Enpresa japoniarrak Euskadi bisitatu dute euskal industria eolikoaren gaitasunak ezagutzeko
17 enpresa japoniar euskal industria eolikoaren gaitasunak ezagutzen ari dira egun hauetan Euskadin, Basque Trade & Investment, SPRI – Eusko Jaurlaritza Taldea Nazioartekotzeko Euskal Agentziak antolatutako misio batean, Japonia-Euskadi Urtearen barruan.
Apirilaren 20an eta 21ean, hogeita hamar enpresa japoniar ordezkari inguruk Bilboko portuko instalazioak, Tecnalia eta sektoreko beste euskal konpainia batzuk bisitatu dituzte. Ordezkaritzak Japoniako offshore sektore eolikoko enpresa garrantzitsuenetako batzuk ditu, esaterako Cosmo Eco Power, KEPCO, TEPCO, Japan Renewable Energy Cooperation, Mitsubishi, Marubeni, Mitsui, Toshiba, Nippon Carbon, besteak beste.
Basque Trade & Investment eta Japoniako Enbaxadak elkarlanean antolatutako ekitaldi bat izan zen Japoniako ordezkaritzaren misioaren inaugurazio abiapuntua. Enpresek bertatik bertara ezagutu ahal izan dituzte euskal enpresa-sareak sektore eolikoan dituen gaitasunak, Energiaren Euskal Klusterrak erakutsiak, bai eta mundu mailan erreferenteak diren enpresetako baten nazioarteko estrategia ere, Iberdrola, Iberdrola Renovableseko nazioarteko presidenteak, José Oriolek, aurkeztua.
Ekitaldian, halaber, sektore eolikoko balio-kate osoko euskal enpresen ordezkaritza ona izan zen. Enpresek Japoniak sektore honetarako dituen garapen-planak ezagutu ahal izan zituzten, Terasawa jauna, Japoniako Ekonomia, Merkataritza eta Industria Ministerioko ordezkaria eta Vercoutter jaunak, Erresuma Batuko MUGF banku japoniarraren zuzendariaren eskutik.
Ainhoa Ondarzabalek, Basque Trade & Investment-eko kontseilari delegatuak ekitaldia ireki zuen Japonia lehentasunezko merkatua eta Euskadirentzako bazkide estrategikoa dela azpimarratuz. Zentzu horretan, Ondarzabalek Energia berriztagarrien merkatuak herrialde honetan duen garrantzia nabarmendu zuen. Izan ere, 2030erako energia berriztagarrietan duen gaitasuna handitzeko planak daude eta, beraz, merkatu interesgarria da euskal enpresentzat. Hori dela eta, EAEko enpresak Japoniako merkatua aztertzera animatu ditu, epe laburrean agertzen diren aukerak direla eta.
Saio horien helburua Japoniako ordezkaritzak euskal industriaren gaitasunak sakon ezagutzea eta etorkizunean elkarrekin landu daitezkeen erronkak identifikatzea izan da.
Jardunaldia amaitu ondoren, bertaratutako euskal enpresek delegazioko 17 konpainia japoniarrekin bilerak egiteko, euren planak partekatzeko eta lankidetzak identifikatzeko aukera izan zuten.
BasqueTrade eta Japoniako Enbaxada elkarrizketa aktiboa izaten ari dira 2023an aurreikusitako ekintza guztiak koordinatzeko, Eusko Jaurlaritzak “Japonia-Euskadi urtea” izendatu duena. Ekimen honen helburua bi erakundeen artean lankidetza estua ezartzea eta Japoniak ekintza horietako bakoitzean parte hartzea da, bai erakunde-eragileen bidez, bai sektore pribatuaren bidez.
Lotutako albisteak
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Euskadik Alemanian duen posizioa indartu du, Bavaria nazioartekotzeko kanpamentu nagusitzat hartuta
Bavaria kanpamentu nagusirik egokiena da Alemanian euskal enpresentzat, hango enpresa-ekosistema dinamikorako sarbidea eta lankidetza-aukera estrategikoak lantzeko aukera eskaintzen dizkien heinean
Euskadik eta Txinako Jinan hiriak automobilgintza, manufaktura aurreratua eta energia berrien arloetako lankidetza sendotu dute
Memorandum of Understanding (Elkar Ulertzeko Memoranduma-EUM) hitzarmena sinatu dute Industriako sailburuorde Andoitz Kortak eta Jinan hiriko Udal Herri Gobernuko alkateordeak, Xie Kun jaunak
Kelias, sei hamarkada errepideen eta hirien seinaleztapen egokia, segurua eta jasangarria egiten
Enpresak administrazio publiko nazionalekin lan egiten du, hala nola udalekin eta eskualdeko gobernuekin, eta Suitzako eta Txileko bezeroak izan ditu.
Amaierako topaketa batekin itxi da B-WOMENIN Globalaren lehenengo edizioa eta helburu berriak zehaztu ditu nazioartekotzean emakumeen lidergoa sustatzeko
30etik gora profesionalek B-WOMENIN Globalaren inpaktuaz gogoeta egin eta hainbat ekintza proposatu dituzte aurrera egiten jarraitzeko