BIND 4.0 2021

Goi-mailako bezero industrialekin harremanetan jartzeko aukera bermatzen duen startup-azeleragailua

Aurkeztu zure
proiektua orain

BIND 4.0 2021

BIND 4.0 berrikuntza irekiko plataforma bat da, enpresa eta startup teknologikoen arteko elkarreragina dinamizatzera bideratua dagoena.

Epeak

Hasiera data: 2021/07/07

Amaiera data: 2021/09/10, 24:00retan

BIND 4.0k hiru helburu nagusi ditu:

  1. Euskadiko industria-ekosisteman startupen garapena bizkortzea
  2. Enpresen eraldaketa digitala sustatzea
  3. Euskadiko ekosistema industria-ekintzailetzako hub aurreratu gisa kokatzea.

Hiru helburu horiei esker nazioartean berrikuntzaren, teknologiaren eta ekintzailetzaren aldeko apustu handiena egiten duen programetako bat bihurtu da. Horrela, programa 2016an abian jarri zenetik 130 startup baino gehiago azeleratu dira eta 200 proiektu baino gehiago garatu dira, eta 6,5 milioi eurotik gorako fakturazioa gainditu da.

BIND 4.0k urtero bilatzen ditu startup teknologiko berritzaileenak, nazioartean erreferentzia diren 65 enpresa laguntzaile handiren bidez proiektu disruptibo berriak sortu ahal izateko. Seigarren edizio honek industria adimendunaren, energia garbi eta jasangarriaren, elikaduraren eta osasunaren arloko hautagaitzak hartuko ditu irailaren 10era arte.

65 trakzio-enpresa horiek arduratuko dira azkenean programaren seigarren edizioan parte hartuko duten startupak hautatzeaz. Iaz aurkeztu ziren 750 hautagaitzetatik, aurreko edizioan baino % 30 gehiago, BIND 4.0ko konpainiek guztira 31 startup hautatu zituzten, eta 40 proiektu garatu dituzte.

Azelerazioaren eta berrikuntza irekiaren programan sartzen direnean, BIND 4.0k startupei eskaintzen dien abantaila handietako bat teknologia berrien, berrikuntzaren eta ekintzailetzaren arloko merkatu-estrategiak, enpresak, azeleratzen adituak diren 40 bat mentoreren laguntza da. Horrez gainera, inbertsio-aukera ezberdinak izango dituzte, programaren Venture Club bati esker.

BIND 4.0 berrikuntza irekiko plataforma dinamiko bezala sendotu da. Plataforma horrek startupekiko lankidetza azkartzen du eta teknologia berriak txertatzen laguntzen du, enpresen eraldaketa digitala bizkortuz.

 

Aukera paregabea enpresek mundu osoko talentu onena eskuratu eta proiektu berritzaileenak ezagutu ditzaten.

Euskadin 4.0 Industria garatzeko apustuaren emaitza da BIND 4.0.

Laugarren Iraultza Industriala funtsezkoa da euskal enpresarentzat. Iraultza horren helburua da lantegiak digitalizatzea, talentua eta startup onenak erakartzeko mundu mailako lehiaren markoan.

Helburu horrekin elkartu dira EAEko eragile publikoak (Eusko Jaurlaritza, SPRI Taldea, Foru Aldundiak eta BIC Araba, Bizkaia eta Gipuzkoa enpresa eta berrikuntza zentroak) eta Euskadin kokatutako 57 korporazio pribatu garrantzitsu nahiz nazioarteko punta-puntako hainbat konpainia, hala nola, Siemens, Microsoft eta Amazon Web Services (programako kolaboratzaile teknologikoak).

Euskal enpresa handiak interesaturik daude konponbide teknologiko berriak eskain ditzaketen startupetan eta, interes horren osagarri, BIND 4.0 programak laguntza eskaintzen die startup horiei fakturazio arloan, merkatura sartzen laguntzen die izen handiko bezeroen bitartez eta inbertsioak edota finantzaketa lortzeko aukera ematen die beren garapenaren hasierako fasean. Hala, bi helburu konbinatzen dira: enpresa-proiektu gorakorrak azeleratzea eta konpainia sendoen eraldaketa digitala bultzatzea.

BIND 4.0k eskaintzen dizu

STARTUPentzat

Benetako proiektuak benetako fakturazioarekin.
Bezero handi baten erreferentzia.
Startupak azkartzeko aukera.
Finantzaketa edo/eta inbertsioak eskuratzeko aukera.

ENPRESEntzat

Talentua eskuratzeko aukera.
Teknologia eta konponbide berritzaileak txertatzeko aukera.
Dibertsifikatzeko aukera.

EUSKADIrentzat

Ekintzailetza industrialaren munduko mapan kokatzea.
Industria sektorea hobetzeko eta garatzeko aukera.

BIND 4.0k ematen dizu

  • Lanerako guneak eta euskarri teknologikoa.
  • Gaitasun komertzial berriak garatzeko aukera eta Alumni programa.
  • Enpresa eta startupen arteko mentoring eta networking jarduerak.
  • Dirulaguntzak eskuratzeko aukera.
  • Nazioarteko startupak ostatatzeko laguntza.
  • Ikusgarritasuna eta posizionamendua nazioarteko merkatuetan.

Zure enpresak laguntza hau jaso dezake

Munduko edozein tokitako startupak, baldin eta 4.0 Industriaren arloko teknologia berrietan oinarritutako eta industrian aplikatzeko moduko produktu/zerbitzuak badituzte

Beraizik zuzentzen zaie Industria, Energia, Osasun eta Foodtech arloetara bideratzeko moduko produktu edo/eta zerbitzuak eskaintzen dituzten startupei, baldin eta zerbitzu/produktu hori bukatzen ari badira edo dagoeneko merkatuan badute.

Startupen azelerazio programa honen azken edizioan 65 konpainia liderrek parte hartu zuten, besteak beste, hauek: Ferrovial, EDP, Sarralle, Arcelor, Iberdrola, Michelin, Hitachi ABB, Osakitetza, Quirónsalud edo Siemens Gamesa. Guztiak dira trakzio-enpresak, programarako profil egokia dutenak.

  • Manufaktura aurreratu, energia, osasun eta elikadura sektoreetako enpresak, Euskadin gutxienez jarduera zentro bat dutenak.
  • 250 langile baino gehiagoko plantilla dutenak.
  • Startupekin lan egin nahi dutenak eta programako jardueretan parte hartzeko prest daudenak.

Ohiko galderak

BIND 4.0 produktu edo zerbitzu teknologikoak eskaintzen dituzten fabrikazio aurreratuaren, energia adimendunaren, osasun arloko teknologiaren eta elikagaien teknologiaren sektoreetako startup-ei zuzendutako azelerazio programa da. 4.0 industriaren arloko etorkizun handiko startup-en garapena bultzatzen duen ekimen publiko-pribatua da, helburu horretarako prestakuntza, orientazioa eta Euskal Autonomia Erkidegoko eragile industrial nagusien kontaktuak baliatzen dituena.
Gure azelerazio programa arrakastatsuaren bosgarren edizioak harremanetan jarriko zaituzte fabrikazioaren, energiaren, osasunaren eta elikaduraren sektoreetako 4.0 Industria aitzindariarekin eta 150.000 € arteko kontratuak eskaintzen ditu. Enpresaren ondare osoak zuena izaten jarraituko du. Guk laguntza zerbitzuak, sareak egiteko aukerak eta orientazioa eskainiko dizkizuegu. Eman izena gaur eta bat egin Europako sendoenetakoa den Euskal Autonomia Erkidegoko ekosistema industrialarekin, merkatu aukeretarako eta hazkuntzarako sailkapen gorena jaso duena.
Bind 4.0 industriaren, energiaren, osasunaren eta elikaduraren arloetan teknologia berrien erabilera proposatzen duten mundu osoko startup-ei zuzendua dago. Bind 4.0 programaren lehen ediziotik, 108 startup izan dira programari esker euren negozioak azeleratzea lortu dutenak. Zure startup-ak produktu garapena burutu badu edo 4.0 industriaren teknologia batean oinarritutako soluzio bat duela gutxi atera badu, hurrengo urratsa emateko prest zaudete.
Bind 4.0 Eusko Jaurlaritzak eta haren euskal industria sustatzeko SPRI erakundeak antolatzen dute. Programak lankidetzak ezartzen ditu eskualdeko enpresa industrial nagusiekin eta HAZI Fundazioaren eta Euskal Autonomia Erkidegoko hiru Foru Aldundien sostengua du.
Doakoa da. Gure enpresa bazkideek ordainduko dute zuen proiektuaren garapena eta ez duzue proiektu horren zatirik eskualdatu beharko ere parte hartzearen truke.
Programa ingelesez izango da eta gutxienez ere taldeko kide batek hizkuntza maila egokia izan beharko du.
Bind 4.0 euren garapen teknologikoa amaitu duten eta produktu/zerbitzua merkaturatzeko prest dauden 4.0 industriaren arloko startup-ei zuzendua dago. Hasierako faseetan eta “ideia fasean” dauden proiektuak ez dira onartuko.
Bai, izena ematen duten startup-ek juridikoki eratuta egon behar dute, euren garapen teknologikoa amaituta izan behar dute eta merkaturatzeko prest egon behar dira.
Ez. Edozein herrialdetako startup-ek eman dezakete izena Bind 4.0 programan. Baldintza bakarra izango da Euskal Autonomia Erkidegoan egingo diren programako jardueretan parte hartzeko legezko betekizunak betetzea.
• Izena emateko eskabidea bete beharko da. • Horrez gain, talde bakoitzari eskatuko zaio bideo bat bidal dezan fundatzaileek egindako startup enpresaren aurkezpenarekin. Informazio gehigarria (erakustaldiak, aurkezpenak, etab.) eskaintzen duten bestelako eranskinak ere kontuan har daitezke. • Eskabideak ingelesez bidali behar dira.

Parte hartu orain BIND 4.0 programan

Startup bat baduzu, zure zain gaude. Aurkeztu zure proiektua.

Eskatu hemen

Zalantzaren bat duzu?

Deituguzu
Euskal enpresarentzako
arreta zerbitzua.

Telefono Zenbakia
900 929 393