SPRI Taldeak Basque Industry 4.0 estrategiaren tresnak aurkeztuko ditu ekainaren 4tik 6ra BECen egingo den +Industry ekitaldian
Alex Arriolak azaldu du Eusko Jaurlaritzak bere babesa ematen diela 4.0 Industriaren arloko sentsibilizazio-ekimenei, teknologiari buruzko ezagutza-trukeei eta lankidetzako sare publiko-pribatuei
SPRI Taldeko zuzendari nagusi Alex Arriolak gaur azaldu du Eusko Jaurlaritzako Ekonomi Garapen eta Azpiegitura Sailak eta SPRI Taldeak beren babesa ematen dietela 4.0 Industriaren arloko sentsibilizazio-ekimenei, teknologiari buruzko ezagutza-trukeei eta lankidetzako sare publiko-pribatuei, esaterako, datorren ekainaren 4tik 6ra Barakaldoko BECen egingo den +Industry ekitaldiari, zeina gaur bertan aurkeztu baitute BECeko zuzendari nagusi Xabier Basañezek eta Arriolak berak.
Alex Arriolak adierazi du SPRI Taldeak parte hartuko duela +Industry ekitaldian egingo diren zazpi jardueretako batean (BeDigital), zeintzuetan aurkeztuko diren Basque Digital Innovation Hub zentroa (prestakuntza, ikerketa, proba eta baliozkotzea helburu duen fabrikazio aurreratuko aktibo eta zerbitzuen sare konektatua, Euskadiko ETEei eskaintzen zaiena onlineko plataforma baten bidez), Basque Industry 4.0 estrategia eta bere baitako laguntza programak. Gainera, Basque Cybersecurity Centre (BCSC) – Zibersegurtasuneko Euskal Zentroko zuzendari Javier Diéguez moderatzaile arituko da gai horri buruzko mahai-inguru batean.
Prentsaurreko berean, SPRI Taldeko zuzendari nagusiak jakinarazi du azaroaren 20an eta 21ean Euskadiko 4.0 industriaren erreferentziazko ekitaldi bat egingo dela BECen: “Basque Industry 4.0-The Meeting Point”. Aurtengo edizioan ekitaldi horrek bere baitan hartuko du digitalizazio industrialaren alderdi oinarrizkoenetako bat, zibersegurtasuna, eta zehazkiago, Basque Cybersecurity Day.
+Industry
Xabier Basañezek azaldu du Bilbao Exhibition Centre-k zazpi azoka jarriko dituela industria aurreratuenaren zerbitzura ekainaren 4tik 6ra egingo den +Industry ekimenean. Plataforma horren barruan hainbat ekitaldi paralelo egingo dira: Azpikontratazioa, Industry Tools by Ferroforma, Addit3d, BeDigital, Maintenance, Pumps&Valves eta Fitmaq eta Workinn enplegu-foroa. 35 herrialdetako 1.300 konpainia inguru, 100dik gora hizlari, sektore guztietako nobedadeak eta fabrikazioaren nahiz banaketaren arloetako nazioarteko bisitariak protagonista izango dira topaketa handi horretan, zeinaren bereizgarria baita profesionalen arteko sinergiak, “Azokak batuz, industria sortuz” lelopean.
Hiru jardunalditan, 1, 3 eta 5 pabilioiek 4.0 ikuspegiaren araberako ibilbide bat eskainiko dute industriarako fabrikazio prozesuetako eta hornikuntzetako produktu eta zerbitzuetan barrena, elkarrekin konbinatuz erakusketa komertziala eta jardunaldi teknikoak, zuzeneko erakustaldiak, speakers’ corner direlakoak eta B2B topaketen programak. Hainbat sektoretako profesionalek (aeronautika, automozioa, ekipo-ondasunak, burdinbideak, ingeniaritzak, makina-erreminta, ontzigintza, petrokimika, banaketa-kanalak, hornikuntza industrialen biltegiak, burdindegi kooperatibak edo erosketa-taldeak) dagoeneko eman dute izena hitzordu honetan.
Industriak eta zerbitzu aurreratuek -Euskadin ekonomiaren %55,7 ordezkatzen dute- eszenatoki konplexu eta anbiziotsu bat planteatzen dute, teknologiari eta lan-sare publiko-pribatuei buruzko ezagutza handiak eskatzen dituena. Testuinguru horretan, +Industry aukera paregabea da ezagutza partekatzeko, konponbide berriak eskuratu edo zuzenean erakusteko eta negozioak ixteko, bertan izango direlako I+G+B-rekin eta fabrikazio adimendunaren paradigma berriekin konprometitutako enpresak eta erakunde publikoak. Eusko Jaurlaritzako Ekonomi Garapen eta Azpiegitura sailburu Arantxa Tapiak inauguratuko du +Industry.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko