SPRIk Eskualdeko Garapeneko Agentzien 26. Foroa antolatu du
SPRIk eskualde Garapeneko Agentzien Urteko Foroaren (ADR Foroa) 26. edizioa antolatu du maiatzaren 13an eta 14an. Ekitaldia Euskadiko Parke Teknologikoko Zamudioko campusean egingo da. Besteak beste, lehiakortasunerako Europako funtsa, Horizon Europe EBren finantzaketa-programa edo berrikuntzarako eta hazkunderako motor gisa talentua eta ekintzailetza landuko dira ekitaldi horretan.
ADR Foroa Espainiako eskualdeen garapenaren arloko ideiak eta esperientziak partekatzeko ekitaldirik garrantzitsuenetako bat da. Bilera horiek aukera ematen dute hainbat zuzendaritza nagusiren arteko elkarrizketa eta lankidetza sustatzeko, eta eskualde guztien artean erronka komunei aurre egin ahal izateko.
Aurtengo edizioa Euskadira iritsiko da eta maiatzaren 13an, asteazkenean, Joaquín Gómezek, eskualdeko agentzien presidenteak, eta SPRI Taldeko zuzendari nagusiak, Jon Ansoleagak, inauguratuko dute. Egun horretan, Jade Connoly Eurada elkarteko proiektu eta politikarien arduradunak lehiakortasunerako Europako funtsari buruz hitz egingo du.
Hurrengo jardunaldian, Horizon Europe programaren aukerei buruzko hitzaldia egongo da, eta bertan parte hartuko du Cristina Oyónek, SPRI Taldeko zuzendari ondokoak eta Euradako presidenteordeak. Ondoren, datuaren balioari buruzko mahai-ingurua egingo da, Nuria Peinado eta Zuriñe Aramburu IKT arloko zuzendariaren eta SPRIko aholkularitza juridikoko teknikariaren parte-hartzearekin, hurrenez hurren.
Eztabaida horren ondoren, talentuari eta ekintzailetzari buruzko beste bat egingo da eta Amaia Romerok (SPRIko ekintzailetza eta sustapen alorrekoa) moderatuko du. Honako hauek parte hartuko dute: Ane de Ariñok (Eusko Jaurlaritzako Ekintzailetza eta Nazioartekotze zuzendaria), Cristina Fanjul Anceseko presidenteak eta Asturiaseko CEEiko zuzendariak eta Rocío Castrillok (Enisako Ekintzailetza eta Estrategia zuzendaria).
