Cristina Oyon: “Balio ekonomiko, sozial eta ingurumenekoa sortuko duen eredu produktiboa bilatzen dugu”
SPRI taldeko Teknologia, Berrikuntza eta Jasangarritasunaren arloak Eusko Jaurlaritza laguntzen du estrategiak diseinatzen eta ezartzen, eta euskal industrian ikerketa, garapena eta berrikuntza bultzatzeko mekanismoak eta tresnak kudeatzen.
Arloko zuzendariak, Cristina Oyonek, zehazten duenez, “Politika hori, gaur egun, Espezializazio adimendunerako Ikerketa eta Berrikuntza Estrategian (RIS3 Euskadi) zehazten da. Estrategia horrek, eraldaketa ekonomikoa helburu duenak, I+G+b baliabideak balio erantsi handiko lehentasunetan biltzen ditu, hazkunde ekonomikoa eta kalitatezko enplegua sortzeko potentzial handiena dutenetan”.
Aurreikuspenen arabera, 2021ean Teknologia, Berrikuntza eta Jasangarritasun arloak 200 milioi euro baino gehiago emango ditu diru-laguntzen programen bidez. “Aurten, I+G+b-an jarduten duten euskal enpresen oinarria handitzea da gure erronka, I+G+b-ren kalitatean aurrera egitea eta trantsizio teknologiko-digitalak, energetiko-klimatikoak eta sozio-sanitarioak euskal enpresentzat lehiakortasun-faktore izan daitezen lortzea”, gaineratu du Oyonek.
