Euskara industrian
Albisteak 13 abendua, 2024

IndeusBerri: industria eta euskara uztartzen dituen informazioaren topagunea

Gaur albiste dira Bizkaiko Foru Aldundiaren 'Enpresa Berdea', Arabako Enpresen Foroa, Danobatgroup, Leartiker, PUNTUEUS eta Deustuko Unibertsitatea, eta Datuen zientzia.
-

Gabonillaren erdira iristen ari garenean, negua ere bertaratuta, hainbat albiste interesgarri bildu ditugu gaurko Indeusberrin. Hasteko, Bizkaiko Foru Aldundiak abenduaren 18rako antolatutako jardunaldia; ondoren, asteazkenean egin zen Arabako Enpresen Foroa eta Danobatgroupek talentuaren inguruan egindako ekimena; jarraian PUNTUEUS eta Deustuko Unibertsitateak sinatutako hitzarmena eta Leartiker zentro teknologikoaren partehartzea izan duen egitasmo europarra. Amaitzeko, gure hiztegiko kontzeptu berri bat: Datuen zientzia.

Danobatgroupek talentu gaztearen sormena eta berrikuntza proban jarri ditu Hackathon batean. Esparru akademikoa errealitate profesionalarekin lotzeko hartuta duen konpromiso irmoaren barruan, Danobatgroup talde industrialak hackathon bat antolatu zuen joan den astean Tecnun Nafarroako Unibertsitatearen Ingeniaritza Eskolako Ingeniaritza Industrialeko Masterreko ikasleekin, sektoreko etorkizuneko profesionalen sormena, berrikuntza eta talde lana proban jartzeko. Jardueran 53 ikaslek parte hartu zuten, 11 taldetan banatuta, eta jardueraren helburua zen taldearen partner teknologikoa den IDEKOren instalazioetan erronka tekniko bati modu autonomoan irtenbidea ematea.
Euskararen erabilera areagotzeko konpromisoa hartu dute arabako 24 enpresek eskuara zerbitzuarekin hitzarmena sinatuta. Arabako enpresetan euskara erabilera areagotzeko konpromisoa hartu dute lurraldeko 24 enpresek Eskuara zerbitzuarekin hitzarmena sinatuta. Lanabes egitasmoaren barruan kokatzen da zerbitzua, eta asteazken goizean egin zuten sinadura ekitaldia Arabako Enpresen Foroaren XI. Edizioan. Honako enpresa hauek sinatu dute hitzarmena Eskuara-rekin: Adigrafik, Aenkomer, Aiaraldeko Faktoria, Angostoko Kanpinga, Asafes, Ciudad Jardin, Ediren, Egibide LH, Eraiken LH, Eska Hiunday, Galemys, Gamarra LH, Grafik Sarea, Idarte LH, Irsearaba, Iza, Laudioalde LH, Mendizabala LH, Metaposta, Mutualia, Sartu Araba, Sirimiri, Tartekamedia eta Uriarte.
Trantsizio ekologikoa bultzatuz, Bizkaiko hazkunde ekonomikoaren eredu berriaren eragile gisa. Datorren abenduaren 18an, Enpresa Berdea programaren barruan, Bizkaiko Foru Aldundiak bultzatutako Orekan Sakonduz sarea osatzen duten Garapen-agentziak, Aclima, Basque Environment Cluster-ekin lankidetzan, Trantsizio ekologikoa bultzatuz, Bizkaiko hazkunde ekonomikoaren eredu berriaren eragile gisa jardunaldian parte hartzera gonbidatzen zaituztegu. Jardunaldian zehar, Itun Berdeak Bizkaiko ETEen lehiakortasunaren katalizatzaile gisa dituen aukerei buruz hausnartuko dugu, ingurumen-irizpideak aplikatuz. Gainera, Bizkaiko industria-sarearen trantsizio ekologikoa bultzatzera bideratutako Bono Berdearen onuradun izan diren enpresen benetako esperientziak partekatuko ditugu.
“Datuen zientzia” Industria Berriaren Spri Hiztegian. Diziplina anitzeko multzoa, estatistika, probabilitatea, informatika eta datuen bisualizazioa konbinatzen dituena datu-multzo heterogeneo batetik (irudiak, soinua, testua, datu genomikoak, sare sozialen loturak, neurri fisikoak, etab.) ezagutzak eta ideiak ateratzeko. Adimen artifizialetik eratorritako metodo eta tresnak talde honen parte dira. Kontzeptu hau eta beste ehundaka kontzeptu aurki daitezke Industria Berriaren Spri hiztegian.
Lankidetza hitzarmena PUNTUEUS eta Deustuko Unibertsitatearen artean. Deustuko Unibertsitateak eta PUNTUEUS Fundazioak lankidetza-hitzarmena sinatu zuten azaroaren 27an, Deustuko Unibertsitateko Donostiako campusean. Josu Waliño Pizarro, fundazioaren zuzendari nagusia eta Juan José Etxeberria Sagastume, Deustuko Unibertsitateko errektorea, izan ziren sinadura ekitaldian. PUNTUEUS Fundazioa .EUS domeinuaren kontrolaz, administrazioaz eta kudeaketaz arduratzen da, bere misioa euskal gizartearen transformazio digitalean euskaratik eragitea da.
Leartiker zentro teknologikoaren partehartzea izan duen LEVIS Green Vehicles egitasmoak emaitza bikainak lortu ditu Arintasuna ezinbesteko ezaugarria da automobilgintzako aplikazioetan, oro har, eta bereziki ibilgailu elektrikoetan, ibilgailuaren eraginkortasuna hobetzen laguntzen baitu, km-ko kontsumitutako kWh-ari eta ibilgailuaren autonomiari dagokienez. Pisua murrizteak ibilgailu elektrikoen merkatua azkarrago haztea ekarriko du (barne-errekuntzako motordun ibilgailu tradizionalen ordezko gisa), eta horrek, azken batean, 2050erako berotegi-efektuko gasen emisioak murrizteko helburua lortzen lagunduko du. Leartiker zentro teknologikoa LEVIS Green Vehicles ekimenean murgilduta egon da lau urtez

Lotutako albisteak

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira ETEKIN ekonomia topaketak, Zibersegurtasuna BeDigital azokan, Bai Euskarari Sariak eta Kontzeptu-proba.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira BeDigital azokako euskarazko jardunaldia, ChatGPTri buruzko ikastaroa, Enpresarean Foroa, Adimen Artifizialak lagundutako kontroldun irudiak sortzea eta Kontrol industrialerako sistema.

Industriaren  Eraldaketa  Digital  Segurua  jardunaldia  antolatu  dute  INDEUSek  eta  CYBASQUEk  euskaraz  BeDigital  azokarako

Industriaren Eraldaketa Digital Segurua jardunaldia antolatu dute INDEUSek eta CYBASQUEk euskaraz BeDigital azokarako

Ekainaren 4an egingo da, 'Zibersegurtasunaren erronkari erantzun, industria lehiakorrago eta seguruago bat eraikitzeko' izenburupean.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira Adimen Artifiziala eta irudiak sortzea, ChatGPT ikastaroak, Bai Euskarari ziurtagiriak 25 urte eta Txartel adimendun.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira Adimen Artifizialaren inguruko ikastaro bat, Euskaraldia, Ekintzaile eta Barnekintzaile laguntza-programak, Udaltop eta Blockchain laborategi.

EUSKARALDIA  iritsi  da  SPRI  Taldera

EUSKARALDIA iritsi da SPRI Taldera

SPRI Taldeko erakundeekin batera Bizkaia Plaza eraikinean kokatutako gainerako erakunde publikoek elkarrekin ospatu dute Euskaraldiaren hasiera.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira ChatGPT ikastaroa, INDEUSeko Lantaldeak, EnpresaBIDEA, Euskal Bideokojoak, Udaltop eta Hiztegi-eraso

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Albiste dira gaur Gladys Saria, Bideojokoen industriaren egoerari buruzko jardunaldia, EnpresaBIDEA eta Enkriptatze.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira Arabako Enpresen Foroa, Bideojokoen industria Euskal Herrian, ChatGpt eta Konbergentzia teknologiko.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.