BIND 4.0 SME Connection

Spri Taldea Enpresen Garapenerako Euskal Agentzia

Bilaketa

Filtros X
Filtros aplicados

Bidalketak

Orrialdeak

Laguntzak

Tipos de Posts

postc

Agenda

eventos

BIND 4.0 SME Connection
4.0 Industriako startup eta ETE liderrentzako berrikuntza irekiko plataforma

Interesatzen zaizu?

Zer da

BIND 4.0 SME Connection programak ETEen digitalizazioa bultzatzen du, eta horretarako ETEak eta startup teknologikoak konektatzen ditu

BIND 4.0 SME Connection programak erantzun bat ematen die ETEen erronka teknologiko berriei, kluster, enpresa eta startup berritzaileekiko lankidetzaren bitartez.

Euskadiko kluster eta enpresek eta ETE parte-hartzaileek erronka sektorialak proposatzen dituzte, eta startup hautagaiek erantzun bat aurkitu behar diete erronka horiei konponbide teknologiko disruptiboak aplikatuz. Erronka horiek ongien ebazten dituzten proposamenak hautatuak izango dira euren proiektuak garatu ditzaten euskal ETEekin batera.

“Startupek erreferentziazko bezeroak lortzen dituzte eta ETEek, berriz, konponbide teknologiko berritzaileak”

Programaren emaitzak

+0

Parte hartzen duten ETEak

+0

Garatutako proiektuak

+0

Parte hartzen duten Startup-ak

0

Edizio arrakastatsuak

Norentzat da

Startup eta scaleup teknologikoentzat

Startup eta scaleupentzat, baldin konponbide teknologiko disruptibo bat badute, gai dena industriako erronka sektorial berriak konpontzeko. Erreferentziazko ETE baten bidez euren proiektuak garatu nahi dituzten enpresentzat.

Nolako startupek parte har dezakete?

01_Teknologia berriak dituzten eta horien garapen teknologikoa bukatua duten startup eta scaleupek. Frogatu eta probatu daitekeen edo dagoeneko merkatuan eskuragarri dagoen produktu edo konponbide bat eskaintzen duten startupek.

02_8 urte baino gehiago ez dituzten enpresek, prozesu industrialak hobetzeko teknologia berriak baliatzen dituztenek eta euren enpresa garapena azkartzeko prest daudenek.

03_Industria hauetan aplikatzeko moduko konponbide disruptiboak dituzten startup eta scaleupek: energia, manufaktura aurreratua, ingurumena, eraikuntza, diseinua, automobilgintza eta elikadura, besteak beste. Hauek dira erabili beharreko teknologiak: adimen artifiziala, Big Data, Computing, zibersegurtasuna, ikusmen artifiziala, IoT, 3D inprimaketa, manufaktura gehigarria, robotika, nanoteknologia, material berriak, errealitate birtuala, errealitate areagotua… eta askoz gehiago!

Presta zaitez eta aurkeztu zure konponbide berritzailea industriaren erronka teknologikoei erantzuteko

ETEentzat

BIND 4.0 SME Connection ekimenean parte hartzen duten ETEak Euskadiko klusterretako edo enpresa-elkarteetako kide dira eta liderrak dira euren sektoreetan. Euren helburua da eraldaketa digitala eta berrikuntza azkartu eta arintzea 4.0 industriaren garapenerako erronka berriei aurre egiteko.

Kontaiguzu zeintzuk diren zure erronkak, eta BIND 4.0k aurkituko ditu zure premietara ongien egokitzen diren konponbide teknologikoak

Jarri zaitez harremanetan gurekin

Zer eskaintzen dizu

BIND 4.0 SME Connection ekimenak konponbide berritzaileak eskaintzen ditu industriak eraldaketa digitaleko prozesuetan proposatzen dituen erronka berriei erantzuteko; eta horretarako, teknologia disruptiboak aplikatu eta garatzen ditu, eta elkarrekin konektatzen ditu industri arloko ETEak eta startupak.

Bultzada arin eta azkar bat industri arloko ETEen digitalizazioari, hainbat arlotan (industria adimenduna, energia garbi eta jasangarria, osasuna, elikadura, eta abar) proposatutako erronka berriei erantzungo dieten merkatuko konponbide berritzaileekin.

Eta, bestalde, aukera ematen zaie startupei lehen bezeroak lortzeko eta euren teknologiak probatzeko kasu erreal batekin, alegia, hazteko aukera emango dien kasu batekin.

ETE bat bazara, kontaiguzu zein diren zure beharrak eta, startup teknologiko bat bazara, proposatu zure konponbide berritzailea.

Bai, baina... zer onura lortzen dut zehazki?

Nola

Nola funtzionatzen du BIND 4.0 SME Connection ekimenak?

BIND 4.0 SME Connection ekimeneko kideek eta ETEek erronka komunak identifikatzen dituzte Klusterren Dinamizaziorako Erakundeen eta enpresa-elkarteen bidez. Ekimen honen helburua da erronka horiei erantzutea proiektu berritzaileak garatuz startup teknologikoekin batera.

Startup parte-hartzaileek konponbide disruptiboak garatzen dituzte (besteak beste, AA, Big Data edo Fabrikazio gehigarria bezalako teknologiak erabiliz) erronkei erantzuteko industria adimendun, energia garbi eta jasangarri, osasun, elikadura eta beste hainbat sektoretan.

Behin startupen proposamenak jaso ondoren, ETEek euren beharretara ongien egokitzen diren konponbideak aukeratzen dituzte, proposatutako erronken arabera. Gerta liteke startup bat baino gehiago aukeratzea erronka bakar baterako.

Prozesuko faseak:

ETEen erronka teknologikoak definitu
(Iraila – Urria)

ETEek euren beharrak planteatzen dituzte klusterren eta elkarteen bitartez.

Erronkak identifikatu eta aurkeztu
(Azaroa – Abendua)

Klusterrek eta hautatutako ETEek erronka sektorialak aurkezten dituzte.

Startupentzako deialdia
(Urtarrila)

Startupek aukera dute proposatutako erronketan inskribatzeko deialdi ireki baten bidez.

Hautaketa eta matching prozesua
(Otsaila – Maiatza)

Konponbide onenak proposatu dituzten startupak hautatzen dira eta kontratuak egiten dira ETE bat edo gehiagorekin.

Programaren eta proiektuen garapena
(Maiatza – Abendua)

ETE eta startupak lankidetzan hasten dira eta proiektu bateratuak abiarazten dituzte.

Informa zaitez euskal ETE eta startupek proposatzen dituzten erronken inguruan

ETEen eta startupen arteko lankidetza-aukera berriak aprobetxatu nahi dituzu? Azalduko dizugu

Onurak

BIND 4.0 SME Connection programako erronketan parte hartuz proiektu teknologiko disruptiboak garatu ditzakezu industrian, jasangarritasunean, osasunean, elikaduran eta beste hainbat arlotan.

Onurak startupentzat

• Kontratu bat erreferentziazko ETE batekin zure konponbidea inplementatzeko
• Merkaturako sarbide zuzena: proiektu errealak fakturazio errealarekin
• Kasu arrakastatsu bat garatzea aukera-bolumen handiko merkatu baterako
• Sektoreko bezero indartsuen babesa eta esperientzia izatea
• Proiektua azkar garatzea, tamaina txikiko enpresekin batera lan eginez
• Proiektuak azkar ezartzea
• Teknologiaren jabetza izatea
• Posizionamendua eta ikusgarritasuna

Onurak ETEentzat

• Zuzenean iristea talentu berritzaile gehiagorengana
• Zure eta industriaren erronka teknologikoei erantzutea
• Negozio-aukerak handitzea
• Berrikuntzako barne gaitasun berriak garatzea
• Lehiakortasuna hobetzea
• Sektoreko lidergoa lortzeko gaitasuna
• Zure enpresaren digitalizazioan aurrera egitea

Bind 4.0 programari buruz

BIND 4.0 SME Connection programak eraginkortasun frogatua duen Cluster Challenges eredua jarraitzen du, zeinak BIND 4.0 plataformaren arrakasta hurbiltzen baitu segmentu honetara

BIND 4.0 nazioarteko erreferentziazko plataforma publiko-pribatu bat da 2016tik, Eusko Jaurlaritzak sustatzen duena SPRI Taldearen eta Up!Euskadi plataformaren bidez, eta bere helburua da industriaren eraldaketa bultzatzea eta bere lehiakortasuna handitzea, lanean arituz azken belaunaldiko konponbide teknologikoak garatzen dituzten startupekin.

Berrikuntza irekiko plataforma honek aukera ematen du enpresetan proiektu berritzaileak garatzeko startupen teknologia aitzindariekin. Gainera, aholkularitza eta trebakuntza eskaintzen ditu berrikuntza irekiaren onurak sustatzeko eta startupen hazkundea indartzeko proiektu errealekin eta erreferentziazko bezeroekin.

BIND 4.0k baditu hiru ekimen berritzeko eta erronka teknologiko berriei erantzuteko:

BIND 4.0: azelerazio eta berrikuntza irekiko ekimena enpresa handi eta startupentzat. Informazio guztia hemen.
BIND 4.0 SME Connection: berrikuntza irekiko erronka teknologikoen ekimena ETE eta startupentzat. Informazio guztia hemen.
BIND 4.0 Govtech: berrikuntza irekiko erronka teknologikoen ekimena administrazio publiko eta startupentzat.

Abantailak

Parte hartu BIND 4.0 SME Connection erronketan, zeurea proposatuz edo beste batena ebatziz

• Aprobetxatu euskal ETEen eta startupen arteko lankidetza-aukera berriak
• Adituen laguntza izango duzu prozesu osoan
• Hazkunde-aukerak bi profilentzat
• Murgilketa bat Berrikuntzaren eta Ekintzailetzaren Euskal Ekosisteman berrikuntza irekiaren bitartez
• Urterik urte erronka eta desafio gehiago hartzen dituen metodo eta programa lider batekin
• Eta Cluster Challenges ereduari jarraiki, zeinak BIND 4.0 plataformaren arrakasta hurbiltzen baitu segmentu honetara

Esperientziak

“BIND 4.0 SME Connection ekimenaren bidez Estatuan garrantzitsuak diren enpresekin kolaboratu dugu, hala nola ELDU, Eroski, Bellota Herramientas, Goizper edo BCC, eta proiektuak partekatu ditugu, besteak beste, gizarte ekintzako antolakundeekin. Horri esker, gai izan gara hazteko eta lantaldea handitzeko” KEVO

“ETEekin lan egiteko erronkak merkatu handi bat eta askoz ate gehiago irekiko dizkigu, frogatuko baitugu gai garela eurei laguntzeko datuen monitorizazio eta bistaratze merkatura iristeko optimizatu dugun produktu batekin”. IMMERSIA

Ohiko galderak

Zalantzak argitu

Ekimen bat, espreski sortu dena ETE eta startupen artean lankidetzarako aukera berriak sortzeko, oinarritzat harturik ETE parte-hartzaileen artean planteatutako erronka sektorial bateratu bat.

Hautagaitzek gutxieneko baldintza hauek bete behar dituzte:

KDE bakoitzak hautagaitza bakar bat prestatuko du eta enpresa multzo bakarra proposatuko du ekimenean parte hartzeko.
Enpresa multzo horiek gutxienez hiru eta gehienez bost ETEk osatuko dituzte.
Lantalde bakoitzak gehienez bi erronka proposatu ditzake, eta lantaldeko ETE guztiek parte hartu behar dute erronketan, hau da, ezin dira azpitaldeak egin KDE bakoitzaren barruan.
Hautagaitzek (erronkak) egitura zehatz bat izango dute, eta eskakizun estandar batzuk bete behar dituzte. Gainera, aurrez definitutako irizpide multzo baten arabera ebaluatuko dira. Xehetasun gehiagorako, puntu honi buruzko informazio gehiago aurkituko duzu 5. (Hautagaitzaren egitura) eta 6. (Hautagaitzak baloratzeko irizpideak) ataletan.
Gutxieneko kalitate-irizpideak betetzen dituzten hautagaitzak aukeratuko dira.

Hona hemen ETE parte-hartzaileek bete behar dituzten ezaugarriak:

• Ekimenarekin bat egin duten KDEetako ETEak izatea.
• KDEetatik kanpoko ETEak izan daitezke, baldin eta kasuan kasuko KDE sektorialak onartu baditu bere hautagaitzan.
• BIND 4.0 ekimenaren bertikalekin edo/eta Euskadiko RIS 3 espezializazio adimenduneko estrategiaren eremuekin zerikusia duten ETEak izatea.
• Euskadin gutxienez jarduera zentro bat izatea.
• 250 langile baino gutxiago izatea.
• Startupekin lan egiteko interesa eta konpromisoa izatea, eta behar besteko baliabideak izatea ekimenaren jarduerei eskaintzeko eta jarduera horietan inplikatzeko.
• Behar besteko heldutasun teknologikoa edo prozesurako gaitutako giza baliabideak izatea, eta programarako arduradun bat izendatzea konpromisoa hartuko duena behar adina denbora eskaintzeko ekimeneko jarduerei.

BIND SME Connection bereziki zuzentzen zaie profil hauek betetzen dituzten startupei:
• Industria sektorean eta harekin lotutako zerbitzuetan aplika daitezkeen teknologia berriak, edo ETE parte-hartzaileen produkzio-prozesuetan edo/eta zerbitzuetan aplikazio zuzena duten eta teknologikoki guztiz garatuta dauden teknologiak garatzen dituztenak, eta euren zerbitzu/produktuaren konfigurazioa bukatzeko moduan daudenak, hau da, ikusi eta probatzeko moduan edo dagoeneko merkatuan dagoen produktu edo zerbitzu bat dutenak.
• Gehienez zortzi urte baino gehiago ez dutenak eta teknologia berriak erabiltzea proposatzen dutenak enpresaren garapena azkartzeko behar dituzten enpresa-prozesuak hobetzeko.
• ETEek proposatutako erronkei aurre egiteko moduko startupak eta lerrokatuta daudenak Euskadiko Espezializazio Adimenduneko Estrategiaren espezializazio-sektoreekin eta aukera-eremuekin.

ETE parte-hartzaileek konpromisoa hartzen dute:

Ekimenaren termino eta baldintzak onartu eta betetzeko.
Ekimenak proposatzen dituen dinamiketara azaldu eta euretan parte hartzeko, eta definitutako lan eta zereginak betetzeko.
Proiektua garatzeko behar den dedikazioa eskaintzeko, behin lankidetza-kontratu bat sinatu ondoren ETEaren eta startuparen artean.

Azken horrek esan nahi du gutxienez 40 orduko dedikazioa eskaini behar dela programan inplikatzeko eta eskaintzen dituen abantailak benetan aprobetxatzeko, hau da, modu proaktiboan parte hartzeko programan eta antolakunde barruan egin behar den lanean. Hauek dira zereginak eta eskaini beharreko gutxieneko orduak:

Martxan jarri + Erronkak identifikatu eta karakterizatu = 12 ordu
Startupak aztertu eta aukeratu = 8 ordu
Matchmaking saioak (pitching + B2B ekitaldia startupekin) = 10 ordu

Barne-gogoetako + komunikazioko beste lan batzuk = 10 ordu

Zalantzarik?
Jarri gurekin harremanetan.

Euskal enpresentzako arreta zerbitzua

Deitu iezaguzu 900 929 393-ra

Estrategia

2016an sortu zenetik nazioartean erreferentziazkoa den programa bat

BIND 4.0 SME Connection 4.0 Industriaren arloko berrikuntza irekiko plataforma handienaren barruan (BIND 4.0) integratutako bi ekimenetako bat da. Ekimen publiko-pribatu bat, Ekonomi Garapen, Jasangarritasun eta Ingurumen Sailak SPRI Taldearen bidez sortu duena.

BIND 4.0 programak hiru ekimen ditu industrian berritzera bideratuta daudenak. Startupei zuzendutako Azelerazio eta Berrikuntza programa ireki bat, proiektuak garatzeko enpresa korporatibo handiekin. BIND 4.0 SME Connection programa, teknologia berriak garatzeko industri arloko ETEekin batera. Eta BIND 4.0 Govtech programa, administrazio publikoaren erronka teknologikoak ebazteko berrikuntza irekiaren bidez.