Zamudion egingo da ostiral honetan Urban Mobility Day, auto, motor, bizikleta eta patinete elektrikoekin esperimentatzeko
Txorierriko Mankomunitateko enpresek eta oro har, jendeak, autoak, motorrak, bizikletak eta patinete elektrikoak gidatu ahal izango dituzte Zamudioko Pinoa-Ibaia Enpresa Zentroan.
Sprilurrek bere Mugikortasun eta Garapen Jasangarriko Planaren barruan sartu du ekimen hau, 40. urteurrena ospatzen duen urtean.
Urban Mobility Days ekimenak, garraio eta mugikortasun jasangarria enpresa-segmentuari eta, oro har, publikoari ezagutzera ematea eta hurbiltzea xede duenak, beste hitzordu bat du datorren ostiralean, hilak 20, Zamudioko Pinoa-Ibaia Enpresa Zentroan (Pinoa etorb., 8).
Txorierriko enpresa- eta industria-inguruneetako langileek eta erabiltzaileek espazio mugatu bat izango dute ibilgailu elektrikoekin proba teorikoak eta praktikoak egiteko; horrela, ibilgailu elektrikoak erabiltzeko Txartel Jasangarri pertsonalizatua lortu ahal izango da. Mugikortasun elektrikoa esperimentatzeko ordutegia 10:00etatik 16:00etara izango da, eta interesa dutenek hemen eman beharko dute izena: URBAN MOBILITY DAYS-SPRILUR.
Urban Mobility Days ekimenak dibulgazio-saio teoriko-praktikoak egingo ditu Sprilurrek eta Industrialdeak izeneko sozietateek kudeatutako Bizkaiko eta Gipuzkoako enpresa-parke eta industrialdeetan. Zamudioko jardunaldi horrekin amaituko dira Bizkaian aurreikusitakoak, eta urriaren 27tik azaroaren 10era bitartean, Urban Mobility Days Gipuzkoara lekualdatuko da; hain zuzen ere, Pasaia, Eibar eta Donostiara.
Ekimenaren helburua Sprilurren Mugikortasun eta Garapen Jasangarriko Planaren barruan sartzen da, 40. urteurrena ospatzen den urtean, eta kudeatzen dituen enpresa-eremuetan ohitura jasangarriak sortzearen abantailak zabaltzea du xede, mugikortasun elektrikoa ekonomia- eta ingurumen-onura baterako integratuz, gasen emisioa murriztuz eta bizi-kalitatea hobetzen eta Euskadi 2030 Agendaren Garapen Jasangarrirako Helburuak betetzen lagunduz.
Esperimentatu mugikortasun elektrikoa!
| Izena eman nahi dut! |
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.