Albisteak 27 otsaila, 2023

Euskadi, startupentzako eta berrikuntza irekirako erreferentziazko hub-a; 20 teknologia baino gehiago ordezkatuta Mobile World Congress-en

4YFN topaketaren hiru egunetan, Up!Euskadiren erakusketa-standa bisitatu ahal izango da. Stand horretan, 20 startup teknologikok hartuko dute parte.

4.0 industriako zenbait euskal konpainia, 20 startup eta startupak sortzeko eta bizkortzeko euskal sistemako eragileak otsailaren 28tik martxoaren 2ra bitarte bilduko dira Bartzelonan, 4YFN izenekoan, hau da, MWCren (Mobile World Congress) barruko startupen nazioarteko biltzarrean.
Euskal Ekintzailetza Sistemak (Up!Euskadi) 1.000 euskal enpresa teknologiko berri baino gehiago ditu erregistratuta dagoeneko.
Euskadik sendotu egin du startupak bizkortzeko eta berrikuntza irekirako ekosistema gisa duen posizioa, ETEen eta sozietate publikoen eraldaketa digitala erraztera bideratutako ekintzen bidez.
Eusko Jaurlaritzak startup deeptech berrien venture builder bat jarri du abian, Basque Tek Ventures izenekoa. Ekimen berria inpaktu handia duten eta Euskadiko I+Gko eragileek sortutako teknologian oinarrituta dauden enpresa-proiektuen sorkuntza katalizatzeko eta bizkortzeko helburuarekin sortu da.

Euskadik erreferentziazko hub-a izaten jarraitzen du nazioartean startupentzat, eta 4YFN (Four Years From Now) izeneko topaketan parte hartuko du. Startupen munduko topaketa nagusietako bat da, eta Bartzelonan egingo da otsailaren 27tik martxoaren 2ra bitarte, Mobile World Congress-en (MWC). Ekitaldiaren barruan, Euskal Ekintzailetza Sistemak (Up!Euskadi) startupak bizkortzeko, I+Garen baloraziotik abiatuta startupak sortzeko eta industriako berrikuntza irekirako azken ekimenak aurkeztuko dizkio nazioarteko komunitateari.

Gainera, Eusko Jaurlaritzako eta SPRI taldeko ordezkariek 20 startup berrirekin, 4.0 industriako euskal konpainiekin eta ekintzailetza-sistemako eragileekin batera joango dira aurten nazioarteko topaketa horretara, abian jarri dituzten azken ekimenak eta arrakasta-kasuak aurkeztera. Up!Euskadik erakusketa-eremu batekin parte hartuko du 4YFN topaketan Euskadi ordezkatzeko. Nolanahi ere, joan den urtean sistemako eragileei buruzko informazio irekiko plataforma aurkeztu ondoren, soluzio teknologikoko 1.000 enpresa berri baino gehiago ditu erregistratuta dagoeneko. Enpresa horiek 8.000 lanpostu baino gehiago sortu dituzte.

Abian jarri diren proposamen berrien artean, Basque Tek Ventures izenekoa dago. Transferentzia teknologikoko venture builder bat da, eta etorkizunik handieneko teknologien merkaturatzea bizkortzea eta enpresa-sare berria sortzea du helburu. Ekimen berria SPRIk zuzentzen du Basque Research & Technology Alliance-rekin (BRTA) eta Euskadiko BICen sarearekin lankidetzan, eta puntako teknologiako ekintzailetzaren ezaugarrietara egokitutako laguntza-zerbitzuen ibilbide oso bat eskaintzen du. Gainera, alderdi kritikoak azpimarratzen ditu, hala nola horrelako proiektuak zuzentzeko beharrezkoa den talentua erakartzea.

Bestalde, Basque Tek Ventures-ek horrelako proiektuen beharretara egokitutako finantzaketa-tresna berri bat du. Transferentzia teknologikoko funts berri horrek enpresa berrietan inbertituko du, eta “heriotzaren harana” (sortzen ari diren enpresentzako arrisku eta ziurgabetasun handiko aldia) zeharkatzeko beharrezkoa den finantzaketaren ekarpena egingo du.

Berrikuntza irekiko plataformaren ekimen berriak

SPRI Taldeak eta Up!Euskadik berrikuntzaren eta ekintzailetzaren alde egindako apustuen artean, BIND 4.0 izenekoa dago. Industria adimenduneko berrikuntza irekiaren plataformarik handiena da, eta 2016. urteaz geroztik dihardu. Haren bizkortze-programak bete dituen zazpi edizioetan, 200 startup bultzatu eta 290 proiektu garatu dira, eta 7,5 milioi eurotik gorako fakturazioa egin da.

Berritasun gisa, ETEen eta startupen lankidetzara bideratutako BIND 4.0 SME Connection izenekoaren bigarren edizioa eta Euskadiko hainbat sozietate publikoren parte-hartzea duen BIND 4.0 GovTech ekimen pilotu berria atera ditu aurten BIND 4.0 plataformak, startupekin lankidetzan digitalizazio-prozesuan aurrera egiteko helburuarekin. Bi deialdi horiek otsailaren 3ra arte egon dira zabalik, eta 300 pertsonak baino gehiagok eman dute izena aurkeztutako 17 erronka teknologikoetan.

20 euskal startup Mobile World Congress-en

4YFN topaketaren hiru egunetan, Up!Euskadiren erakusketa-standa bisitatu ahal izango da. Stand horretan, 20 startup teknologikok hartuko dute parte, eta hainbat soluzio disruptibo erakutsiko dituzte adimen artifizialaren, big dataren eta errealitate birtual eta areagotuaren bitartez, besteak beste. Gainera, BIND 4.0 plataforman parte hartuko duten startupek beren berrikuntza irekiko arrakasta-kasuak azalduko dituzte, garatu zituzten enpresa partnerrekin batera.

4YFNko topaketen artean, Teknologiako, Berrikuntzako eta Eraldaketa Digitaleko sailburuorde Estibaliz Hernaezek Banco Sabadell saioetan parte hartuko du, eta BIND 4.0 plataformako enpresen eta startupen arteko lankidetza-ereduaren arrakasta aurkeztuko du.

4YFN topaketan beren teknologiak eta proiektuak aurkeztuko dituzten euskal startupak honako hauek dira:

Up!Euskadi-ren 4YFN ekitaldiko agenda

Otsailaren 27tik martxoaren 2ra:

Iraunkorra – Up!Euskadi-ren standeko erakusketa 8.1 hallean.

Otsailaren 28a

11:15 – BIND 4.0 plataformaren arrakasta-kasuak aurkezteko mahai-ingurua (“Basque Open Innovation in Action”), Stand Banco Sabadell-ekin lankidetzan eta Angulas Aguinaga, Erreka eta Iberdrola enpresa partnerren eta CL Circular, Naru Intelligence eta Data Value Management startupen parte-hartzearekin.

Martxoaren 1a

11:15 – BIND 4.0 plataformaren aurkezpena eta haren startupen pitching-saioa MWCko Pitching state izenekoan. Parte hartuko duten startupak:
- Naru Intelligence Solutions SL
- Data Value Management
- Bexreal
- Circular Genie
- OSANE Consulting
- Euskal Oxcitas Biotek
- Trak

Lotutako albisteak

09/05/2025 Ekintzailetza

Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan

Maiatzaren 16an irekiko ditu SPRIk Ekintzaile eta Barnekintzaile programak

08/05/2025 Adimen Artifiziala

Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari

Enpresak aktiboak monitorizatzeko sistemak garatzen ditu prozesu industrialak hobetzeko

27/04/2025 Ekintzailetza

Eusko Jaurlaritzak startup disruptiboen talentua eskuratzeko aukera emango die EAEko ETEei

SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.

24/04/2025 Berrikuntza

ESGI 188 (European Study Group with Industry) Bilbon izango da 2025eko maiatzaren 26tik 30era

Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.

21/04/2025 Ekintzailetza

Zinemaldia Startup Challenge 2025

Izen-ematea: apirilaren 15etik ekainaren 2ra arte

28/03/2025 Berrikuntza

NudgeXperience Bilbon: CX eta Portaera Zientzien ekitaldia

Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua

28/03/2025 Up Euskadi

Wake Up! Albiste ekintzaile batzuk sarean 250324

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

24/03/2025 Ekintzailetza

Zabalik dago MAKE IN! Ekintzailetza Industriala programaren 4. ediziorako izen-emate epea

Apirilaren 25a izango da programan izena emateko azken eguna

21/03/2025 Ekintzailetza

Wake Up! Albiste ekintzaile batzuk sarean

20/03/2025 Ekintzailetza

Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak

Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza

Joan blogera

Bilaketa iragazi