Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 16 urtarrila, 2024 Azpiegiturak Parke Teknologikoak

Euskadiko Parke Teknologikoak “campus anitzeko“ ereduaren aldeko apustua egin du, marka bakar berri eta web-atari berritu batekin

Euskadiko Parke Teknologikoa - Parque Tecnológico de Euskadi izango da dagoeneko aktibo dauden sei Campusen (Zamudio/Derio, Leioa, Donostia, Vitoria-Gasteiz, Hernani eta Abanto) eta proiektatutako hiruen (Ortuella, Bilbo eta Hondarribia) erreferentziazko marka
    • mendik aurrera, parke.eus webgunea plataforma integrala izango da, eta ekosistema teknologiko kohesionatuagoaren aldeko apustua islatzen duten tresna, eduki eta esperientzia bereizgarriak izango ditu.

    Euskadiko Parke Teknologikoa da bere Campusetako (sei aktibo eta hiru proiektuan) jarduera eta zerbitzuak bilduko dituen eta ekosistema teknologiko integratuago, kolaboratiboago eta eraginkorragoaren garapena bultzatu nahi duen marka berri bakarra. Marka berriaren aplikazioak berehalako isla du www.parke.eus webgune berrituan. Plataforma digital bihurtu da, eta bertan biltzen dira zientzia, teknologia eta berrikuntzaren euskal ekosistemari lotutako tresna, eduki, zerbitzu eta esperientzia guztiak.

    “Marka bakarraren eta webgunearen berrikuntza integralaren bitartez, urrats erabakigarria eman dugu parke-eredu eraginkorragoa eta kohesionatuagoa ezartzeko bidean”, ziurtatu du Itziar Epalza Euskadiko Parke Teknologikoko zuzendari nagusiak. Gogorarazi duenez, ekimen horiek garrantzi handia dute “gure kokapen desberdinen arteko sinergia indartzeko, lankidetza, ezagutza eta baliabide gehiago trukatuz, eta, azken batean, ekosistema teknologiko integratuagoa sustatuz”.

    Ildo horretan, web-atariak funtsezko erreferentzia-puntua izan nahi du berrikuntza eta garapen teknologikoa maila guztietan sustatzeko. Horretarako, ezaugarri hauengatik nabarmentzen den atari integrala aukeratu da: edukien bateratzea, irisgarritasun unibertsala, erabilerako esperientzia hobetua, malgutasuna edukien kudeaketan eta eguneratzean, markaren kohesioa eta sendotasuna, eta online ikusgaitasunaren hobekuntza.

    Komunikazioa, talentua, zerbitzuak eta merkataritza-kudeaketa

    Webgune baten ohiko funtzionaltasunez gain, plataforma komunikazio-tresna indartsua, talentua erakartzeko eta fidelizatzeko gune aktiboa eta kudeaketa komertzialerako tresna izateko pentsatuta dago. Parkearen errealitatetik eta konpromiso sozialetatik hurbilago dagoen esperientzia eskaintzeko ere balioko du.

    Euskadiko Parke Teknologikoko espazioen kudeaketa komertzialari dagokionez, nabarmentzekoa da plataforma berriak aukera ematen diola munduko edozein lekutan dagoen edozein enpresari Parkeko Campusetan modu pertsonalizatuan ezartzeko. Gainera, webgunean zuzenean kontsultatu ahal izango dira Euskadi eta, batez ere, Parke Teknologikoa, enpresa-proiektu bat garatzeko leku ezin hobea bilakatzen duten jarduera-datu nagusiak.

    Era berean, www.parke.eus webguneak oso espazio garrantzitsua eskaintzen die abangoardiako ekosistema enpresariala eta profesionala eraikitzeko punta gisa finkatu diren Parkeko zerbitzu bereizgarriei. Horrela, BEParke programaren bidez, hainbat zerbitzu-lerro eskaintzen dira, enpresen eta profesionalen artean konexioak eta negozio-aukerak sortzeko, proiektuak bultzatzeko, pertsonen talentua indartzeko, gure komunikazio-zerbitzuen bidez enpresak eta proiektuak ikusarazteko edo teknologiaren etorkizunari aurrea hartzeko.

    Gaurkotasunak eta albiste interesgarriek, Garapen Jasangarrirako Helburuetan izandako eraginak edo gizartearekiko konpromisoek –bokazio zientifiko-teknologikoen sustapena edo emakumeak zientzian duen presentziaren bultzada, esaterako– lehentasunezko lekua dute webgune berrian. Parkeak bere ingurunearekin dituen harremanetarako lehentasunezko kanal bihurtu nahi du.

    Azkenik, webgunea Parketik bultzatuta egongo diren komunikazio-ekintza guztien informazio-erreferentzia izango da. Ekintza horiek guztiek jarraipen espezifikoa eta nabarmena izango dute sare sozialetako kontuetatik.

Lotutako albisteak

9 apirila, 2024 Azpiegiturak
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
Irakurri gehiago
25 Marzo, 2024 Azpiegiturak
Sprilurrek eta Ihobek Euskadiko Lurzoru Estrategia partekatuko dute Bartzelonako Advanced Factories nazioarteko foroan
Irakurri gehiago
21 Marzo, 2024 Azpiegiturak
BIND 4.0, 25 hub onenen artean Europako startupetarako Financial Times-en arabera
Irakurri gehiago
1 Marzo, 2024 Azpiegiturak
Euskadiko enpresa liderrak martxoaren 1etik aurrera inskribatu ahal izango dira BIND 4.0 programan, startupekin berritzeko
Irakurri gehiago
4YFN Basque Tek Ventu 27 otsaila, 2024 Azpiegiturak
Eusko Jaurlaritzak eta SPRIk “deeptech” startupen sorrera babesteko Basque Tek Ventures ekimena aurkeztu dute Mobile World Congress biltzarrean
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak