SPRI Taldeak jakinarazi du abian jarriko duela Zibersegurtasun Industrialerako lehen laguntza programa
Beraizik zuzenduta dago enpresa industrialetan zibererasoetatik babesteko sistemen konbergentzia eta integrazioa lantzen duten proiektuei.
Zibersegurtasun arloko erakunde eta enpresak zibersegurtasun industrialari buruzko IndusSec kongresuan.
SPRI Taldeko zuzendari nagusi Alex Arriolak gaur jakinarazi du abian jarriko dela Zibersegurtasun Industrialerako lehen laguntza programa, manufakturako enpresa industrialetako IT/OT inguruneetan (Information Technology/Operational Technology) zibererasoetatik babesteko sistemen konbergentzia eta integrazioa lantzen duten proiektuei zuzendua dagoena.
Arriolak nobedade horren berri eman du Basque Cybersecurity Centre-k (BCSC) eta SPRI Taldeak antolatutako IndusSec2018 Kongresuan, zeinaren helburua baita ingurune industrialetako zibersegurtasunari buruzko ideiak, esperientziak eta kasu arrakastatsuak trukatzea.
Zibersegurtasun Industrialerako laguntza-programak 600.000 euroko zuzkidura izango du aurten, eta %50eko finantzaketa emango du hardwarean eta softwarean eginiko inbertsioak nahiz aholkularitzako edota ingeniaritzako gastuak estaltzeko, proiektu bakoitzak 18.000 euroko diru-laguntza jasoko duelarik gehienez.
Eusko Jaurlaritzak programa hori bultzatu du, konpromisoa hartua duelako zibersegurtasun industrialarekin eta konpromiso hori betez Zibersegurtasunerako Euskal Zentroa sortu zuelako joan den urrian. Javier Diéguezek, BCSCko zuzendariak, hitzaldi bat emango du kongresuan.
IndusSec2018 Kongresua
IndusSec kongresua Hernaniko Ideo-Orona eraikinean egiten ari da, eta bertan bildu dira Europa osoko adituak, hala nola: iHacklabs enpresako Samuel Linares, Europako Batzordeko ebaluatzailea, CIIP aditua ENISAn eta ISACAko Global Task Force Security erakundeko kidea; Edorta Echave, zibersegurtasun industrialeko ingeniaria eta aholkularia Innotec System enpresan, eta Zibersegurtasun Industrialeko Zentroko koordinatzailea; eta Ignacio Álvarez, Komunikazio eta Zibersegurtasun Industrialeko zuzendaria Siemens enpresan. Aditu horiek hizpide hartuko dute zergatik den garrantzitsua zibersegurtasun industriala gure enpresen lehiakortasunerako eta bideragarritasunerako, zeintzuk diren OT segurtasuna eta IT segurtasuna bereizten dituzten alderdiak, eta zergatik den zibersegurtasuna digitalizazioa ahalbidetzeko elementu bat.
Era berean, IndusSec kongresuan mahai-inguru bat egingo da, aztertzeko euskal enpresak prest dauden zibersegurtasun mehatxuei aurre egiteko. Mondragon Unibertsitateko Urko Zurutuza arituko da moderatzaile-lanetan, eta parte hartuko dute David Imizcozek (Nextel), Hugo Llanosek (LKS), Mikel Díazek (Jakincode), Alvaro Frailek (ITS), Iñaki Eguiak (RKL Integral) eta Elyoenai Egozcuek (S21sec).
Enpresen kasuek eta tailerrek buru emango diote zibersegurtasun industrialari buruzko kongresuari. Enpresen kasuen atalean arituko dira Batz S.Coop, Betapack Taldea eta, besteak beste, Euskotren. Eta hauexek izango dira tailerrak: “IT Zibersegurtasunaren arrakastak eta akatsak, OT Zibersegurtasunerako ikasitako lezioak”, Javier Jarautaren eskutik (SIA Taldeko aholkularitza zuzendaria); eta “Zibersegurtasun eskaerak eta arazoak enpresa industrialetan” Elena Garciaren eskutik (enpresa eta profesionalentzako zibersegurtasun zerbitzuen arduraduna INCIBEn).
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko