Filtros X
Tipos de Posts
Agenda

Enpresa Digitala zentroak

Euskal enpresen lehiakortasuna hobetzen dugu tresna digitalak erabiliz

Enpresa Digitala zentroak

Informazio Teknologiei buruzko prestakuntza -eta hedapen-jarduerak antolatzen ditugu, eta lehentasuna ematen diegu joeratzat hartzen direnei, besteak beste hauei: 5G, Adimen Artifiziala, Ikusmen Artifiziala, Biki Digitalak, Marketin Digitala eta Machine Learning.

Enpresa Digitala Zentroen jarduera enpresa arlora eta arlo profesionalera zuzentzen da nagusiki, arreta berezia eskainiz euren negozio-prozesuetan EIKT berriak aplikatu nahi dituzten ETEei.

Enpresa Digitalaren helburua da enpresa-lehiakortasunaren hobekuntza sustatzea EIKT gorakorrak erabiliz, eta baita ere negozio digital berriak garatzen laguntzea, hazkunde ekonomikorako faktore bereizgarria diren aldetik. Enpresa Digitalak sentsibilizazio- eta dibulgazio-ekintzak garatzen ditu EIKTen erabilera sustatzeko Enpresa Digitala zentroen  (4 dira)  bitartez. Miramon Enpresa Digitala (Gipuzkoa) 2001eko apirilean inauguratu zen ekimen honen esperientzia pilotu gisa. 2002an hainbat urrats eman ziren Bizkaia Enpresa Digitala eta Araba Enpresa Digitala martxan jartzeko, lehenengoa Zamudioko Teknologi Parkean eta bigarrena Miñaoko Teknologi Parkean. Horiez gain, bada baita ere Garaia Enpresa Digitala zentroa, Garaia Berrikuntza Gunean kokatua dagoena.

Zer eskaintzen du?

Enpresa Digitala programak eskaintzen dizu

Aukera teknologia digitalei buruzko ezagutzak hobetu eta zure enpresan aprobetxatzeko.

Aukera zure produktu eta zerbitzuen garapena eta lehiakortasuna hobetzeko, produktu eta zerbitzu horiek ingurune digitalera egokituz.

Erraztasunak negozio digital berriak sortzeko, gaitasuna eta laguntza emanez profesionalei.

Zertan laguntzen dizu?

Besteak beste, Enpresa Digitalak:

  • Prestakuntza/hedapen-ikastaroak, mintegiak eta jardunaldiak antolatzen ditu.
  • Aholkularitza ematen du enpresan informazio teknologiak ezartzearekin lotutako laguntza eta dirulaguntzei buruz.
  • Laguntza ematen dio enpresa sektoreari proiektu bateratuak garatuz.
  • Tutoretza eta laguntza eskaintzen die ekintzaileei euren enpresa-proiektua definitu eta abiarazteko.
  • Askotariko tresnak eskaintzen ditu diagnostiko eta plangintza digitala egiteko.
Norentzat da?

Zure enpresak ekimen honetan parte har dezake

Enpresa Digitala enpresa arlora eta arlo profesionalera zuzentzen da nagusiki, arreta berezia eskainiz euren negozio-prozesuetan informazio eta komunikazio teknologia berriak aplikatzen hasi nahi duten enpresa txiki eta ertainei, bai eta Interneten erabilpen intentsibo eta estentsiboan oinarritutako negozio-ideia bat garatu nahi duten ekonomia berriko ekintzaileei

Enpresa Digitalak lantzen dituen gaiak

  • Big-Data eta Cloud Computing
  • Zibersegurtasuna
  • Web diseinua, Ecommerce eta Online marketina
  • Fabrikazio gehigarria eta produktibitatea
  • Errealitate areagotua/Birtuala, IoT/Sistema ziberfisikoak
  • Robotika kolaboratiboa, sistemak, ikusmen artifiziala eta adimen artifiziala

Enpresa Digitala ekimenaren bidez euskal enpresaria babesten dugu bere negozioan informazio eta komunikazio teknologiak sartu ditzan eta era sostengarrian erabil ditzan, horretarako behar dituen orientazioa, prestakuntza eta baliabideak eskainiz.

Eskatu hemen

Kontsultatu orain ikastaroen eskaintza, eta atera probetxua tresna digitalei.

Kontsultaren bat egin nahi baduzu, formulario honen bidez egin dezakezu


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Ikusi zuretzat prestatu dugun agenda

Ikastaroak formatu presentzialean egiten dira gure zentroetan. Eman izena orain.

Zalantzaren bat duzu?

Euskal enpresarentzako arreta zerbitzua

Telefono zenbakia 900 929 393

Lotutako laguntzak

Zure Digitalizazioa-proiektua bultzatzeko laguntza-programak diseinatzen ditugu