpimarratu du Euskadi prest dagoela ziurgabetasun globalari erantzuteko, eta mezu argia helarazi die euskal enpresei eta langileei: “Pertsonak, enplegua eta gure enpresak babestuko ditugu. Ez zaituztegu bakarrik utziko. Ez dugu ahaleginik aurreztuko”.

    Jarduera-ardatzak

    Lehendakariak iragarritako neurri-sortak hiru jarduera-ildo nagusi ditu.

    Lehenik eta behin, pertsonak eta enplegua babestea. Eusko Jaurlaritzak 104,5 milioi euro banatuko ditu, honako hauek bultzatzeko:

    • Kontratazioa sustatzeko programak, diskriminazio positiboarekin, langabezian dauden pertsonentzat eta/edo eragindako enpresentzat (100 milioi).
    • Langabezia-prestazioen osagarriak ERTEko langileentzat (bi milioi).
    • “Aukera Berri” programa, AEBek muga-zergak ezartzeak eragindako sektoreetatik datozen pertsonak birkualifikatzeko eta birkokatzeko (milioi bat).
    • Gizarte-ekonomiarako ezohiko laguntzak, muga-zergen tasa berrien ondorioz zuzeneko galera ekonomikoak (1,5 milioi euro) izan dituzten lan-sozietateei eta kooperatibei aparteko neurriak ezartzeko.

    Bigarrenik, 2.000 milioi euro baino gehiago euskal enpresa-ehuna defendatzeko eta eraldatzeko, bereziki enpresa txiki eta ertainak:

    • Zuzeneko abalen eta finantzaketaren aparteko plan bat aktibatzea, Elkargirekin eta euskal finantza-erakundeekin lankidetzan (450 milioi).
    • Euskal Finantza Aliantza bultzatzea (1.000 milioi).
    • Industriari laguntzeko ildoa handitzea, bereziki balio erantsiko produktuen garapenari eta I+G+Bri lotutakoa (533 milioi).
    • Nekazaritza, abeltzaintza eta mahastizaintza eta ardogintza sektoreko enpresentzako laguntzak (5,5 milioi euro).
    • NEKAFIN, FEIrekin lankidetzan (25 milioi euro).

    Hirugarren jarduera-ardatz nagusia merkatu berriak bilatzera eta euskal enpresak nazioartekotzera bideratutako laguntzak handitzea izango da:

    • Merkatu berriak bilatzeko eta enpresak nazioartekotzeko laguntzak (32 milioi euro).

    Lehendakariak, bere hitzaldian, Euskadiren nazioartekotzearen aldeko apustua azpimarratu du eta, Asian, Afrikan eta Mercosur bezalako eskualdeetan merkatu berriak zabaltzeko eta aliantza estrategikoak sendotzeko beharra azpimarratu du. Aukera global berriak aztertzeko eta euskal enpresak egungo erronka geopolitikoen aurrean posizio lehiakorrean kokatzeko beharra defendatu du. Ildo horretan, Trumpen administrazioarekin negoziazioek aurrera egin ezean, Estatu Batuekin gerra komertziala izateko arriskua aipatu du. “Europak bide diplomatikoa agortu behar du, baina herrialde gisa prest gaude datorrenari aurre egiteko”, ohartarazi du. Lehendakariak berretsi du, Washingtonek bidezko akordio bat onartzen ez badu, Europak irmotasunez erantzun behar duela eta bere defentsa komertzialaren babesa aktibatu behar duela. “Euskal Autonomia Erkidegoa prest dago, kanpotik etorritako shock-ei nola aurre egin ikasi dugulako: pandemiak, Ukrainako gerrak edo 2008ko krisi ekonomiko-finantzarioak azkar eta eraginkortasunez erreakzionatzen erakutsi digute”.

    Era berean, Pradalesek batasuna eskatu du, zoritxarreko garaiei erantzun kolektiboa emateko. “Kaltetuak ez zarete bakarrik egongo. Babes hori modu bateratuan emango dugu: Jaurlaritzak, euskal enpresek, indar politiko ezberdinek, eragile sozialek eta herrialdeko erakundeek. Herri gisa erantzun behar dugu, denok batera. Azkartasuna eta bizkortasuna erantzunean, baina presarik gabe”, esanez amaitu du Lehendakariak.

    Industria Defendatzeko Taldea

    Industria Defendatzeko Taldeak hiru bilera egin ditu dagoeneko, eta lankidetza-gobernantzako gune egonkor gisa finkatu da, euskal industriak testuinguru global berrian dituen erronkei aurre egiteko. Eusko Jaurlaritzak, merkataritza-ganberek, foru-aldundiek, Confebaskek eta klusterren eta ekoizpen-sarearen ordezkariek osatzen dute foro hori, eta helburu hauek ditu: muga-zergen errealitateari buruzko diagnostikoak partekatzea, arrisku handiena duten sektoreen jarraipena egitea, laguntzeko politikak eta tresnak identifikatzea, eta zailtasunak aukera bihurtzeko gaitasun berriak aktibatzea.

    Lehenengo bileran, euskal enpresei modu aktiboan entzuteko prozesua jarri zen abian. SPRI Taldearen Basque Trade & Investment – Nazioartekotzeko Euskal Agentziaren bidez, 1.000 enpresari inkestak egin zitzaizkien, muga-zerga berrien aurrean haiek duten egoera zehatz-mehatz ezagutzeko. Entzuteko prozesu horretan sakondu da, 75 enpresarekin elkarrizketa pertsonalizatuak eginez. Gainera, muga-zergen eraginaren jarraipena egin da denbora errealean, eta Helpdesk plataforma bat zabaldu da enpresei informazioa eta aholkularitza teknikoa emateko muga-zergen inguruan.

    Bigarren bileran, entzute aktiboko prozesuaren emaitzak jarri ziren mahai gainean, eta diagnostiko bat egin zen. Era berean, Europako erakunde eta estamentuekin lehen alderatzea egin da, eta Europako Batzordeak aurkeztutako Lehiakortasunaren Iparrorratzaren gakoak aurreratu dira.

    Diagnostikoaren arabera, EAEko enpresen % 16k uste du muga-zergen gerrak eragin larria izango duela haien negozioetan, eta % 40k, berriz, uste du eragin hori txikia izango duela edo ez duela eraginik izango. Enpresen % 67k uste du EBk inportazioei oztopoak ezarri behar dizkiela Europako industria babesteko. Egoera horren aurrean, lehen neurria aurkeztu zen. Emisio Gutxiagoko Ibilgailuak programa. Honek 5 milioi euroko (handitu daiteke) aurrekontua du, ibilgailu berrien erosketa babesteko, errepideko garraioaren deskarbonizazio adimenduna bultzatzeko eta euskal ekonomiarentzat funtsezkoa den sektore bati (ia 40.000 pertsonari lana ematen dion automobilgintzaren sektoreari) laguntzeko helburuarekin.

    Hirugarren bileran —urgentziaz deitutakoa, Etxe Zuriak ezarritako elkarrekiko muga-zergen aurrean— 60 pertsona baino gehiagok hartu dute parte, Euskal Autonomia Erkidegoko erakunde nagusiak barne, baita Euskadiko Ekonomia Ehuna osatzen duten eragileak ere: kluster industrialak, merkataritza-ganberak, Elkargi, Confebask, sindikatuak eta muga-zerga berriek eragin handiena izan duten sektoreetako enpresen ordezkaritza bat.

Lotutako albisteak

Eusko  Jaurlaritzak  inoizko  aurrekontu  proiektu  handiena  onartu  du  zerbitzu  publikoak  indartzeko  eta  etorkizuneko  Euskadi  eraikitzeko

Eusko Jaurlaritzak inoizko aurrekontu proiektu handiena onartu du zerbitzu publikoak indartzeko eta etorkizuneko Euskadi eraikitzeko

Industria, Energia Trantsizio eta Jasangarritasun Sailak 676,1 milioi euroko aurrekontua izango du 2027an, aurreko urtekoaren %3,9 gehiago. Aurrekontuak euskal enpresen lehiakortasuna sustatzen du berrikuntza, digitalizazioa eta teknologia berrien adopzioa babestuz

Eusko  Jaurlaritzak  Indartuz  finantzaketa-lerro  bermatua  aktibatu  du,  Euskadiko  enpresa-sarea  eraldatzeko  finantzaketa  mobilizatzera  begira

Eusko Jaurlaritzak Indartuz finantzaketa-lerro bermatua aktibatu du, Euskadiko enpresa-sarea eraldatzeko finantzaketa mobilizatzera begira

Gobernu Kontseiluak hazkundea, digitalizazioa, deskarbonizazioa eta nazioartekotzea finantzatzeko beste tresna bat arautzen duen dekretua onartu du

Eusko  jaurlaritzak  gutxienez  400  milioi  euroko  inbertsio  programa  baten  kudeatzailea  hautatzeko  deialdia  egin  du
2026/09/10 Finantziazioa

Eusko jaurlaritzak gutxienez 400 milioi euroko inbertsio programa baten kudeatzailea hautatzeko deialdia egin du

Azpiegitura aurreratuetan inbertitzeko programa berri hau trantsizio energetikoari, eraldaketa digitalari, konektibitate aurreratuari eta euskal ekonomiaren lehiakortasunerako funtsezkoak diren beste azpiegitura batzuei lotutako proiektuak bultzatzera bideratuta dago.

Eusko  Jaurlaritzak  banaketa  sare  elektrikoko  inbertsioak  153  milioi  eurora  handitzea  onartu  du  2027rako

Eusko Jaurlaritzak banaketa sare elektrikoko inbertsioak 153 milioi eurora handitzea onartu du 2027rako

Hazkundea Eusko Jaurlaritzak sustatutako inbertsio gehigarrien onarpenari esker lortu da

Balenciaga  Shipyardek  bere  jarduerari  ekin  dio  berriro,  jabetza  berriko  lehen  ontziaren  gila  jarrita

Balenciaga Shipyardek bere jarduerari ekin dio berriro, jabetza berriko lehen ontziaren gila jarrita

Mikel Jauregi, Industria, Trantsizio Energetiko eta Jasangarritasun sailburua: “100 urteren ondoren Balenciagak berriro etorkizuna duela ospatzen ari gara gaur. Hilabete asko izan dira hotzez eta hodei beltzez beteta, baina inoiz ez dugu itxaropena galdu. Langileei eta haien familiei eskerrak eman nahi dizkiet Balenciagarengan sinesteagatik eta haien etorkizunaren alde lan egiteagatik erakundeekin...

Lortu  Berria:  industria-hazkundea  eta  -lehiakortasuna  mugatu  aurretik  kontuan  hartu  beharreko  seinaleak
2026/07/13 Finantziazioa

Lortu Berria: industria-hazkundea eta -lehiakortasuna mugatu aurretik kontuan hartu beharreko seinaleak

Lortu Berria aholkularitza adituko programak industria-enpresei eta industria-produktuari edo -prozesuari lotutako zerbitzu-enpresei laguntzen die hazteko, inbertitzeko edo erronka berriei aurre egiteko gaitasuna baldintza dezaketen finantza-, antolaketa- eta sozietate-faktoreak identifikatzen. 1.200.000 euroko aurrekontua duen zerbitzu honek 500 ordura arteko adituen laguntza eskaintzen du. Lehen fasea %100ean diruz laguntzen da, eta bigarrena...

Euskadiko  industria-lehiakortasuna  hazi,  dibertsifikatu  eta  indartzeko  inbertsio  berriak  bultzatzen  ditu  Dibertsifika  2026  programak
2026/06/29 Finantziazioa

Euskadiko industria-lehiakortasuna hazi, dibertsifikatu eta indartzeko inbertsio berriak bultzatzen ditu Dibertsifika 2026 programak

Euskal industria-enpresei hazteko, beren jarduera dibertsifikatzeko eta beren lehia-posizioa indartzeko aukera emango dieten ekoizpen-inbertsioko proiektuei laguntzeko 54 milioi euro bideratuko ditu Dibertsifika 2026 programa berriak. Programak deialdi bakar batean finkatzen du orain arte Indartu eta Gauzatu Industriak eskaintzen zuten laguntza, eta, hala, erraztu egiten du enpresa-eraldaketako proiektu estrategikoei ekiteko behar...

Industriaren  Euskal  Kontseiluak  Euskadi  2030  Industria  Planaren  lehen  jardueren  balantzea  egin  du

Industriaren Euskal Kontseiluak Euskadi 2030 Industria Planaren lehen jardueren balantzea egin du

Buru izan dira Ramiro González Arabako diputatu nagusia, Elixabete Etxanobe Bizkaikoa, Eider Mendoza Gipuzkoakoa eta Mikel Jauregi Industriako sailburua.

Mikel  Jauregi:  “Bilboko  Adierazpena  automobilgintza-sektore  europar  eta  jasangarriago  baten  aldeko  konpromisoa  da”

Mikel Jauregi: “Bilboko Adierazpena automobilgintza-sektore europar eta jasangarriago baten aldeko konpromisoa da”

Industriako sailburuak Automotive Regions Alliance (ARA) sarearen osoko bilkura inauguratu du gaur. Europar Batasuneko Eskualdeen Komitearen esparruan sustatutako sarea da, eta automobilgintzaren presentzia handia duten eskualdeak biltzen ditu. AIC-Automotive Intelligence Centerren egoitzan, Zornotzan, egin da bilkura

ArcelorMittal  Sestaoren  hazkundeak  industria-jarduera  bultzatzen  du  Euskadin

ArcelorMittal Sestaoren hazkundeak industria-jarduera bultzatzen du Euskadin

150 milioi euro inbertitu ondoren, planta prest egongo da 1,6 Mt ekoizteko gehienezko gaitasunera iritsi ahal izateko, eta 2008tik ez zen horrelakorik gertatzen

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.