IndeusBerri: industria eta euskara uztartzen dituen informazioaren topagunea
Aurrera doa loraila eta aurrera IndeusBerri. Gaurkoan Adimen Artifizialeko euskal zentroak enpresentzat landutako kode etikoari buruzko informazioa dakarkizuegu, baita Elkarrengandik ikasiz ekimeneko bigarren solasaldiari buruzkoa ere. CAF-ELHUYAR Sarien aipamenak eta industria berriaren hiztegitik hartutako berba berriak, CPSk, osatzen dute gure gaurko agerraldia.
Abian da 2024ko CAF-Elhuyar sariketa konta(kta)tu lelopean.Zientzia eta teknologiaren arloko gaiak eta ikerketak euskaraz gizarteratzeko lanak aitortzea eta bultzatzea du helburu sariketak, eta Elhuyarrek antolatzen du, CAF enpresarekin batera, NEIKERen babesarekin. Aurtengo edizioaren leloa konta(kta)tu da. Hain zuzen ere, bi helburu ditu sariketak: egileak (zientziazaleak, zientzialariak, eragileak) beren jakintza, ikerketa edo egitasmoen berri ematera bultzatzea, alegia, kontatzera gonbidatzea; eta, horrekin batera, jendearen kezkei, beharrei edo interesei erantzutea, hau da, gizartearekin konektatzea. CAF-Elhuyar sariketak oraingo honetan, beraz, kontatzera eta konektatzera animatzen ditu zientzialariak eta zientziazaleak.F-ELHUYAR Sarien 2024ko edizioa abian da.
“Aniztasunaren kudeaketa enpresetan” izango dute hizpide datorren astearteko Elkarrengandik ikasiz solasaldian.Maiatzaren 14an etorriko da Elkarrengandik ikasiz ekimenaren aurtengo edizioko bigarren solasaldia. Javier Arrieta Idiakez Deustuko Unibertsitatekoa eta Iñaki Lete Jauregi ABB Niessen enpresako ordezkaria izango dira solaskide EnpresaBIDEA egunkariko Joanes Marquet Lopetegi kazetariaren gidaritzapean.Aniztasunaren kudeaketa enpresetan izango da solasaldiaren ardatz nagusi. Maiatzaren 7an hasi da aurtengo edizioa, Lana eta osasun mentala aztergai hartuta, Osalan, Eragintza Fundazioa eta Orkliko ordezkarien eskutik, Euskadi Irratiko Arantxa Artzak gidatutako mahai inguruan. Azken solasaldia maiatzaren 21ean egongo da ikusgai eta Talentua izango du hizpide SPRIk gidatuko duen topaketan.
5 gako zure enpresan BAICen kode etikoa ezartzeko.AA modu etikoan ezartzea funtsezkoa da erakundeetan, onurak maximizatzeko eta arriskuak minimizatzeko. Horregatik, BAICetik
Euskadiko industria-ingurunerako berariazko Kode Etikoa sortu genuen, OECDren eta UNESCOren Europako jarraibideetan oinarrituta, eta erakundeak AAren aplikazio arduratsu batera
bideratzen ditu. Kode horrek, praktika etikoekiko konpromisoa sendotzeaz gain, erakundeak AA fidagarri eta arduratsuaren garapenean aitzindari gisa kokatzen ditu, eta oinarri sendoa ezartzen du enpresa-ingurunean modu eraginkor eta seguruan
integratzeko. Halaber, MondAI Reading berri honetan, gure kode etikoa zure erakundean eraginkortasunez ezartzeko ezinbesteko 5 gako
aurkezten dizkizugu.
“CPS” Industria Berriaren Spri Hiztegian.Algoritmo informatikoek kontrolatutako edo monitorizatutako mekanismoa, Internetarekin eta haren erabiltzaileekin estuki integratuta dagoena. Teknologia informatikoak, elektronikoak eta komunikazio-arlokoak edozein motatako gailuetan ezarriz gero, “adimendun” bihurtzen dira gailu horiek eta, beraz, eraginkorragoak. Sistema ziberfisikoak txertatuta daude gure garraio-sistemetan, automobiletan, fabriketan, industria-prozesuetan, ospitaleetan, bulegoetan, etxeetan, hirietan eta gailu pertsonaletan, eta elkarren artean lotutako elementuen belaunaldi berri bat osatzen dute.
