Mein, zehaztasun eta kalitate handiagoa ahalbidetzen duen Gipuzkoako fundazioa
Mein Ezkio-Itsasoko enpresa da (Gipuzkoa), eta altzairua galdatzen egiten du lan, zehaztasun eta kalitate handiagoa ahalbidetzen duen modelo propio baten bidez, azal bidezkoa (en cáscara) da eta bakarra da Espainian. Hondeatzaileetako erremintak azkar aldatzeko loturetan ardaztu du jarduera, eta bere ekoizpenaren % 95 baino gehiago esportatzen du. SPRI Taldearen laguntza ekonomikoa jaso du BDIH Konexio programaren bidez. Programa horren baitan, Basque Digital Innovation Hubek ETE-en esku jartzen du fabrikazio aurreratuko aktiboen eta zerbitzuen sare konektatua, prestakuntzarako, ikerketarako, testatzeko eta baliozkotzeko.
Enpresa 1929an jaio zen Gipuzkoako Soraluze udalerrian eta letoiaren galdaketan zegoen ardaztuta. 1942an Urretxura lekualdatu zen eta 1992an berriz aldatu zen, oraingo honetan Ezkio-Itsasoko egoitzara, eta azal-galdaketan (en cáscara) zentratu zen.
90eko hamarkadan eraikuntzako materialetan zentratu zen jarduera. Negozio hori batez ere 2000. urtetik aurrera izan zen arrakastatsua; izan ere, “Espainian eraikuntza-lan publikoek booma izan zuten eta zementua eta asfaltoa ekoitzi behar ziren. Animatu egin ginen eta Asturiasko Menasa enpresa eskuratu genuen”, baieztatu zuten Gurutz Franco zuzendari kudeatzaileak eta Susana Armendariz prozesuak hobetzeko arduradunak.
Adreiluaren krisiak bete-betean eragin zien 2008tik aurrera, eta alternatibak bilatu zituzten negozioan. “Baina eragozpenetako bat merkatua ez ezagutzea zen. Ia enpresa itxi genuen eta orain ari gara buelta ematen”. 2018an Gurutz Franco iritsi zen gerentziara, eta kudeatzeko eta merkatuak bilatzeko eredu berri bat hasi zen. “Balio erantsi handiagoa duten produktuetan oinarritzen gara, eta hainbat merkatutara zabaldu gara: esaterako basozaintza, eraikuntzako makinak edo trenak”.
Meinek altzairuzko metalak galdatzea eskaintzen du, hauetarako makineria izango diren produktuak ekoizteko: eraikuntzak, biomasa, kamioiak, traktoreak edo hondeatzaileak. Horretako erabiltzen dute azal-galdaketa delakoa. “Silizezko area erabiltzen dugu metalezko moldeak sortzeko, beroarekin ontzen dugu eta moldea eskuratu, eta horra isurtzen dugu salda 1.600 gradutan. Ondoren, metala hotz dagoela, moldea kentzen dugu eta amaierako pieza lortzen dugu”.
Beste galdaketa-teknologia batzuk baino sistema zehatzagoa da, aukera ematen baitu produktua amaituta entregatzeko, ondoren mekanizatu gabe “eta, egiten bada, mekanizazioko gastu gutxiago dakar. Gure azaleko akabera lehiatzeko abantaila da”. Espainian eredu hori duen galdategi bakarra da. “Bat Alemanian dago, beste bat Suedian eta beste bat Austrian”.
Enpresak hondeatzaileetako tresnak azkar aldatzeko loturetan ardaztu du jarduera, eta horrek aukera ematen du makinatik jaitsi gabe loturak aldatzeko. “Horrez gain, ordezko piezak egiten dizkiegu egurra xehatu eta biomasa ematen duten makinei, osagarriak egiten ditugu basogintzako makinentzat, baita trenentzat ere, Europako trenen loturak bateratzeko. Kalitate handiko produktu horretan hasi nahi dugu”. Sektore hauentzako egiten dute lan: trenak, eraikuntzako makinak, basogintza, birrinketa eta birziklapena.
Esportazioak
53 langile dira guztira eta urteko fakturazioa 10 milioi euro ingurukoa da. I+G garrantzitsua da. “Jarduera berritzailearen gastua % 4 inguru da.” Esportazioak negozioaren % 95 baino gehiago dira eta Europako merkatuan daude ardaztuta: Alemaniara esportatzen dute gehien, eta ondoren, Eskandinaviako herrialdeetara.
SPRI Taldearen BDIH Konexio programaren laguntza material berriak garatzera bideratu da. “Tenperatura baxuko aplikazioa behar zen eta horretan lagundu zigun Azterlanek. Jada homologatu dugu materiala (trenekoa da). Asko harritu gaitu SPRIren dirulaguntza hain erraz izapidetzeak”.
Instalazioak eta baliabideak garai berrietara egokitzea dira erronkak. “Oraindik ere zaharkituta gelditzeak kezkatzen gaitu. Eboluzioa osatu behar da. Hasi ginen ingeniaritza bulego tekniko bat da, orain gure piezen atzean dauden prozesuak ezagutzea falta da, simulazioko tresnak erabiltzea. Helburua da ingeniaritza horrek akats posibleak aurreikustea, ekoizpen-prozesuko fase gehiagotara iristea eta ondo ezagutzea bezeroaren beharrak. Iraganean, nahikoa zen delineatzaile batekin; orain kalkulatu eta dimentsionatu egin behar da, eta galdaketako ingeniaritza-prozesu bat dago”.
Meineko zuzendariek SPRI Taldeari laguntza-programak eskertzen dizkiote, “teknologiak erraz eskuratzeko aukera ematen dute, batez ere geure tamainako enpresentzat. Ezagutzarako saltoa emateko benetako laguntzak dira”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
